പാളത്തിലേക്ക് വീണ പെണ്കുട്ടി അത്ഭുതകരമായി രക്ഷപെട്ടു, ജയലക്ഷ്മിക്കിത് രണ്ടാം ജന്മം
ഓടിത്തുടങ്ങിയ ട്രെയിനില് കയറുന്നതിനിടെ പാളത്തിലേക്ക് വീണ മഹാരാജാസ് കോളെജ് വിദ്യാര്ത്ഥിനി അത്ഭുതകരമായി രക്ഷപെട്ടു.
ഇന്നലെ രാവിലെ ആയിരുന്നു സംഭവം. കോളെജിലേക്ക് പോകുന്നതിനായി ജയലക്ഷ്മി എന്ന യുവതി കാഞ്ഞിരമറ്റം റെയില്വേ സ്റ്റേഷനില് എത്തിയപ്പോഴേയ്ക്കും ട്രെയിന് നീങ്ങിത്തുടങ്ങിയിരുന്നു.
ഉടനെ ഓടിക്കയറാന് ശ്രമിക്കുന്നതിനിടെ കാല് വഴുതി പാളത്തിലേക്ക് വീഴുകയായിരുന്നു. ഒരു നിമിഷം ശ്വാസം നിലച്ചു പോയി റെയില്വേ ജീവനക്കാര്ക്ക്. എന്നാല് കീമാന്മാര് സമയോചിതമായി പ്രവര്ത്തിച്ചതോടെ പെണ്കുട്ടി രക്ഷപെടുകയായിരുന്നു.
അനങ്ങാതെ തല താഴ്ത്തിക്കിടക്കാനായിരുന്നു കീമാന്മാര് നിര്ദ്ദേശം നല്കിയത്. പെട്ടെന്ന് തന്നെ യാത്രക്കാര് ചങ്ങല വലിച്ച് ട്രെയിന് നിര്ത്തുകയും ചെയ്തു. ജീവനക്കാര് ഓടിയെത്തി പ്ലാറ്റ്ഫോമിന്റെ എതിര്വശത്ത് കൂടി പെണ്കുട്ടിയെ പുറത്തെടുക്കുകയായിരുന്നു.
പെണ്കുട്ടിയുടെ താടിയെല്ലിന് പരിക്കേറ്റതിനെ തുടര്ന്ന് തൃപ്പുണിത്തുറയിലെ സ്വകാര്യ ആശുപത്രിയില് പ്രവേശിപ്പിച്ചു. കൊല്ലം- എറണാകുളം പാസഞ്ചറിനടിയിലേക്കാണ് പെണ്കുട്ടി വീണത്.
https://www.facebook.com/Malayalivartha
