നമ്മൾ വിശ്വസിച്ച് കഴിക്കുന്ന വീട്ടുഭക്ഷണം ഒരു നിമിഷം കൊണ്ട് ജീവനെടുക്കുമെന്ന് പറഞ്ഞാൽ നിങ്ങൾ വിശ്വസിക്കുമോ? തിരുവനന്തപുരം കണിയാപുരത്ത് നിന്നും കേൾക്കുന്ന വാർത്ത അത്തരത്തിലൊന്നാണ്. മംഗലാപുരത്തെ സ്വകാര്യ സ്കൂൾ അധ്യാപികയായ ധന്യ, വീട്ടിലുണ്ടാക്കിയ കപ്പപ്പുഴുക്കും ചൂരമീൻ അച്ചാറും കഴിച്ച് മിനിറ്റുകൾക്കകം മരണത്തിന് കീഴടങ്ങിയിരിക്കുന്നു. കടുത്ത ശാരീരിക അസ്വസ്ഥതയും ഛർദ്ദിയുമായിരുന്നു പ്രാഥമിക ലക്ഷണങ്ങൾ. ഇത് വെറുമൊരു ഭക്ഷ്യവിഷബാധയല്ല, ചൂരമീൻ കൃത്യമായി സൂക്ഷിക്കാത്തതു മൂലമുണ്ടാകുന്ന 'ഹിസ്റ്റമിൻ ടോക്സിസിറ്റി' അല്ലെങ്കിൽ മാരകമായ 'ആനാഫിലാക്റ്റിക് അലർജി' ആകാം എന്നാണ് ഡോക്ടർമാർ സംശയിക്കുന്നത്.