ഒരു കുറ്റം നടന്നു കഴിഞ്ഞാൽ ആ കുറ്റം ചെയ്ത കുറ്റവാളിയെ പിടിക്കൂടാനായി ദൈവം ഒരു തെളിവ് അവശേഷിപ്പിച്ചിരിക്കും എന്ന കാര്യത്തിൽ സംശയമില്ല. എന്നാൽ ഇന്നത്തെ കാലത്ത് പ്രതിയിലേക്കെത്താൻ അധിക സമയം വേണ്ട. കാരണം എല്ലാവരുടെയും കൈയിൽ മൊബൈൽ ഫോൺ ഉണ്ടല്ലോ ? കുറ്റവാളിയുടെ കയ്യിലെ മൊബൈൽ ഫോൺ കുറ്റവാളിയെ കണ്ടെത്താൻ സാഹായിക്കും. ദൃക്‌സാക്ഷികളില്ലാത്ത . സാഹചര്യത്തെളിവുകളൊന്നും തന്നെയില്ലാത്ത പല കേസുകൾ. ശാസ്ത്രീയ പരിശോധനാഫലങ്ങളെ യോജിപ്പിക്കാൻ കഴിയാത്ത അവസ്ഥ. ഇങ്ങനെ അന്വേഷണം ഒരു വിധത്തിലും മുന്നേറില്ല എന്ന് കരുതിയിരുന്ന പല കേസുകളിലും സഹായകമായത് മൊബൈല്‍ ഫോണുകള്‍ ആണ് എന്ന കാര്യം ശ്രദ്ധേയമാകുകയാണ്. മൊബൈൽ ഫോണുകൾ നിര്‍ണായക പങ്ക് വഹിക്കുന്നു. പ്രതിയോ അയാളുടെ അടുപ്പക്കാരോ ഉപയോഗിച്ച ഫോണ്‍, അല്ലെങ്കില്‍ ഒരു ഫോണ്‍വിളി. ഇത് മതി പ്രതിയിലേക്കെത്താന്‍. അടുത്തകാലത്തെ മിക്ക കൊലപാതകക്കേസുകളിലും ബാങ്ക് കവര്‍ച്ച ഉള്‍പ്പെടെയുള്ള കേസുകളിലും മൊബൈല്‍ ഫോണുകളായിരുന്നു പ്രധാന സാക്ഷിയുടെ റോൾ വഹിച്ചിരുന്നത്.

ഹരിപ്പാട്ടെ ജലജാ സുരന്‍ വധക്കേസ് ഇതിന് ഒടുവിലത്തെ ഉദാഹരണമാണ്. ജലജാ സുരന്‍ വധക്കേസില്‍ പ്രതി അന്വേഷണ ഉദ്യോഗസ്ഥരില്‍നിന്ന് മറച്ചുവച്ച ഒരു സിം കാര്‍ഡായിരുന്നു അന്വേഷണത്തിൽ നിര്‍ണായകമായ പങ്ക് വഹിച്ചത്. കൊലപാതകത്തിനുശേഷം ഖത്തറിലേക്ക് കടന്ന പ്രതി സജിത്‌ലാലിനെ (37) അന്വേഷണസംഘം നാട്ടിലെത്തിച്ച് അറസ്റ്റ് ചെയ്യുകയായിരുന്നു. പെരുമ്പാവൂരില്‍ നിയമവിദ്യാര്‍ഥി കൊല്ലപ്പെട്ടതിന് സമാനമായ ഈ കൊലപാതകം 2015 ഓഗസ്റ്റ് 13-നായിരുന്നു. പീഡനശ്രമത്തിനിടെ നടന്ന മൃഗീയ കൊലപാതകം.

ലോക്കല്‍ പോലീസിന്റെ അന്വേഷണം എങ്ങുമെത്തിയിരുന്നില്ല. ക്രൈംബ്രാഞ്ചിന്റെ ആലപ്പുഴ ഓഫീസ് ഒരു വര്‍ഷത്തോളം അന്വേഷിക്കുകയും ചെയ്തു. അറുന്നൂറിലധികംപേരെ ചോദ്യംചെയ്യുകയും ചെയ്തു . 1500ലധികംപേരുടെ ഫോണ്‍വിളികള്‍ പരിശോധിക്കുകയും ചെയ്തു . ഒരു ഫലവുമുണ്ടായില്ല. അന്വേഷണം അവസാനിച്ചെന്നു തോന്നിയ അവസരത്തിലായിരുന്നു ക്രൈംബ്രാഞ്ച് എസ്.പി. കെ.എസ്.സുദര്‍ശന്റെ നേതൃത്വത്തിലെ പ്രത്യേക അന്വേഷണസംഘം കേസന്വേഷണം ഏറ്റെടുത്തത്. കഴിഞ്ഞ മേയ് 16-നായിരുന്നു ഇത് നടന്നത് . സംഭവദിവസത്തെ മൊബൈല്‍ടവറില്‍നിന്നുള്ള രേഖ (ടവര്‍ ഡമ്പ്) ഇവര്‍ വിശദമായി അന്വേഷിച്ചപ്പോൾ അതുവരെ പരിശോധിക്കാത്ത ഒരു നമ്പര്‍ ശ്രദ്ധയിൽപ്പെടുകയായിരുന്നു . കൊലപാതകം നടന്നെന്ന് സംശയിക്കുന്ന സമയത്തെല്ലാം ഈ ഫോണ്‍ പ്രവര്‍ത്തനക്ഷമമായിരുന്നെന്നും കണ്ടെത്തുകയും ചെയ്തു .ആദ്യഘട്ട പരിശോധനയിലൊന്നും ഈ ഫോണ്‍ ഉപയോഗിച്ച ആളെക്കുറിച്ച് അന്വേഷണം നടത്തിയിരുന്നില്ല . ഫോണ്‍ സജിത്‌ലാലിന്റേതാണെന്ന് പിന്നീട് സ്ഥിരീകരിക്കുകയായിരുന്നു . തന്റെ ഒരു ഫോണ്‍നമ്പര്‍ മാത്രമാണ് രണ്ടുപ്രാവശ്യം പോലീസ് ചോദ്യംചെയ്ത ഇയാള്‍ അന്വേഷണ ഉദ്യോഗസ്ഥര്‍ക്ക് കൈമാറിയിരുന്നത്. സംഭവ സമയത്ത് സ്ഥലത്തില്ലെന്നായിരുന്നു ഇയാൽ നേരത്തേ നൽകിയിരുന്ന മൊഴി.

ഇയാള്‍ രഹസ്യമായി ഉപയോഗിച്ചിരുന്ന ഫോണ്‍നമ്പരായിരുന്നു മറച്ചുവച്ചത്. അത് അന്വേഷണസംഘത്തിലെ സൈബര്‍ വിദഗ്ധര്‍ കണ്ടെത്തിയതോടെയാണ് പ്രതി കുടുങ്ങിയത്. ടവര്‍ ഡമ്പ് അനാലിസിസ് എന്ന കാര്യം അന്വേഷങ്ങൾക്ക് പ്രധാന പങ്ക് വഹിക്കുന്നു . ഒരു മൊബൈല്‍ടവര്‍ വഴി കടന്നുപോയതും വന്നതുമായ ഫോണ്‍വിളികളുടെ പട്ടികയാണ് ടവര്‍ ഡമ്പ്. കൂടുതല്‍ പ്രാവശ്യം വിളിച്ച നമ്പരുകള്‍, ഒരുപ്രാവശ്യം മാത്രം വിളിച്ച നമ്പരുകള്‍ തുടങ്ങി പലവിധത്തില്‍ ഇതില്‍നിന്ന് രേഖകള്‍ കിട്ടും. ടവര്‍ ഡമ്പ് അനാലിസിസ് എന്ന സോഫ്റ്റ് വെയര്‍ ഇതിനായി പോലീസ് ഉപയോഗിക്കുന്നത്. മൊബൈല്‍ കമ്പനികളില്‍നിന്നാണ് പോലീസ് ടവര്‍ ഡമ്പ് ശേഖരിക്കുന്നത്. അപ്പോൾ കുറ്റവാളികൾ എത്ര തന്നെ മറഞ്ഞിരുന്നാലും മൊബൈൽ ഫോൺ വഴി അവരെ കണ്ടെത്താൻ കഴിയുമെന്ന കാര്യത്തിന് ഉദാഹരണങ്ങൾ ആണിത്.