സര്വേ ഡയറക്ടര് ശ്രീറാം വെങ്കിട്ടരാമന്റെ കാറിടിച്ച് മാധ്യമപ്രവര്ത്തകന് മരിച്ചു, തിരുവനന്തപുരം മ്യൂസിയം ജംഗ്ഷനില് വച്ചായിരുന്നു അപകടം ... അമിത വേഗത്തില് എത്തിയ വാഹനം ബഷീര് സഞ്ചരിച്ച ബൈക്ക് ഇടിച്ചു തെറിപ്പിക്കുകയായിരുന്നു, അപകടത്തില് ശ്രീറാമിനും പരിക്ക്
സര്വേ ഡയറക്ടര് ശ്രീറാം വെങ്കിട്ടരാമന്റെ കാറിടിച്ച് മാധ്യമപ്രവര്ത്തകന് മരിച്ചു. സിറാജ് പത്രത്തിന്റെ തിരുവനന്തപുരം ബ്യൂറോ ചീഫ് കെ. മുഹമ്മദ് ബഷീറാണ് മരിച്ചത്. തിരുവനന്തപുരം മ്യൂസിയം ജംഗ്ഷനില് വച്ചായിരുന്നു അപകടം ഉണ്ടായത്.അമിത വേഗത്തില് എത്തിയ വാഹനം ബഷീര് സഞ്ചരിച്ച ബൈക്ക് ഇടിച്ചു തെറിപ്പിക്കുകയായിരുന്നു. അപകടത്തില് ശ്രീറാമിനും പരിക്കേറ്റിട്ടുണ്ട്.
പരിക്കേറ്റ ശ്രീറാമിനെ സമീപമുള്ള സ്വകാര്യ ആശുപത്രിയില് പ്രവേശിപ്പിച്ചു. ശ്രീറാം മദ്യപിച്ചിരുന്നുവെന്ന് വൈദ്യപരിശോധനയില് കണ്ടെത്തിയിട്ടുണ്ട്. എന്നാല് സുഹൃത്താണ് കാറോടിച്ചതെന്ന് ശ്രീറാം പോലീസിനോട് പറഞ്ഞു. ഇത് സ്ഥിരീകരിക്കുന്നതിനായി സിസിടിവി ദൃശ്യങ്ങള് പരിശോധിക്കുമെന്ന് പോലീസ് പറഞ്ഞു.
ശനിയാഴ്ച പുലര്ച്ചെ ഒരു മണിക്ക് തിരുവനന്തപുരം മ്യൂസിയം പോലീസ് സ്റ്റേഷന് സമീപം പബ്ലിക് ഓഫീസിന് മുന്നില് വെച്ചാണ് അപകടം. റോഡരികില് നിര്ത്തിയിട്ട ബഷീറിന്റെ ബൈക്കിന് പിറകില് സര്വേ ഡയറക്ടര് ശ്രീറാം വെങ്കിട്ടരാമന്റ കാര് ഇടിക്കുകയായിരുന്നു.
2004ല് പ്രാദേശിക റിപ്പോര്ട്ടറായി സിറാജില് പത്രപ്രവര്ത്തനം തുടങ്ങിയ ബഷീര് പിന്നീട് മലപ്പുറം ബ്യൂറോയില് സ്റ്റാഫ് റിപ്പോര്ട്ടറായി ചേര്ന്നു. നിയമസഭാ റിപ്പോര്ട്ടിംഗിലെ മികവിന് കേരള മീഡിയ അക്കാഡമി കഴിഞ്ഞയാഴ്ച ബഷീറിനെ ആദരിച്ചിരുന്നു.
അതേസമയം കഴിഞ്ഞ ദിവസമാണ് പഠനാവധി കഴിഞ്ഞെത്തിയ ശ്രീറാം വെങ്കിട്ടരാമനെ സര്വേ ആന്ഡ് ലാന്ഡ് റെക്കോര്ഡ്സ് ഡയറക്ടറായി നിയമിച്ചത്. കേരള ലാന്ഡ് ഇന്ഫര്മേഷന് മിഷന് പ്രോജക്ട് ഡയറക്ടര്, ഹൗസിങ് കമ്മിഷണര്, ഹൗസിങ് ബോര്ഡ് സെക്രട്ടറി എന്നീ അധിക ചുമതലകളും ശ്രീറാമിന് നല്കിയിരുന്നു. മന്ത്രിസഭയുടേതാണ് തീരുമാനം. മൂന്നാറിലെ ഭൂമി കയ്യേറ്റങ്ങളില് ശക്തമായ നടപടി സ്വീകരിച്ച് ശ്രദ്ധ നേടിയ മുന് ദേവികുളം സബ്ബ് കലക്ടറാണ് ശ്രീറാം വെങ്കിട്ട രാമന്.
"
https://www.facebook.com/Malayalivartha
