ജനഹൃദയം മേയർ ബ്രോക്കൊപ്പം; വട്ടിയൂര്ക്കാവില് പ്രശാന്തിലൂടെ ജയിച്ചത് എല്ഡിഎഫ് മാത്രമല്ല, ഇന്നാട്ടിലെ ജനതയുടെ രാഷ്ടീയ പ്രബുദ്ധത; കുമ്മനത്തിനും എന്എസ്എസിനും കടകംപള്ളിയുടെ മറുപടി
വട്ടിയൂര്ക്കാവില് പ്രശാന്തിലൂടെ ജയിച്ചത് എല്ഡിഎഫ് മാത്രമല്ല, ഇന്നാട്ടിലെ ജനതയുടെ രാഷ്ടീയ പ്രബുദ്ധതയാണ്. വട്ടിയൂര്ക്കാവിലെ എല്ഡിഎഫ് വിജയത്തിന് പിന്നാലെ എന്എസ്എസിനെതിരെ വിമര്ശനവുമായി റങ്ങാത്തത് വന്നിരിക്കുകയാണ് മന്ത്രി കടകംപള്ളി സുരേന്ദ്രന്. ജാതി മത സമവാക്യങ്ങള്ക്ക് അപ്പുറമാണ് ജനമനസുകളെന്ന് വ്യക്തമാക്കാനായതില് കടകംപള്ളി സന്തോഷം പ്രകടിപ്പിച്ചു.
പ്രശാന്തിനെ സ്ഥാനാര്ത്ഥി ആക്കിയപ്പോള് വ്യക്തിപരമായി അധിക്ഷേപിക്കപ്പെട്ട സമയത്ത് ഞാന് ഉറപ്പിച്ചു പറഞ്ഞിരുന്നു വട്ടിയൂര്ക്കാവിലെ ജനവിധി കുപ്രചാരണം നടത്തിയവര്ക്ക് മറുപടി ആകുമെന്ന്. പ്രശാന്തിനെ തോല്പ്പിക്കാന് സമുദായ ധ്രുവീകരണത്തിന് വരെ ശ്രമം ഉണ്ടായപ്പോള് സമുദായ ശാസനകള് മറികടന്ന് ജനങ്ങള് ഒറ്റക്കെട്ടായി പ്രശാന്തിനെ വിജയിപ്പിക്കുന്നതിന് നിലയുറപ്പിച്ചത് നേരിട്ട് മനസിലാക്കാന് എനിക്ക് കഴിഞ്ഞിരുന്നു. വട്ടിയൂര്ക്കാവ് തിരുത്തിയെഴുതിയത് കേവലമൊരു മണ്ഡലത്തിലെ തിരഞ്ഞെടുപ്പ് ഫലം മാത്രമല്ല. ഈ ഫലം പകര്ന്നു നല്കുന്നത് ഈ നാട് തോല്ക്കില്ല എന്ന മനോഹരമായ സന്ദേശം കൂടിയാണെന്ന് കടകംപള്ളി ഫെയ്സ്ബുക്കില് കുറിച്ചു
കടകംപള്ളിയുടെ പോസ്റ്റിന്റെ പൂര്ണരൂപം
വട്ടിയൂര്ക്കാവില് പ്രശാന്തിലൂടെ ജയിച്ചത് LDF മാത്രമല്ല. ഇന്നാട്ടിലെ ജനതയുടെ രാഷ്ടീയ പ്രബുദ്ധതയുടെ തെളിവാണ് വട്ടിയൂര്ക്കാവില് കണ്ടത്. ജാതി മത സമവാക്യങ്ങള്ക്ക് അപ്പുറമാണ് ജനമനസുകളെന്ന് വ്യക്തമാക്കാനായതില് സന്തോഷം. പ്രശാന്തിനെ സ്ഥാനാര്ത്ഥി ആക്കിയപ്പോള് വ്യക്തിപരമായി അധിക്ഷേപിക്കപ്പെട്ട സമയത്ത് ഞാന് ഉറപ്പിച്ചു പറഞ്ഞിരുന്നു വട്ടിയൂര്ക്കാവിലെ ജനവിധി കുപ്രചാരണം നടത്തിയവര്ക്ക് മറുപടി ആകുമെന്ന്. പ്രശാന്തിനെ തോല്പ്പിക്കാന് സമുദായ ധ്രുവീകരണത്തിന് വരെ ശ്രമം ഉണ്ടായപ്പോള് സമുദായ ശാസനകള് മറികടന്ന് ജനങ്ങള് ഒറ്റക്കെട്ടായി പ്രശാന്തിനെ വിജയിപ്പിക്കുന്നതിന് നിലയുറപ്പിച്ചത് നേരിട്ട് മനസിലാക്കാന് എനിക്ക് കഴിഞ്ഞിരുന്നു. വട്ടിയൂര്ക്കാവ് തിരുത്തിയെഴുതിയത് കേവലമൊരു മണ്ഡലത്തിലെ തിരഞ്ഞെടുപ്പ് ഫലം മാത്രമല്ല. ഈ ഫലം പകര്ന്നു നല്കുന്നത് ഈ നാട് തോല്ക്കില്ല എന്ന മനോഹരമായ സന്ദേശം കൂടിയാണ് എന്ന് കടകംപള്ളി ഫേസ്ബുക്കിൽ കുറിച്ചു.
വട്ടിയൂര്ക്കാവില് വി.കെ പ്രശാന്തിന്റെ വിജയം ഉറപ്പായികഴിഞ്ഞിരിക്കുകയാണ്. നിലവിൽ 14251 വോട്ടിന്റെ ലീഡുമായി മുന്നേറ്റം നടത്തുകയാണ്. എ.കെ.ജി സെന്ററിന്റെ മുന്പില് പ്രവര്ത്തകർ ആഹ്ലാദപ്രകടനം നടത്തുകയാണ്. എല്ഡിഎഫ് മുന്നോട്ടുവച്ച വികസന മുദ്രാവാക്യം ജനങ്ങള് ഏറ്റെടുത്തുവെന്ന് വട്ടിയൂര്ക്കാവിലെ എല്ഡിഎഫ് സ്ഥാനാര്ത്ഥി വി കെ പ്രശാന്ത് തന്നെ പ്രതികരിച്ചുകഴിഞ്ഞു.വിജയം ഉറപ്പിച്ച് തന്നെയാണ് എല് ഡി എഫ് വട്ടിയൂര്കാവില് മുന്നില്. തുടക്കം മുതല് തടുക്കാനാവാത്ത ലീഡ് നിലനിര്ത്തിയ വികെ പ്രശാന്തിന്റെ ഭൂരിപക്ഷം എല്ഡിഎഫ് പ്രതീക്ഷകളേയും മറികടന്നു. സിറ്റിംഗ് സീറ്റായ വട്ടിയൂര്ക്കാവ് നിലനിര്ത്തുമെന്ന കോണ്ഗ്രസ് പ്രതീക്ഷകള്ക്കേറ്റ വന് തിരിച്ചടിയായി മാറി വട്ടിയൂര്ക്കാവിലെ എല്ഡിഎഫ് വിജയം. കഴിഞ്ഞ രണ്ട് നിയമസഭാ തിരഞ്ഞെടുപ്പിലും മൂന്നാം സ്ഥാനത്തുണ്ടായിരുന്ന എല്ഡിഎഫ് ഇത്തവണ മേയര് വികെ പ്രശാന്തിലൂടെ ഒന്നാം സ്ഥാനത്തേക്ക് കുതിച്ചെത്തിയിരിക്കുന്നു എന്നതും ശ്രദ്ധേയമാണ്..
https://www.facebook.com/Malayalivartha
