പ്രതിപക്ഷ സ്ഥാനത്തെക്കുറിച്ച് അധികമാരും മിണ്ടിയില്ല: എന്നാലും വി.എസ് സ്വയം തിരുത്തണമെന്ന് സെക്രട്ടേറിയറ്റില് ആവശ്യം
സി.പി.എം സംസ്ഥാന സെക്രട്ടേറിയറ്റില് വി.എസ് അച്ച്യുതാനന്തന് സ്വയം തിരുത്തണമെന്ന് ആവശ്യം. ജനറല് സെക്രട്ടറി പ്രകാശ് കാരാട്ട്, പോളിറ്റ് ബ്യൂറോ അംഗം എസ്.രാമചന്ദ്രന് പിള്ള എന്നിവരുടെ സാന്നിധ്യത്തിലാണ് സെക്രട്ടേറിയറ്റ് യോഗം നടന്നത്. പലതവണ അച്ചടക്ക നടപടി ഉണ്ടായിട്ടും വി.എസ് വീണ്ടും തെറ്റുകള് ആവര്ത്തിക്കുകയാണ്. ഇനിയെങ്കിലും പൂര്ണമായ തെറ്റുതിരുത്തലിന് തയ്യാറാകണമെന്നാണ് ഔദ്യോഗിക പക്ഷ നേതാക്കളുടെ ആവശ്യം.
വി.എസിന്റെ പേഴ്സണല് സ്റ്റാഫ് അംഗങ്ങള് പാര്ട്ടിയെ ബാധിക്കുന്ന തരത്തില് മാധ്യമങ്ങളില് സംസാരിച്ചതിനെതിരെ കമ്മിറ്റിയില് വിമര്ശനമുണ്ടായി
എന്നാല് പ്രതിപക്ഷ സ്ഥാനത്തു നിന്ന് വി.എസിനെ മാറ്റണം എന്ന ആവശ്യത്തില് നിന്ന് ഭൂരിപക്ഷം അംഗങ്ങളും പുറകോട്ടുപോയി. കഴിഞ്ഞ ദിവസം നടന്ന പോളിറ്റ് ബ്യൂറോ യോഗത്തില് വി.എസിനെതിരെ തല്ക്കാലം നടപടിയില്ലെന്ന് തീരുമാനിച്ചിരുന്നു. ഇതിന്റെ പശ്ചാത്തലത്തിലാണ് പലരും സെക്രട്ടേറിയറ്റില് ഈ ആവശ്യമുന്നയിക്കാതിരുന്നത്.
രണ്ടു ദിവസത്തെ സെക്രട്ടേറിയറ്റ് യോഗം ബുധനാഴ്ചയാണ് അവസാനിച്ചത്. രണ്ടു ദിവസത്തെ യോഗത്തിലും വി.എസ് പങ്കെടുത്തിരുന്നു.
https://www.facebook.com/Malayalivartha
