ജോളിയാമ്മ ജോസഫ് എന്ന ജോളിക്ക് ബിരുദം പോലുമില്ലെന്ന് അന്വേഷണ സംഘം. െ്രെകംബ്രാഞ്ച് സംഘത്തിന്റെ ചോദ്യം ചെയ്യലിലാണ് ചാത്തമംഗലം എന്‍.ഐ.ടിയില്‍ അസി. പ്രഫസര്‍ ചമഞ്ഞ് 12 വര്‍ഷത്തോളം വിലസിയ ജോളിക്ക് ബിരുദവുമില്ലെന്ന് വ്യക്തമായത്. ബി.കോം രണ്ടാം വര്‍ഷം ജോളി പഠിപ്പ് നിര്‍ത്തിയെന്നാണ് അന്വേഷണസംഘത്തിന് കിട്ടിയ വിവരം.

ഇരുപത്തിരണ്ട് വര്‍ഷങ്ങള്‍ക്ക് മുമ്പ് പൊന്നാമറ്റത്ത് ജോളി മരുമകളായി വരുമ്പോള്‍ എം.കോം ബിരുദധാരിയെന്നാണ് പറഞ്ഞിരുന്നത്. എം.കോമിന് 50 ശതമാനം മാര്‍ക്കില്ലാത്തതിനാല്‍ വീണ്ടും പരീക്ഷയെഴുതുകയാണെന്നും പറഞ്ഞു. തുടര്‍ന്ന് 55 ശതമാനം മാര്‍ക്ക് കിട്ടിയെന്നും റിസര്‍ച്ച് ഫെലോഷിപ്പിനു പോവുകയാണെന്നും വീട്ടുകാരെ ധരിപ്പിച്ചു. ഇതെല്ലാം കളവാണെന്നാണ് തെളിഞ്ഞിരിക്കുന്നത്.