ജനങ്ങളെ പറ്റിക്കുന്നതിന് വേണ്ടിയാണ് ബിജെപി ശബരിമല വിഷയത്തില്‍ സമരം ചെയ്തതെന്ന് ശശി തരൂര്‍ എം പി. ശബരിമല വിഷയത്തില്‍ പ്രശ്‌ന പരിഹാരത്തിനല്ല ബിജെപി ശ്രമിക്കുന്നതെന്നും അദ്ദേഹം പറഞ്ഞു. ശബരിമല വിഷയത്തില്‍ നിയമ നിര്‍മാണം നടത്തുമോയെന്ന ചോദ്യത്തിന് കേന്ദ്രസര്‍ക്കാര്‍ ലോക്‌സഭയില്‍ മറുപടി നല്‍കിയിരുന്നു.

ഇതിന് തൊട്ടുപിന്നാലെയാണ് ട്വിറ്ററിലൂടെ ശശി തരൂരിന്റെ പ്രതികരണം. 2018ല്‍ പട്ടിക വിഭാഗങ്ങള്‍ക്കെതിരായ അതിക്രമ നിയമത്തില്‍ സുപ്രീംകോടതി വിധി മറികടക്കാന്‍ കേന്ദ്രം നിയമം കൊണ്ടുവന്നു. എന്നാല്‍ ശബരിമല വിഷയത്തില്‍ ആളെ കൂട്ടുക മാത്രമാണ് ബിജെപിയുടെ ലക്ഷ്യമെന്നും ശശി തരൂര്‍ പ്രതികരിച്ചു.