ആപ്പിള് ട്രീ വളര്ന്നത് ഒരു ആപ്പിള് കഥ പോലെ.... പി.ജി. ബിരുദവുമായി ജോലിയില്ലാതെ അലഞ്ഞ് സൈക്കിള് ചവിട്ടി ചിട്ടിപ്പിരിവ് തുടങ്ങി; ഈ 33 കാരന്റെ വെട്ടിപ്പ് 36 കോടി
ആപ്പിള് ട്രീ ഉടമ ശങ്കര് ജി. ദാസ് വളര്ന്നത് മധുരമുള്ള ഒരു ആപ്പിളിന്റെ കഥ പോലെ. പൊളിറ്റിക്കല് സയന്സില് ബിരുദാനന്തര ബിരുദമുള്ള ശങ്കര്ദാസ് പല ജോലികള്ക്കും ശ്രമിച്ചെങ്കിലും നടക്കാതെ വന്നപ്പോള് സ്വന്തമായി ഒരു വരുമാനം കണ്ടെത്താന് തീരുമാനിച്ചു. അങ്ങനെയാണ് ചെറിയ രീതിയില് ചിട്ടിപ്പിരിവ് തുടങ്ങിയത്. കടകളില് നിന്നും മറ്റും സൈക്കിളില് യാത്രചെയ്ത് പണം സ്വീകരിച്ച് മുന്നേറിയ ഇയാളുടെ വളര്ച്ച അലാവുദീന്റെ അത്ഭുത വിളക്കു പോലെയായിരുന്നു.
2008ലാണ് കോട്ടയം പുതുപ്പള്ളിയില് ആപ്പിള് ട്രീ ഇന്ത്യ ലിമിറ്റഡ് എന്ന ചിട്ടി സ്ഥാപനം തുടങ്ങിയത്. കൂടെ സുഹൃത്തായ ബിനുകുമാറും ഉണ്ടായിരുന്നു. കേരളത്തിലെ പ്രമുഖ സ്വകാര്യ, ധനകാര്യ സ്ഥാപനത്തിലെ ഉദ്യോഗസ്ഥനായ ബിനുകുമാര് ജോലി രാജിവച്ചാണ് ഇയാളുമായി ചേര്ന്ന് ചിട്ടി ആരംഭിച്ചത്.
2008ല് തുടങ്ങിയ സ്ഥാപനം അഞ്ചുവര്ഷം കഴിഞ്ഞപ്പോഴേക്കും സംസ്ഥാനത്തിനകത്തും പുറത്തും നിരവധി ബ്രാഞ്ചുകളുള്ള സ്ഥാപനങ്ങളായി മാറി. നാട്ടിന്പുറങ്ങളില് അഭ്യസ്തവിദ്യരായ ചെറുപ്പക്കാരെ കമ്മീഷന് നിരക്കിലാണ് ജോലിക്ക് നിര്ത്തിയിരുന്നത്. രണ്ടുതവണ ചിട്ടിക്ക് പണമടച്ചാല് മൂന്നാം മാസം തുകയുടെ 80 ശതമാനവും നല്കുമെന്ന വാഗ്ദാനമായിരുന്നു.
ആകര്ഷകമായ രീതിയിലുള്ള ബ്രോഷറുകളിലൂടെയും മറ്റും പ്രചാരണം നടത്തിയിരുന്ന ഇയാള് ക്യാഷ് ഇന്റന്സീവും നല്കിയിരുന്നു. വളരെ പെട്ടെന്നാണ് നാട്ടിന്പുറങ്ങളില് സ്ഥാപനത്തില് ചിട്ടിക്ക് ആളുകള് ചേര്ന്നത്. ബിസിനസ് വളര്ന്നതോടെ സംസ്ഥാനത്തെ പ്രധാന നഗരങ്ങളിലെല്ലാം സ്വന്തമായി ഫ്ളാറ്റും നിരവധി വാഹനങ്ങളും ഇയാള്ക്കുണ്ടായി
ആഡംബരപൂര്ണമായ ജീവിതവും കാറുകളും ഇയാളുടെ വിനോദമായിരുന്നു. 33 വയസുള്ള ഇയാള് 36 കോടി രൂപയുടെ വെട്ടിപ്പ് നടത്തിയത് ഇയാളുടെ ഉന്നതനിലവാരത്തിലുള്ള ബുദ്ധിശേഷി തെളിവാക്കുന്നതാണെന്ന് പോലീസ് ഉദ്യോഗസ്ഥര് പറഞ്ഞു. പുതുപ്പള്ളിയില് ഒരു കോടി രൂപ നല്കി ഒരു സ്കൂളും ഇയാള് വാങ്ങിയിരുന്നു. സൗജന്യവിദ്യാഭ്യാസം നല്കാനെന്നു പറഞ്ഞാണ് എല്പി മുതല് ഹൈസ്കൂള് വരെയുള്ള അണ്എയ്ഡഡ് സ്കൂള് ഇയാള് സ്വന്തമാക്കിയത്.എന്നാല് ഇപ്പോള് സ്കൂള് അടഞ്ഞുകിടക്കുകയാണ്.
നിരവധി ജനങ്ങളുടെ പരാതിയെ തുടര്ന്നാണ് ഇയാള്ക്കെതിരെ അന്വേഷണം നടന്നത്. ബാഹ്യ സമ്മര്ദ്ധം ഉണ്ടായെങ്കിലും ബഹുജന രോക്ഷം മാനിച്ച് ശങ്കര് ദാസിനേയും കൂട്ടാളികളേയും ആപ്പിള് ട്രീ ചിട്ടി തട്ടിപ്പ് കേസില് കഴിഞ്ഞ ദിവസം ആറന്മുള പോലീസ് അറസ്റ്റുചെയ്തു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha