എന്.എസ്.എസ് ഏതെങ്കിലും രാഷ്ട്രീയ പാര്ട്ടിക്ക് വേണ്ടി എന്.എസ്.എസ് വോട്ട് ചോദിച്ചിട്ടില്ലെന്ന് ജി.സുകുമാരന് നായര്; തെറ്റ് ചെയ്തുവെന്ന് തോന്നുന്നില്ല; വട്ടിയൂര്ക്കാവില് കോണ്ഗ്രസ് അനുഭാവമുള്ള കരയോഗം അംഗങ്ങള് നടത്തിയ വീട് സന്ദര്ശനവും പ്രചാരണവുമാണ് വാര്ത്തകളില് വന്നത്; ബാക്കി രാഷ്ട്രീയ പാര്ട്ടികളില് പ്രവര്ത്തിച്ചവരുടെ വിവരങ്ങള് പുറത്ത് വന്നില്ല
എന്.എസ്.എസ് ഏതെങ്കിലും രാഷ്ട്രീയ പാര്ട്ടിക്ക് വേണ്ടിയോ ആള്ക്ക് വേണ്ടിയോ എന്.എസ്.എസ് വോട്ട് ചോദിച്ചിട്ടില്ലെന്ന് എന്.എസ്.എസ് ജനറല് സെക്രട്ടറി ജി. സുകുമാരന് നായര്. എന്തെങ്കിലും തെറ്റ് ചെയ്തുവെന്ന് തോന്നുന്നില്ലെന്നും സുകുമാരന് നായര് പറഞ്ഞു.
വട്ടിയൂര്ക്കാവ്, കോന്നി മണ്ഡലങ്ങളില് എന്.എസ്.എസ് യു.ഡി.എഫ് അനുകൂല നിലപാട് എടുത്തെന്ന ആരോപണത്തിന് മറുപടി പറയുകയായിരുന്നു അദ്ദേഹം. മുന്പ് സ്വീകരിച്ച സമദൂരം എന്ന നയത്തിന് പകരം ശരിദൂരം എടുക്കണമെന്നാണ് എന്,എസ്,എസ് പരസ്യമായി ആവശ്യപ്പെട്ടത്.
ശരിദൂരം പ്രഖ്യാപിച്ചതോടെ തിരുവനന്തപുരം താലൂക്ക് യൂണിയന്റെ കീഴിലുള്ള ചില എന്.എസ്.എസ് അംഗങ്ങള് അവര്ക്ക് വിശ്വാസമുള്ള രാഷ്ട്രീയ പാര്ട്ടിക്കായി പ്രചാരണ പരിപാടികളില് പങ്കെടുത്തു.
എന്നാല് വട്ടിയൂര്ക്കാവില് ഇത്തരത്തില് കോണ്ഗ്രസ് അനുഭാവമുള്ള കരയോഗം അംഗങ്ങള് നടത്തിയ വീട് സന്ദര്ശനവും പ്രചാരണവുമാണ് വാര്ത്തകളില് വന്നത്. ബാക്കി രാഷ്ട്രീയ പാര്ട്ടികളില് പ്രവര്ത്തിച്ചവരുടെ വിവരങ്ങള് പുറത്ത് വന്നില്ലെന്നും അദ്ദേഹം പറഞ്ഞു.
https://www.facebook.com/Malayalivartha
