ഉമ്മന് ചാണ്ടിയും ചെന്നിത്തലയും കൂടിക്കാഴ്ച നടത്തി, മൂന്നാമനാകാനില്ല ആഭ്യന്തരം മുഖ്യമന്ത്രിയെടുത്ത് ഉപമുഖ്യമന്ത്രി സ്ഥാനത്തോടെ റവന്യുവെങ്കില് നോക്കും
കേരള രാഷ്ട്രീയം തിളച്ചു മറിഞ്ഞുകൊണ്ടിരിക്കുമ്പോള് കെപിസിസി പ്രസിഡന്റ് രമേശ് ചെന്നിത്തലയും മുഖ്യമന്ത്രി ഉമ്മന് ചാണ്ടിയും കൂടിക്കാഴ്ച നടത്തി. മന്ത്രിസഭാ പുനസംഘടനയുമായി ബന്ധപ്പെട്ട വിഷയങ്ങളാണ് ഇരവരും ചര്ച്ച ചെയ്തത്. കെപിസിസി ആസ്ഥാനത്ത് ഇരു നേതാക്കളുടേയും കൂടിക്കാഴ്ച വെറും അഞ്ചുമിനിട്ടോളമായിരുന്നു. പുനസംഘടന സംബന്ധിച്ച് കൂടുതല് ചര്ച്ച ആകാമെന്ന നിലപാട് രമേശിനെ ഉമ്മന് ചാണ്ടി അറിയിച്ചു. തുടര്ന്ന് വൈകിട്ട് വീണ്ടും ഇരുവരും ചര്ച്ച നടത്തും.
സംസ്ഥാന കോണ്ഗ്രസിലെ പ്രശ്നങ്ങള് ഹൈക്കമാന്ഡ് സസൂഷ്മം വീക്ഷിക്കുന്നുണ്ട്. കേരളത്തില് തന്നെ തീരുമാനമെടുക്കാനാണ് എ.കെ. ആന്റണിയെപ്പോലെയുള്ള മുതിര്ന്ന നേതാക്കളുടെ അഭിപ്രായം. അതു കൊണ്ടാണ് ഉമ്മന് ചാണ്ടിയും രമേശ് ചെന്നിത്തലയും വിട്ടുവീഴ്ചയ്ക്ക് തയ്യാറാവുന്നത്.
ആഭ്യന്തര വകുപ്പിനെ ചുറ്റിപ്പറ്റിയായിരുന്നു രമേശ് ചെന്നിത്തലയുടെ മന്ത്രിസഭാ പ്രവേശനം നീണ്ടു പോയത്. തിരുവഞ്ചൂര് രാധാകൃഷ്ണന് ആഭ്യന്തര മന്ത്രിയായിരിക്കുമ്പോള് മൂന്നാമനായി മന്ത്രിസഭയിലേക്കില്ലെന്ന് രമേശ് തീര്ത്തു പറഞ്ഞിട്ടുണ്ട്. ആഭ്യന്തരം മുഖ്യമന്ത്രി ഏറ്റെടുത്താല് ഉപമുഖ്യമന്ത്രി പദം റവന്യൂ വകുപ്പോടെ ഏറ്റെടുക്കാന് രമേശ് തയ്യാറാകും. പകരം തിരുവഞ്ചൂരിന് വിജിലസ് വകുപ്പും നല്കും. ഈയോരു ഫോര്മുലയിലൂന്നിയാണ് ഇപ്പോഴത്തെ ചര്ച്ചകള് നടക്കുന്നത്.
ഉമ്മന് ചാണ്ടിയുയുമായ കൂടിക്കാഴ്ചയ്ക്കു ശേഷം രമേശ് ചെന്നിത്തല യുഡിഎഫ് കണ്വീനര് പിപി തങ്കച്ചനെ കണ്ടിരുന്നു. മുഖ്യമന്ത്രിയും തങ്കച്ചനെ കണ്ട് കാര്യങ്ങള് ധരിപ്പിക്കും.
https://www.facebook.com/Malayalivartha
