ഗുരുവായൂരപ്പന്റെ ആനയ്ക്കും ക്രൂര പീഡനം ;22 വർഷമായി തുടരുന്ന പാപ്പാനെ മാറ്റി പുതിയ പാപ്പാനുമായി ആനയെ മെരുക്കിയെടുക്കാനാണ് പീഡനമെന്ന് അനിമൽ ടാസ്ക് ഫോഴ്സ് ..പൊരിവെയിലത്ത് ചെളിയിൽ കയറും മുള്ളു ചങ്ങലയുമായി മിണ്ടാപ്രാണിയുടെ ദുരിതം

ഗുരുവായൂർ ദേവസ്വത്തിന്റെ ആനക്കോട്ടയിൽ കൊമ്പന് പീഡനം എന്ന് പരാതി . പൊരിവെയിലത്ത് ചെളിയിൽ കയറും മുള്ളു ചങ്ങലയുമിട്ടാണ് കൊമ്പൻ സിദ്ധാർത്ഥനെ തളച്ചിരിക്കുന്നത്. പുറമേക്ക് കാണാതിരിക്കാൻ മുറിവിൽ മണ്ണ് പൊത്തിയിട്ടുണ്ട് എന്നും റിപ്പോർട്ടുകൾ

പുതിയ പാപ്പാനുമായി ആന മെരുങ്ങാത്തതിനാലാണ് പീഡനമെന്നും വനവകുപ്പിനു പരാതി നൽകിയിട്ടും നടപടിയുണ്ടായില്ലെന്നും ഹെറിറ്റേജ് അനിമൽ ടാസ്ക് ഫോഴ്സ് ആരോപിക്കുന്നു ...ഗുരുവായൂർ ദേവസ്വത്തിന്റെ ആനക്കോട്ടയിൽ കൊമ്പൻ സിദ്ധാർത്ഥനെയാണ് ക്രൂരമായി പീഡിപ്പിക്കുന്നത്

നാട്ടാന പരിപാലന ചട്ടങ്ങളെല്ലാം കാറ്റിൽ പറത്തിയാണ് രണ്ടാഴ്ചയായി സിദ്ധാർത്ഥനെ മെരുക്കാൻ കൊടിയ പീഡനം നടക്കുന്നത് . ആനയുടെ ശരീരത്തിൽ നിറയെ മുറിവുകളുണ്ട് ..ഇതിൽ മണ്ണ് വാരിയിട്ട് മറയ്ക്കുന്നു എന്നും ആരോപണമുണ്ട് .

22 വർഷമായി തുടരുന്ന പാപ്പാനെ മാറ്റി പുതിയ പാപ്പാനുമായി ആനയെ മെരുക്കിയെടുക്കാനാണ് പീഢനമെന്ന് അനിമൽ ടാസ്ക് ഫോഴ്സ് ആരോപിക്കുന്നു.വനം വകുപ്പിന് പരാതി നൽകിയിട്ടും ഇതുവരെ നടപടി ഉണ്ടായിട്ടില്ല. എന്നാൽ ആനയ്ക്ക് പീഡനമേറ്റിട്ടില്ലെന്നും പരാതി ലഭിച്ചിട്ടില്ലെന്നും ഗുരുവായൂർ ദേവസ്വം ബോർഡ് ചെയർമാൻ കെ.ബി മോഹൻദാസ് പ്രതികരിച്ചതായും റിപ്പോർട്ടുകളുണ്ട് .