ആഗസ്റ്റ് ഒന്നിന് ന്യൂമൂണ്‍ സംഭവിച്ചതിനാല്‍ ഇന്ന് 1440 ദുല്‍ഹജ്ജ് മാസം ഒന്നാം തീയതിയും ആഗസ്റ്റ് പത്തിന് ശനിയാഴ്ച അറഫാ ദിനവും പതിനൊന്നിന് ഞായറാഴ്ച ബലി പെരുന്നാളും ആയിരിക്കുമെന്ന് ഹജ്‌റ കമ്മിറ്റി ഓഫ് ഇന്ത്യ. ദുല്‍ഹജ് മാസപ്പിറവി ദൃശ്യമായതിനാല്‍ ഓഗസ്റ്റ് 11 ആയിരിക്കും ബലിപെരുന്നാള്‍ എന്ന് യുഎഇ ഫെഡറല്‍ അതോറിറ്റി പ്രഖ്യാപിച്ചു. ഇതിനോട് അനുബന്ധിച്ച് യുഎഇയില്‍ നാലു ദിവസത്തെ പൊതു അവധിയും പ്രഖ്യാപിച്ചു.

ദുല്‍ഹജ് ഒന്പതിന് ആരംഭിക്കുന്ന ഈദ് അല്‍ അദാ അവധി 12ന് അവസാനിക്കും. പൊതുസ്വകാര്യ മേഖലകള്‍ക്ക് അവധി ബാധകമാണ്. ഈ വര്‍ഷം മുതല്‍ പൊതുസ്വകാര്യ മേഖകളില്‍ തുല്യ അവധി ദിനമായിരിക്കുമെന്ന് യുഎഇ ഭരണകൂടം നേരത്തെ പ്രഖ്യാപിച്ചിരുന്നു. വ്യാഴാഴ്ച സൗദി അറേബ്യയിലാണ് ദുല്‍ഹജ് മാസപ്പിറവി ദൃശ്യമായത്. ഓഗസ്റ്റ് പത്താം തിയതി അറഫാ ദിനമായിരിക്കും.