2004 മോഡലിലേക്ക്, ലോക്സഭാ തെരഞ്ഞെടുപ്പില് സമ്പൂര്ണ പരാജയമാകുന്നതോടെ ആന്ണിയുടെ അതേ അവസ്ഥ ഉമ്മന്ചാണ്ടിക്കും വരും
മലയാളികളുടെ മനസിലേക്ക് 2004 തെരഞ്ഞെടുപ്പ് കടന്നു വരികയാണ്. എ.കെ. ആന്റണിയുടെ കീഴില് കേരളത്തില് നല്ലൊരു ഭരണം കാഴ്ചവച്ച നാളുകള്. ഇതിനിടയ്ക്ക് ആന്റണിയോടുള്ള അസ്വാരസ്യങ്ങള് ഐ ഗ്രൂപ്പിലും എ ഗ്രൂപ്പിലും ശക്തമായി നിലകൊണ്ടു. ആന്റണിയുടെ പല തീരുമാനങ്ങളും എ ഗ്രൂപ്പിലെ ശക്തി കേന്ദ്രമായ ഉമ്മന് ചാണ്ടിയെപ്പോലും അസ്വസ്ഥനാക്കി. അവര് രഹസ്യമായി ചരടു വലിച്ചു. ഫലമോ കേരളത്തില് കോണ്ഗ്രസിന് സമ്പൂര്ണ പരാജയം. 13 സീറ്റില് സിപിഎമ്മും 2 സീറ്റില് സിപിഎമ്മും വിജയിച്ചപ്പോള് മുസ്ലീംലീഗിന് ഒന്നും, മറ്റുള്ളവര്ക്ക് 4 സീറ്റും കിട്ടി. തെരഞ്ഞെടുപ്പിലെ പരാജയം തലങ്ങും വിലങ്ങും ചര്ച്ചയായപ്പോഴും ആരും ആന്റണിയെ പ്രത്യക്ഷമായി തള്ളിപ്പറഞ്ഞില്ല. എന്നാല് പരാജയത്തിന്റെ എല്ലാ ഉത്തരവാദിത്വവും ഏറ്റെടുത്ത് എ.കെ. ആന്റണി മുഖ്യമന്ത്രിസ്ഥാനം രാജിവച്ചു. അതോടെ പ്രതീക്ഷിച്ചപോലെ ഉമ്മന്ചാണ്ടി മുഖ്യമന്ത്രിയായി.
ഏതാണ്ട് ഇതേ സാഹചര്യമാണ് ഇപ്പോള് ഉണ്ടായിക്കൊണ്ടിരിക്കുന്നത്. ആലപ്പുഴ ഡിസിസി പ്രമേയം പാസാക്കിയത് നേതൃത്വം അറിഞ്ഞ് കൊണ്ട് തന്നെയാണന്നാണ് ഇന്റലിജന്റ്സ് റിപ്പോര്ട്ട്. സമുദായാംഗങ്ങളെ പ്രകോപിപ്പിക്കുന്ന തരത്തില് പ്രസ്ഥാവനകളിറക്കി ആലപ്പുഴ ജില്ലാ നേതൃത്വം ശ്രദ്ധ നേടിയിരുന്നു. എന്എസ്എസ് ജനറല് സെക്രട്ടറി ജി. സുകുമാരന് നായര്ക്കെതിരേയും എസ്എന്ഡിപി ജനറല് സെക്രട്ടറി വെള്ളാപ്പള്ളി നടേശനെതിരേയും വ്യക്തിപരമായ ആക്ഷേപം കൂടി നടത്തി. അവര് ഒരിക്കലും പ്രതീക്ഷിക്കാത്ത തരത്തിലായിരുന്നു കേണ്ഗ്രസ് പ്രാദേശിക ഘടകത്തിന്റെ നിലപാട്. ഇതിനെതിരെ കോണ്ഗ്രസ് നേതൃത്വം ഒരക്ഷരം പോലും മിണ്ടിയിട്ടില്ല എന്നത് സമുദായ നേതാക്കള് ചൂണ്ടിക്കാട്ടുന്നു. അവരുടെ എതിര്പ്പിന്റെ ആഴം വിളിച്ചോതുന്നതായിരുന്നു സര്ക്കാര് സ്ഥാനങ്ങള് വേണ്ടെന്നു വച്ചത്.
.jpg)
സുകുമാരന് നായരുടെ മകളും വെള്ളാപ്പള്ളിയുടെ മകനും തത്സ്ഥാനങ്ങള് രാജിവച്ചതോടെ ഇനി അടുത്തകാലത്തൊന്നും കോണ്ഗ്രസുമായി ഈ സമുദായ നേതാക്കള് അടുക്കില്ലെന്ന വ്യക്തമായ സൂചനയാണ് നല്കുന്നത്. ഇനി വരാന് പോകുന്നത് ലോക് സഭാ തെരഞ്ഞെടുപ്പാണ്. ഉടനൊന്നും മഞ്ഞുരുകാനുള്ള സാധ്യതയില്ലാത്തതിനാല് തെരഞ്ഞെടുപ്പില് സമുദായനേതാക്കള് കോണ്ഗ്രസിനെതിരെ തിരിയുമെന്ന് ഉറപ്പാണ്. പല മേഖലകളിലും നിര്ണായക സ്വാധീനമുള്ള ഇവരുടെ എതിര്പ്പ് കോണ്ഗ്രസിനെ മറ്റൊരു സമ്പൂര്ണ പരാജയത്തിലേക്ക് തള്ളി വിടുമോന്നുള്ള പേടിയിലാണ് പല കോണ്ഗ്രസുകാരും. 2004 ല് സഭവിച്ചതു പോലെ ലോക്സഭാ തെരഞ്ഞെടുപ്പിലെ പരാജയം അത് ഉമ്മന്ചാണ്ടിയുടെ പരാജയമായി മാറും. അതോടെ അദ്ദേഹത്തിന് മുഖ്യമന്ത്രി സ്ഥാനവും രാജിവയ്ക്കേണി വരും എന്നാണ് ചില കോണ്ഗ്രസ് നേതാക്കന്മാരുടെ കണക്കുകൂട്ടല്.
https://www.facebook.com/Malayalivartha
