ദേശീയ ഗെയിംസിനെ ചൊല്ലി ഏറെ വിവാദങ്ങള്‍ ഉയരുബോഴും അഭിനന്ദനവുമായി പ്രധാനമന്ത്രി നരേന്ദ്രമോഡിയുടെ കത്ത്. മുഖ്യമന്ത്രിക്കാണ് പ്രധാനമന്ത്രി അഭിനന്ദനമറിയിച്ച് കത്തയച്ചത്. ഇന്നലെ രാത്രിയാണ് പ്രധാനമന്ത്രിയുടെ കത്ത് മുഖ്യമന്ത്രിയുടെ ഓഫീസിന് ലഭിച്ചത്.
ഗെയിംസ് നടത്തിപ്പ് ഏറെ വിവാദങ്ങള്‍ക്കിടയിലാണെങ്കിലും പ്രധാനമന്ത്രിയുടെ അഭിനന്ദനക്കത്ത് ഗെയിംസിന്റെ അണിയറ പ്രവര്‍ത്തകര്‍ക്ക് ആശ്വാസമായിരിക്കുകയാണ്. സ്‌പോര്‍ട്‌സ് സാമഗ്രികള്‍, ലാപ്‌ടോപ്പ് തുടങ്ങി വേദിയുടെ നിര്‍മ്മാണത്തിലും നടത്തിപ്പിലും വരെ അഴിമതിയാണെന്ന ആരോപണങ്ങള്‍ക്കിടയിലാണ് കേരളത്തിലെ ദേശീയഗെയിംസ് നടക്കുന്നത്. ഗെയിംസിന്റെ നടത്തിപ്പിനെതിരെ മുന്‍ മന്ത്രിമാര്‍ രാഷ്ടീയ നേതാക്കള്‍,മാധ്യമ പ്രവര്‍ത്തകര്‍ എന്നിവര്‍ രംഗത്ത് വന്നിരുന്നു. എന്നാലും മത്സരങ്ങളെല്ലാം ഇതുവരെ വിവാദങ്ങളില്ലാതെയാണ് പൂര്‍ത്തിയാക്കിയത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha