അവിഹിതബന്ധം, അനാശാസ്യം,പണമിടപാട്, ഒടുവിൽ അരമന രഹസ്യം അങ്ങാടി പാട്ടായി ; മലങ്കര ഓര്ത്തഡോക്സ് സഭയിലെ മൂന്ന് വൈദികരെ ആത്മീയ ചുമതലകളില്‍ നിന്ന് പുറത്താക്കി; പുറത്താക്കപ്പെട്ട വൈദികര്‍ക്കെതിരേ കാതോലിക്കാബാവായ്ക്കും സഭാനേതൃത്വത്തിനും വിശ്വാസികള്‍ ഒട്ടേറെ പരാതികള്‍ നല്‍കിയിരുന്നു
മലങ്കര ഓര്ത്തഡോക്സ് സഭയിലെ മൂന്ന് വൈദികരെ ആത്മീയ ചുമതലകളില്‍ നിന്ന് പുറത്താക്കി. സഭാവിരുദ്ധപ്രവര്‍ത്തനങ്ങള്‍ നടത്തിയെന്ന ആരോപണത്തെത്തുടര്‍ന്നാണ് മലങ്കര ഓര്ത്തഡോക്സ് സുറിയാനി സഭയിലെ മൂന്ന് വൈദികരെ സഭയുടെ കീഴിലുള്ള പള്ളികളില്‍ ആത്മീയചുമതലകള്‍ നിര്‍വഹിക്കുന്നതില്‍നിന്ന് ഒഴിവാക്കിയത്. ഓര്ത്തഡോക്സ് സഭയുടെ കോട്ടയം ഭദ്രാസനത്തില്‍പ്പെട്ട കൂരോപ്പട സ്വദേശി ഫാ. വര്‍ഗീസ് മര്‍ക്കോസ്, മീനടം സ്വദേശി ഫാ. വര്‍ഗീസ് എം.വര്‍ഗീസ് (ജിനൊ), പാക്കില്‍ സ്വദേശി ഫാ. റോണി വര്‍ഗീസ് എന്നിവരെയാണ് സഭാ എപ്പിസ്‌കോപ്പല്‍ സുന്നഹദോസ് സെക്രട്ടറി ഡോ. യൂഹാനോന്‍ മാര്‍ ദിയസ്‌കോറോസ് മെത്രാപ്പൊലീത്താ താത്കാലികമായി ചുമതലകളില്‍നിന്ന് ഒഴിവാക്കിയത്.
പുറത്താക്കപ്പെട്ട വൈദികര്‍ക്കെതിരേ നിരന്തരമായി, കാതോലിക്കാബാവായ്ക്കും സഭാനേതൃത്വത്തിനും വിശ്വാസികള്‍ ഒട്ടേറെ പരാതികള്‍ നല്‍കിയിരുന്നു. കോട്ടയം കുഴിമറ്റത്ത് വീട്ടമ്മ ആത്മഹത്യചെയ്ത സംഭവവുമായി ബന്ധപ്പെട്ടട്ടാണ് ഫാ. വര്‍ഗീസ് മര്‍ക്കോസ് ആര്യാട്ടിനെതിരേ പരാതിയുയര്‍ന്നത്. അവിഹിതബന്ധവും പണമിടപാടും ആരോപിച്ച് വീട്ടമ്മയുടെ ഭര്‍ത്താവ് ഫാ. ആര്യാട്ടിനെതിരേ സഭാനേതൃത്വത്തിനും പോലീസിനും പരാതി നല്‍കിയിരുന്നു. കേസ് ഇപ്പോള്‍ കോട്ടയം ക്രൈം ഡിറ്റാച്ച്‌മെന്റ് ഡിവൈ.എസ്.പി.യുടെ നേതൃത്വത്തില്‍ അന്വേഷിച്ചുവരികയാണ്.
ആലപ്പുഴയിലെ ഒരു പള്ളിയില്‍ കുര്‍ബാന അര്‍പ്പിച്ചുവരികയാണ് ഫാ. ആര്യാട്ട്. കോട്ടയത്ത് വാകത്താനത്ത് ഒരു ചാപ്പലില്‍ വികാരിയായിരുന്ന ഫാ. വര്‍ഗീസ് എം.വര്‍ഗീസ് ചക്കുംചിറയിലിനെ, കഴിഞ്ഞദിവസം അനാശാസ്യം ആരോപിച്ച് വിശ്വാസികള്‍ ചാപ്പലില്‍ തടഞ്ഞുവച്ചു. കോട്ടയം ഭദ്രാസനത്തിന് കീഴിലാണ് വാകത്താനം വലിയ പള്ളി.
അനാശാസ്യം ഉള്‍പ്പെടെ വിവിധ ആരോപണങ്ങളെത്തുടര്‍ന്ന് നേരത്തേതന്നെ വികാരിസ്ഥാനത്തുനിന്ന് മാറ്റിനിര്‍ത്തിയിരുന്ന വൈദികനാണ് ഫാ. റോണി വര്‍ഗീസ് ചെറുവള്ളില്‍. വിശ്വാസികളുടെ പരാതിയില്‍ ഫാ. റോണിക്കെതിരേ സഭാനേതൃത്വം അന്വേഷണം നടത്തിവരികയായിരുന്നു. ഇതിന്റെ അടിസ്ഥാനത്തിലാണ് ഫാ. റോണിയെ ചുമതലകളില്‍നിന്ന് ഒഴിവാക്കിയത്.
വൈദികരെ പുറത്താക്കിക്കൊണ്ടുള്ള മെത്രാപ്പൊലീത്തായുടെ കല്പന ഞായറാഴ്ച പള്ളികളില്‍ വായിക്കുമെന്നാണ് വിവരം. പ്രാഥമികനടപടി മാത്രമാണിപ്പോള്‍ എടുത്തിട്ടുള്ളത്. അടുത്തുചേരുന്ന സഭയുടെ കോട്ടയം ഭദ്രാസന കൗണ്‍സില്‍ വിഷയം ചര്‍ച്ചചെയ്യുമെന്നാണ് സൂചന. തുടര്‍ന്ന് പരാതിയില്‍ അന്വേഷണകമ്മിഷനെ നിയമിക്കുകയാണ് നടപടിക്രമം. ഈ കമ്മിഷന്‍ റിപ്പോര്‍ട്ടിന്റെ അടിസ്ഥാനത്തിലായിരിക്കും വൈദികര്‍ക്കെതിരായ തുടര്‍നടപടികള്‍ കൈക്കൊള്ളുക.
അടുത്തകാലത്ത് കേരളത്തെ പിടിച്ചുലച്ചതാണ് വൈദികരുടെ ലൈംഗികാതിക്രമങ്ങളെക്കുറിച്ച കന്യാസ്ത്രീകളുടെ വെളിപ്പെടുത്തൽ. മഠങ്ങളിലെ സ്ത്രീജീവിതങ്ങളുടെ സഹനങ്ങൾ പുറംലോകമറിയുകയായിരുന്നു. പക്ഷേ, വാദിയെ പ്രതിയാക്കുന്ന പതിവു നടപടികളാണ് ഉണ്ടായത്. ബിഷപ്പിനെ സംരക്ഷിക്കാനായിരുന്നു ശ്രമം. ആരോപണവിധേയനായ ജലന്ധർ ബിഷപ് ഫ്രാേങ്കാ മുളയ്ക്കലിനെ അറസ്റ്റ് ചെയ്യുന്നതുവരെ സിസ്റ്റർ അനുപമയുടെ നേതൃത്വത്തിൽ കന്യാസ്ത്രീകൾ സമരത്തിനിറങ്ങി. പേരിന് അറസ്റ്റുണ്ടായെങ്കിലും ഫ്രാേങ്കാക്ക് ജാമ്യം കിട്ടി. ജാമ്യം നീട്ടുകയും ചെയ്തു. വിചാരണയും നീളുകയാണ്. ബലാത്സംഗംചെയ്ത കന്യാസ്ത്രീക്കെതിരെ അപവാദം പ്രചാരണം നടത്തിയതിനും ഫ്രാങ്കോക്കെതിരെ കേസുണ്ട്. കേസ് ഒതുക്കാനും ഫ്രാേങ്കാ രംഗത്തുണ്ട്.
ഫ്രാങ്കോക്കെതിരെ സമരം നടത്തിയവരിൽ സിസ്റ്റർ ലൂസിയും ഉണ്ടായിരുന്നു. വിവാദ വെളിപ്പെടുത്തലുകളടങ്ങിയ ലൂസിയുടെ ആത്മകഥ തടയാൻ ശ്രമമുണ്ടായി. വൈദികർ നാലു തവണ ലൈംഗികപീഡനശ്രമം നടത്തിയതായും കൊട്ടിയൂർ പീഡനക്കേസ് പ്രതി ഫാ. റോബിെൻറ പരസ്ത്രീബന്ധങ്ങളും സിസ്റ്ററിെൻറ ‘കർത്താവിെൻറ നാമത്തിൽ’ എന്ന പുസ്തകത്തിലുണ്ട്. മഠങ്ങളിലെ ലൈംഗികപീഡനങ്ങളെക്കുറിച്ച് വർഷങ്ങൾക്കുമുേമ്പ സിസ്റ്റർ ജസ്മിയും പറഞ്ഞിരുന്നു. പിന്നീട് അവർ മഠമുപേക്ഷിച്ചു. സിസ്റ്റർ അഭയയുടെ െകാല ഇന്നും ചോദ്യചിഹ്നമാണ്.
https://www.facebook.com/Malayalivartha
