കരമന സ്വത്ത് തട്ടിപ്പ് കേസില്‍ ആരോപണവിധേയനായ രവീന്ദ്രന്‍ നായര്‍ വിശദീകരണവുമായി രംഗത്തെത്തി.

ജയമാധവന്‍നായര്‍ സ്വന്തം ഇഷ്ടപ്രകാരം എഴുതി നല്‍കിയതാണ് സ്വത്തുക്കള്‍ എന്നാണ് അദ്ദേഹം അവകാശപ്പെടുന്നത്.

ബന്ധുക്കള്‍ ആരും ഇല്ലാതിരുന്നപ്പോള്‍ ജയമാധവന്‍നായരെ പരിചരിച്ചത് താനായിരുന്നുവെന്നും ജയമാധവന്റെ മരണത്തില്‍ ഒരു ദുരൂഹതയുമില്ലെന്നും രവീന്ദ്രന്‍ നായര്‍ പറയുന്നു.

അദ്ദേഹത്തിന്റെ പോസ്റ്റ് മോര്‍ട്ടം നടത്തിയിരുന്നുവെന്നും തന്റെ പക്കലുള്ള സ്വത്തില്‍ നിന്നും അഞ്ചും ആറും സെന്റ് ഒക്കെ എഴുതി തരണമെന്ന് ആവശ്യപ്പെട്ട് വരുന്ന ബന്ധുക്കളെ അവഗണിക്കുന്നതിലുള്ള അമര്‍ഷമാണ് പരാതിക്ക് പിന്നിലെന്ന് രവീന്ദ്രന്‍ നായര്‍ പറഞ്ഞു.