ജഡ്ജിമാര്‍ക്കെതിരെ \'ശുംഭന്‍\' പരാമര്‍ശം നടത്തിയ സി.പി.എം നേതാവ് എം.വി ജയരാജന് കോടതി നാല് ആഴ്ചത്തെ തടവ് ശിക്ഷ വിധിച്ചു. നേരത്തെ കോടതിയലക്ഷ്യക്കേസില്‍ ഹൈക്കോടതി ജയരാജന് ആറ് മാസം തടവും 2000 രൂപ പിഴയും ശിക്ഷ വിധിച്ചിരുന്നു. ഹൈക്കോടതി ഉത്തരവ് റദ്ദാക്കണമെന്ന് ആവശ്യപ്പെട്ട് ജയരാജന്‍ നല്‍കിയ അപ്പീലിലാണ് സുപ്രീം കോടതി വിധി. സംഭവത്തില്‍ ജയരാജന്‍ കുറ്റക്കാരനാണെന്ന് സുപ്രീം കോടതി വ്യക്തമാക്കി. ഹൈക്കോടതി വിധിച്ച ആറ് മാസം ശിക്ഷ നാലാഴ്ചയായി കോടതി കുറച്ച് നല്‍കി.
താന്‍ കോടതിയലക്ഷ്യമൊന്നും ചെയ്യാത്തതിനാലാണ് ഇതു വരെ മാപ്പ് പറയാതിരുന്നതെന്നും വിധി അംഗീകരിക്കുന്നുവെന്നും ജയരാജന്‍ പ്രതികരിച്ചു. പ്രസംഗത്തിലെ ഒരു വാചകമല്ല,? ആശയമായിരുന്നു പരിഗണിക്കേണ്ടിയിരുന്നതെന്നും ജയരാജന്‍ കൂട്ടിച്ചേര്‍ത്തു. 2010 ജൂണ്‍ 26ന് കണ്ണൂരില്‍ പൊതുനിരത്തിലെ യോഗങ്ങള്‍ നിരോധിച്ച ഹൈക്കോടതി വിധിക്കെതിരെ സംസാരിക്കവെയാണ് എം.വി ജയരാജന്‍ ജഡ്ജിമാരെ ശുംഭന്മാരെന്ന് വിളിച്ചത്. കോടതി സ്വമേധയാ കേസെടുത്ത് ജയരാജനെ ശിക്ഷിക്കുകയായിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha