കോഴിക്കോട് കാരശ്ശേരിയില്‍ യുവതിക്ക് നേരെ ആസിഡാക്രമണം. കാരശ്ശേരി ആനയാത്ത് അമ്പല പരിസരത്തുവെച്ചാണ് യുവതിക്ക് നേരെ ആക്രമണമുണ്ടായത്. കാരശ്ശേരി സ്വദേശി സ്വപ്നയാണ് ആക്രമണത്തിനിരയായത്.

ജോലി കഴിഞ്ഞു വരികയായിരുന്ന സ്വപ്നയെ ആദ്യഭര്‍ത്താവാണ് ആക്രമിച്ചതെന്നാണ് സൂചന. തുടര്‍ന്ന് യുവതിയെ കത്തിക്ക് കുത്തിയും പരിക്കേല്‍പ്പിച്ചു. യുവതിയെ മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. പരിക്ക് ഗുരുതരമാണെന്നാണ് റിപ്പോര്‍ട്ടുകള്‍.