ബിജെപി സംസ്ഥാന പ്രസിഡന്‍റ് പി എസ് ശ്രീധരന്‍ പിള്ളയെ മിസോറാം ഗവര്‍ണറായി നിയമിച്ചതോടെ ബി​ജെ​പി സം​സ്ഥാ​ന അ​ധ്യ​ക്ഷൻ ആരായിരിക്കും എന്നാണ് ഇനി അറിയേണ്ടത്. ബി​ജെ​പി സം​സ്ഥാ​ന അ​ധ്യ​ക്ഷ സ്ഥാ​ന​ത്തി​നാ​യി ച​ര​ടു​വ​ലി​ക്കി​ല്ലെന്ന് കു​മ്മ​നം രാ​ജ​ശേ​ഖ​ര​ന്‍. എന്നാൽ ശ്രീ​ധ​ര​ന്‍​പി​ള്ള​ക്ക് കി​ട്ടി​യ​ത് പ​ണി​യ​ല്ല, അം​ഗീ​കാ​ര​മാ​ണെ​ന്നും കു​മ്മ​നം പ​റ​ഞ്ഞു.

സംസ്ഥാന അധ്യക്ഷന്‍റെ കാലാവധി അടുത്ത മാസം തീരാനിരിക്കെ ആണ് അദ്ദേഹത്തെ ഗവര്‍ണറായി നിയമിച്ചിരിക്കുന്നത്. രാഷ്ട്രപതി രാം നാഥ് കോവിന്ദ് ആണ് ഇതുസംബന്ധിച്ച ഉത്തരവ് പുറത്തിറക്കിയത്. എ​ന്‍​ഡി​എ ശ​ക്ത​മാ​യി തന്നെ തി​രി​ച്ചു​വ​രും. പാർട്ടിയുടെ വ​ള​ര്‍​ച്ച​ക്ക് താ​നും ഒ​പ്പ​മു​ണ്ടാ​കും. പാ​ര്‍​ട്ടി എ​ന്തു പ​റ​ഞ്ഞാ​ലും അ​ത് അം​ഗീ​ക​രി​ക്കാ​ന്‍ ത​യാ​റാ​ണ്. ഈ ഉപതിരഞ്ഞെടുപ്പിൽ വ​ട്ടി​യൂ​ര്‍​ക്കാ​വി​ല്‍ ബി​ജെ​പി​ക്ക് കോ​ട്ട​ങ്ങ​ള്‍ ഉ​ണ്ടാ​യി​ട്ടു​ണ്ട്. തോ​ല്‍​വി പാ​ര്‍​ട്ടി പ​രി​ശോ​ധി​ക്കു​മെ​ന്നും കു​മ്മ​നം വ്യ​ക്ത​മാ​ക്കി. കുമ്മനം രാജശേഖരന്‍ രാജി വച്ചതിന് ശേഷം ജഗദീഷ് മുഖിയായിരുന്നു മിസോറാം ഗവര്‍ണര്‍. എന്നാൽ  തിരുവനന്തപുരം ലോക്സഭാ മണ്ഡലത്തില്‍ സ്ഥാനാര്‍ത്ഥിയാകാന്‍ കുമ്മനം പിന്നീട് ഗവര്‍ണര്‍ സ്ഥാനം രാജിവെയ്ക്കുകയായിരുന്നു. മിസോറാമിന്‍റെ ഗവര്‍ണര്‍ പദവിയിലെത്തുന്ന മൂന്നാമത്തെ മലയാളിയാണ് ശ്രീധരന്‍ പിള്ള. കോണ്‍ഗ്രസ് നേതാവ് വക്കം പുരുഷോത്തമനും നേരത്തെ മിസോറാം ഗവര്‍ണറായി സേവനമനുഷ്ഠിച്ചിട്ടുണ്ട്.