ടീമിലിടം നേടാന് ശ്രീയും കൊടുത്തു 30 ലക്ഷം, അക്കൗണ്ടുകള് പരിശോധിക്കാന് ഡല്ഹി പോലീസ് കേരളത്തില്, പരിശോധന വീട്ടിലേക്ക് നീളുമെന്ന പേടി
ഒത്തുകളിയില് കുടുങ്ങിയ ശ്രീശാന്തിനെപ്പറ്റിയുള്ള കൂടുതല് വിവരങ്ങളറിയാന് ഡല്ഹി പോലീസ് കേരളത്തിലെത്തി. ഡല്ഹി പോലീസിന്റെ അഞ്ചംഗ സംഘമാണ് കേരളത്തിലെത്തിയത്. ശ്രീശാന്തിന്റെ ബാങ്ക് അക്കൗണ്ടുകള് പരിശോധിക്കുകയാണ് മുഖ്യ ലക്ഷ്യം. അതോടൊപ്പം ഒത്തുകളിയുമായി ബന്ധമുള്ളവരേയും ചോദ്യം ചെയ്യും. ശ്രീശാന്തിന്റെ വീട്ടില് പോലീസ് പരിശോധന നടുത്തുമോന്ന് അറിവായിട്ടില്ല. ശ്രീശാന്തിന്റെ വീട്ടില് അന്വേഷിക്കേണ്ട കാര്യമില്ലെന്ന് നേരത്തെ ഡല്ഹി പോലീസ് അറിയിച്ചിരുന്നു. ഒരു പക്ഷേ കൂടുതല് തെളുവുകള് വീട്ടില് നിന്നും കിട്ടുമെന്നു പോലീസിന് തോന്നിയാല് അന്വേഷണം വീട്ടിലേക്കും നീളും.
ഐപിഎല് ടീമില് ഇടം പിടിക്കാനും ശ്രീശാന്ത് കോഴ നല്കിയിരുന്നെന്ന് അന്യേഷണ ഉദ്യോഗസ്ഥര് കണ്ടെത്തി. ഒരു സീസണില് 30 ലക്ഷം രൂപ ശ്രീശാന്ത് കോഴ നല്കിയതായി പറയുന്നു.
അതേസമയം വാതുവയ്പ്പുകാരില് നിന്നും മറ്റ് സീനിയര് താരങ്ങള് സമ്മാനങ്ങള് നേടിയതായി ശ്രീശാന്ത് വെളിപ്പെടുത്തി. പാരിതോഷികങ്ങള് വാങ്ങിയെങ്കിലും അവര്ക്ക് വാതുവയ്പ്പുകാരുമായി പങ്കുണ്ടോന്ന് അറിയില്ലെന്നാണ് ശ്രീശാന്ത് പോലീസിനെ അറിയിച്ചത്. എന്നാല് ആരൊക്കെയാണ് അതെന്ന് ശ്രീശാന്ത് വെളിപ്പെടുത്തിയിട്ടില്ല. ശ്രീശാന്തിന്റെ വെളിപ്പെടുത്തലുകളില് പോലീസ് അന്വേഷണം ആരംഭിച്ചു. അതിനിടെ മുംബൈയിലെ ഹോട്ടലില് നിന്നും പിടിച്ചെടുത്ത ശ്രീശാന്തിന്റെ ലാപ്ടോപില് നിന്നും നിര്ണായക തെളിവുകള് ലഭിച്ചതായി മുംബൈ പോലീസ് വ്യക്തമാക്കി. ശ്രീശാന്തും ഇടനിലക്കാരും ഒരുമിച്ച് നില്ക്കുന്ന ചിത്രങ്ങളും മറാത്തി നടിയുമായി ബന്ധപ്പെട്ട വിവരങ്ങളുമാണ് പോലീസിന് ലഭിച്ചത്.
ഒത്തുകളി വിവാദത്തില് അറസ്റ്റിലാകുന്നതിനു മുമ്പു തന്നെ ശ്രീശാന്തിനെ രാജസ്ഥാന് റോയല്സ് ടീമില് നിന്നു പുറത്താക്കിയിരുന്നു. ടീം ഹോട്ടല് ഒഴിയാന് ശ്രീശാന്തിനോട് മാനേജ്മെന്റ് ആവശ്യപ്പെട്ടിരുന്നു. ഒഴിവാക്കുന്നതിനു മുമ്പുതന്നെ ശ്രീയുമായുള്ള സാമ്പത്തിക ഇടപാട് പൂര്ത്തിയാക്കിയിരുന്നുവെന്നുമുള്ള വിവരങ്ങളും പുറത്തു വരുന്നുണ്ട്. മോശം പെരുമാറ്റം കാരണമാണ് ശ്രീശാന്തിനെ പുറത്താക്കിയതെന്നാണ് ടീം മാനേജ്മെന്റ് അറിയിച്ചത്. നിയമങ്ങള് പാലിച്ചില്ല. ടീമില് ഉള്പ്പെടുത്താത്തതില് ശ്രീ അസ്വസ്ഥനായിരുന്നു. ഇക്കാരണത്തില് ക്യാപ്റ്റന് രാഹുല് ദ്രാവിഡിനോടു മോശമായി പെരുമാറിയിരുന്നു. ദ്രാവിഡിന്റെയും മറ്റും എതിര്പ്പു മറികടന്നാണ് ഒത്തുകളി നടന്ന മത്സരത്തില് ടീമില് ശ്രീശാന്തിന് ഇടംകിട്ടിയതെന്നും പറയപ്പെടുന്നു. മത്സരശേഷം ശ്രീശാന്ത് ടീമില് ഒറ്റപ്പെട്ടപോലെയാണ് പെരുമാറിയത്. അതേസമയം ശ്രീശാന്തിനും വാതുവെപ്പുകാര്ക്കുമിടയില് താന് ഇടനിലക്കാരനായി പ്രവര്ത്തിച്ചെന്ന് അറസ്റ്റിലായ ശ്രീശാന്തിന്റെ സുഹൃത്ത് ജിജു ജനാര്ദ്ദനന് വ്യക്തമാക്കി.
https://www.facebook.com/Malayalivartha
