മഴ ഒന്നു പെയ്തതോടെ കേരളം പനിച്ച് വിറയ്ക്കുന്നു, വിറയലിന് ശക്തി കൂട്ടാന് ഡോക്ടര്മാരുടെ സമരവും, പ്രതിഷേധം മെഡിക്കല് കോളേജ് ആക്കുന്നതിനാല്
കേരളത്തില് കാലവര്ഷമെത്തിയതോടെ മഴക്കാല രോഗങ്ങളും വന്നു തുടങ്ങി. ആശുപത്രികളിലെല്ലാം രോഗികളെ കൊണ്ടുള്ള തിരക്കാണ്. പകര്ച്ചവ്യാധികള് പടരുന്നതിനിടെ സര്ക്കാര് ഡോക്ടര്മാരുടെ നിസഹകരണ സമരം തുടങ്ങി. ആസ്പത്രികളില് രോഗികളെ നോക്കുന്നതിനുപുറമെയുള്ള ജോലികളെല്ലാം ബഹിഷ്കരിക്കാനാണ് സര്ക്കാര് ഡോക്ടര്മാരുടെ സംഘടനയായ കെ.ജി.എം.ഒ.എ ആഹ്വാനം ചെയ്തിരിക്കുന്നത്. രോഗപ്രതിരോധ ക്യാമ്പുകള് , ഡി.എം.ഒ കോണ്ഫറന്സുകള് തുടങ്ങിയവയില്നിന്നെല്ലാം ഡോക്ടര്മാര് വിട്ടുനില്ക്കും.
അതേസമയം പകര്ച്ചവ്യാധി പ്രതിരോധ പ്രവര്ത്തനങ്ങളെ സമരം ബാധിക്കില്ലെന്ന് ആരോഗ്യവകുപ്പ് അറിയിച്ചു. ജൂനിയര് ഹെല്ത്ത് ഇന്സ്പെക്ടര്മാര് , ജൂനിയര് പബ്ലിക് ഹെല്ത്ത് നേഴ്സുമാര് എന്നിവരെ പ്രതിരോധപ്രവര്ത്തനങ്ങള്ക്ക് ചുമതലപ്പെടുത്തിയിട്ടുണ്ട്.
ജനറല് ആസ്പത്രികളെ മെഡിക്കല് കോളേജുകളാക്കുന്നതിനെതിരെയും അസോസിയേഷന്റെ ചില ഭാരവാഹികളെ വിജിലന്സ് കേസില്പെടുത്തി അപകീര്ത്തിപ്പെടുത്താനുള്ള ശ്രമത്തിനെതിരെയുമാണ് സമരമെന്ന് ഭാരവാഹികള് പറഞ്ഞു. നല്ലനിലയില് പ്രവര്ത്തിക്കുന്ന ആസ്പത്രികളെ മെഡിക്കല് കോളേജ് ആക്കിയാല് ആരോഗ്യമേഖലയെ ഇത് പ്രതികൂലമായി ബാധിക്കുമെന്നാണ് അസോസിയേഷന്റെ നിലപാട്.
https://www.facebook.com/Malayalivartha