ഭരത് ഭൂഷന് മുഖ്യമന്ത്രിയെ പലരീതിയിലും സഹയിച്ച മാന്യദേഹമെന്ന് പ്രതിപക്ഷനേതാവ് വി.എസ് അച്യുതാനന്ദന്
ചീഫ് സെക്രട്ടറിയായിരുന്ന ഭരത് ഭൂഷന് മുഖ്യമന്ത്രിയെ പലരീതിയിലും സഹായിച്ച മാന്യദേഹമാണ് പ്രതിപക്ഷനേതാവ് വി.എസ് അച്യുതാനന്ദന്. ഭരത് ഭൂഷന് ഉമ്മന്ചാണ്ടിക്കായും ഉമ്മന്ചാണ്ടി ഭരത് ഭൂഷനായും പരിശ്രമിക്കുകയായിരുന്നു. പാറ്റൂര് കേസുള്പ്പടെ പലതിലും ഇരുവരും ചേര്ന്ന് കേരളത്തിന്റെ സമ്പത്ത് കൊള്ളയടിക്കുകയായിരുന്നെന്നും വി.എസ് മാധ്യമപ്രവര്ത്തകരോട് പറഞ്ഞു.
കഴിഞ്ഞ ദിവസമാണ് ചീഫ് സെക്രട്ടറി സ്ഥാനത്തുനിന്ന് ഭരത് ഭൂഷന് വിരമിച്ചത്. സെക്രട്ടേറിയറ്റ് ദര്ബാര്ഹാളില് ഭരത് ഭൂഷന് സര്ക്കാര് ഔദ്യോഗിക യാത്രയയപ്പ് നല്കി. ചീഫ് സെക്രട്ടറിയായിരിക്കെ ഭരത് ഭൂഷണെതിരെ ഉയര്ന്ന ആരോപണങ്ങളില് കഴമ്പില്ലെന്ന് മുഖ്യമന്ത്രി ഉമ്മന് ചാണ്ടി പറഞ്ഞു.
മുപ്പത്തിയഞ്ചര വര്ഷത്തെ സേവനത്തിനുശേഷം അഗ്നിപരീക്ഷ കഴിഞ്ഞാണ് താന് വിരമിക്കുന്നതെന്ന് ഭരത് ഭൂഷണ് പറഞ്ഞു. ചില നടപടികളുടെ പേരില് വിരലിലെണ്ണാവുന്നവര് മാത്രമാണ് തനിക്കെതിരെ പരാതി ഉന്നയിച്ചത്. രാഷ്ട്രീയ നേതാക്കള് തനിക്കെതിരെ നിയമസഭയില് വ്യക്തിപരമായി നടത്തിയ പരാമര്ശങ്ങളില് ദുഃഖമുണ്ടെന്നും അദ്ദേഹം പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
