ട്രെയിനിലെ ശുചിമുറിയില് കുടുങ്ങി വാതില് തുറക്കാനാവാതെ നിലവിളിച്ച യാത്രക്കാരനെ രക്ഷപ്പെടുത്തി, ക്ലോസറ്റില് കാല് കുടുങ്ങിയാണ് അപകടം
ട്രെയിന് യാത്രയ്ക്കിടെ നിലമ്പൂര്-കോട്ടയം പാസഞ്ചര് ട്രെയിനില് ശുചിമുറിയുടെ ക്ലോസറ്റിനുള്ളില് കാല് കുടുങ്ങിയ യാത്രക്കാരനെ ആര്പിഎഫ് ഉദ്യോഗസ്ഥര് രക്ഷപ്പെടുത്തി.
ട്രെയിന് അങ്ങാടിപ്പുറം റെയില്വേ സ്റ്റേഷനില് എത്തുന്നതിന് തൊട്ടുമുന്പായി ശുചിമുറിയില് കയറിയ വടക്കാഞ്ചേരി സ്വദേശിയായ മധ്യവയസ്കനാണ് അപകടത്തില്പെട്ടത്. കാല് ക്ലോസറ്റിലേക്കു വഴുതുകയായിരുന്നു.
വീണു കിടക്കുകയായിരുന്നതിനാല് ശുചിമുറിയുടെ വാതില് തുറക്കാനും സാധിക്കാത്ത സ്ഥിതിയായി.
ശുചിമുറിക്കുള്ളില്നിന്ന് നിലവിളി ശ്രദ്ധയില്പെട്ടതോടെ യാത്രക്കാര് അറിയിച്ചതനുസരിച്ച് ട്രെയിനില് എസ്കോര്ട്ട് ഡ്യൂട്ടിയിലുണ്ടായിരുന്ന ആര്പിഎഫ് ഉദ്യോഗസ്ഥരായ ഹെഡ് കോണ്സ്റ്റബിള് അശോകന്, കോണ്സ്റ്റബിള് സണ്ണി എന്നിവര് ചേര്ന്നാണ് രക്ഷാപ്രവര്ത്തനം നടത്തിയത്.
ശുചിമുറിയുടെ പുറംഭാഗത്തെ ചില്ല് എടുത്തുമാറ്റി. ഇതുവഴി മരക്കമ്പ് ഉപയോഗിച്ച് വാതില് തുറന്ന് അകത്തു കയറി് യാത്രക്കാരനെ രക്ഷപ്പെടുത്തുകയായിരുന്നു.
https://www.facebook.com/Malayalivartha
