സി.പി.എമ്മിലേക്ക് ആരും ക്ഷണിച്ചിട്ടില്ല: ഗൗരിയമ്മ
തന്നെ സി.പി.ഐ.എമ്മിലേക്ക് ആരും ക്ഷണിച്ചിട്ടില്ലെന്ന് ജെ.എസ്.എസ് സംസ്ഥാന പ്രസിഡന്റ് കെ.ആര്.ഗൗരിയമ്മ പറഞ്ഞു. ഇറക്കി വിടുമ്പോള് പോവാനും വിളിക്കുമ്പോള് കയറി വരാനും താന് വളര്ത്തു പട്ടിയല്ലെന്നും അവര് പറഞ്ഞു. സി.പി.എം സംസ്ഥാന സമ്മേളനം ആലപ്പുഴയില് വെള്ളിയാഴ്ച ആരംഭിക്കാനിരിക്കെ ഗൗരിയമ്മയെ പാര്ട്ടിയിലേക്ക് തിരികെ എടുക്കുമെന്ന റിപ്പോര്ട്ടുകള്ക്കിടെയാണ് അവരുടെ പ്രതികരണം.
ഘടകകക്ഷിയാക്കണമെന്ന് ആവശ്യപ്പെട്ട് അപേക്ഷ നല്കാന് എല്.ഡി.എഫ് നേരത്തെ ആവശ്യപ്പെട്ടിരുന്നു. അതുപ്രകാരം അപേക്ഷ നല്കി. എന്നാല് ഘടകകക്ഷിയാക്കിയതായി എല്.ഡി.എഫില് നിന്ന് അറിയിപ്പൊന്നും ലഭിച്ചിട്ടില്ലെന്നും ഗൗരിയമ്മ പറഞ്ഞു.
ഗൗരിയമ്മയെ തിരികെ കൊണ്ടുവരുന്നതുമായി സി.പി.എമ്മിലെ ഒരു ഉന്നത നേതാവ് രണ്ടാഴ്ചക്കിടെ പല തവണ അവരുടെ വീട്ടിലെത്തി ആശയവിനിമയം നടത്തിയിരുന്നു. ജെ.എസ്.എസ്. ഉന്നതാധികാര സമിതിയായ സംസ്ഥാന സെന്റര് യോഗം അഞ്ചംഗ സമിതിയെ തുടര് പ്രവര്ത്തനത്തിനായി തിരഞ്ഞെടുക്കുകയും ചെയ്തു. ഇവരുമായി എല്.ഡി.എഫ്. കണ്വീനര് വൈക്കം വിശ്വന് ഉടനെ ചര്ച്ച നടത്തും. അതിന്റെ തുടര്ച്ചയായി പാര്ട്ടി സംസ്ഥാന സെക്രട്ടറി പിണറായി വിജയനും ഗൗരിയമ്മയെ സന്ദര്ശിക്കുമെന്നാണ് വിവരം.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha