പെരിഞ്ഞനം കാട്ടുര്‍ നവാസിനെ ആളുമാറി വെട്ടിക്കൊലപ്പെടുത്തിയ കേസില്‍ സി.പി.എം മുന്‍ ലോക്കല്‍ സെക്രട്ടറിയടക്കം പത്തു പ്രതികള്‍ക്ക് ജീവപര്യന്തം തടവുശിക്ഷയും 50,000 രൂപ പിഴയും. കേസില്‍ 11 പ്രതികളാണ് ഉണ്ടായിരുന്നത്. പത്തു പേര്‍ കുറ്റക്കാരാണെന്ന് രാവിലെ കോടതി വിധിച്ചിരുന്നു. ഒരാളെ തെളിവുകളുടെ അഭാവത്തില്‍ വെറുതെവിട്ടു.
ഒന്നാംപ്രതി പുതുക്കാട് സ്വദേശി കല്ലൂര്‍ പള്ളിരുത്ത് പെറുവാള്‍ക്കാരന്‍ റിന്റോ (32), രണ്ടാം പ്രതി കല്ലൂര്‍ അറയ്ക്കല്‍ വീട്ടില്‍ സലേഷ് (22), മൂന്നാം പ്രതി മാവിന്‍ചുവട് ചിറ്റിയത്ത് ബിദുന്‍ (22), നാലാം പ്രതി കല്ലൂര്‍ തെറ്റാട്ട് പൂക്കോളി ജിക്‌സണ്‍ (31), അഞ്ചാം പ്രതി പെരിഞ്ഞനം സ്വദേശി നടയ്ക്കല്‍ ഉദയകുമാര്‍ (45), ആറാംപ്രതി കയ്പമംഗലം വഴിയമ്പലത്ത് ചുള്ളിപ്പറമ്പില്‍ ഹബീബ് (31), ഏഴാംപ്രതി പെരിഞ്ഞനം വെസ്റ്റ് കിഴക്കേടത്ത് സനീഷ് (29), എട്ടാം പ്രതി സി.പി.എം പെരിഞ്ഞനം മുന്‍ ലോക്കല്‍ സെക്രട്ടറി ചക്കരപ്പാടം നെല്ലിപ്പറമ്പത്ത് രാമദാസന്‍ (41), പത്താംപ്രതി റഫീഖ്, പതിനൊന്നാം പ്രതി സുബൈര്‍ എന്നിവരെയാണ് ശിക്ഷിച്ചത്. ഒമ്പതാം പ്രതി സുമേഷിനെയാണ് വെറുതെവിട്ടത്.
ഒന്നു മുതല്‍ ആറു വരെ പ്രതികള്‍ക്ക് കൊലപാതകത്തില്‍ നേരിട്ട് പങ്കുണ്ടെന്നും ആറു മുതല്‍ പത്തുവരെ പ്രതികള്‍ക്ക് ഗൂഢാലോചനയില്‍ പങ്കെടുത്തുവെന്നും കോടതി കണ്ടെത്തി. കൊലപാതകത്തിനു ശേഷം പ്രതികള്‍ രക്ഷപ്പെട്ടത് പതിനൊന്നാം പ്രതി സുബൈറിന്റെ കാറിലായിരുന്നു. നവാസിനെ കൊലയാളികള്‍ക്കു കാണിച്ചുകൊടുത്തുവെന്ന കുറ്റമാണ് സുമേഷിനെതിരെ ചുമത്തിയിരുന്നത്. എന്നാല്‍ ഇത് തെളിയിക്കാന്‍ പ്രോസിക്യൂഷന് കഴിഞ്ഞില്ല.
2014 മാര്‍ച്ച് രണ്ടിന് രാത്രിയാണ് സി.പി.എം പ്രവര്‍ത്തകനാണ് നവാസിനെ വെട്ടിക്കൊലപ്പെടുത്തിയത്. ബി.ജെ.പി പ്രവര്‍ത്തകനായ ഗിരീഷിനെ ലക്ഷ്യമിട്ട് വന്ന സംഘമാണ് ആളുമാറി കൊലപാതകം നടത്തിയത്. പ്രതികളെ ഒരാഴ്ചയ്ക്കുള്ളില്‍ തന്നെ പ്രത്യേക അന്വേഷണ സംഘം പിടികൂടിയിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha