രണ്ടാം ദിവസം ആദ്യ സെഷന് വിവിധ സ്ത്രീ പോരാളികൾ അണി നിരന്നു; സമരവേദിയില് സമരപ്രവര്ത്തകരുടെ പ്രതിഷേധ ഗാനങ്ങളും സ്കിറ്റുകളും സോളോകളും; ഒക്കുപൈ രാജ്ഭവന് രണ്ടാം ദിവസവും ജനസാന്നിധ്യം കൊണ്ട് ശ്രദ്ധേയം;
പൗരത്വ ഭേദഗതി നിയമം പിന്വലിക്കണമെന്ന ആവശ്യവുമായി വെല്ഫെയര് പാര്ട്ടി സംഘടിപ്പിക്കുന്ന തുടര്ച്ചയായ 30 മണിക്കൂര് രാജ്ഭവന് ഉപരോധ സമരം തുടരുന്നു. ഒക്കുപൈ രാജ്ഭവന് രണ്ടാം ദിവസവും ജനസാന്നിധ്യം കൊണ്ട് ശ്രദ്ധേയമാക്കുകയായിരുന്നു. രാത്രിമുഴുവന് പാട്ടും കലാപരിപാടികളും മുദ്രാവാക്യങ്ങളുമായി രാജ്ഭവന് ഉപരോധിച്ച സമരക്കാര്ക്കൊപ്പം രാവിലെ വീണ്ടും സ്ത്രീകളും കുട്ടികളുമടങ്ങുന്ന സമരക്കാര് അണി ചേരുകയായിരുന്നു.
രണ്ടാം ദിവസം ആദ്യ സെഷന് വിവിധ സ്ത്രീ പോരാളികളുടെ സംഗമമായി മാറി. ഇ.സി ആയിഷ അധ്യക്ഷത വഹിച്ച പരിപാടിയില് സമര നായകരായ ഗോമതി, സോയ ജോസഫ്, വിനീത വിജയന്, സി.വി ജമീല, അഫീദ അഹ്മദ്, കെ.കെ റഹീന, റംല മമ്ബാട് എിവര് സംസാരിച്ചു. പൗരത്വ സമരത്തില് തെരുവിലിറങ്ങിയ സ്ത്രീകളും കുട്ടികളും വലിയ പ്രതീക്ഷയാണെന്ന് സംഗമം അഭിപ്രായപ്പെടുകയും ചെയ്തു. സമരവേദിയില് സമരപ്രവര്ത്തകരുടെ പ്രതിഷേധ ഗാനങ്ങളും സ്കിറ്റുകളും സോളോകളും അരങ്ങേറി. പൗരത്വ പ്രശ്നത്തെ വിമര്ശിക്കുന്ന ഹാസ്യ ആക്ഷേപ നാടകം 'ഭൗ ഭൗ ഭൗരത്വം' അവതരിപ്പിച്ചു. രണ്ടു ദിവസത്തെ രാജ്ഭവന് ഉപരോധത്തിന്റെ സമാപന സമ്മേളനത്തില് ഹമീദ് വാണിയമ്ബലം അധ്യക്ഷത വഹിക്കുകയും ചെയ്തു. അതീഖ് റഹ്മാന്, ടി പീറ്റര്, താഹിര് ഹുസൈന്, കെ.എ ഷെഫീഖ്, ജോസഫ് ജോണ് തുടങ്ങിയവര് സമാപന സമ്മേളനത്തില് സംസാരിച്ചിരുന്നു. എന്.എം അന്സാരി നന്ദി പറയുകയും ചെയ്തു .
വിവിധ സമരഭൂമികളില് നിന്നുള്ളവര് ഒക്കുപൈ രാജ്ഭവന് സര്വ പിന്തുണയും ഐക്യദാര്ഢ്യവും അറിയിക്കുകയും ചെയ്തു. തുടര്ന്ന് രാഷ്ട്രീയ-സാമൂഹിക മേഖലയിലെ പ്രമുഖര് പങ്കെടുത്ത സെഷനില് പി.എ അബ്ദുല് ഹകീം അധ്യക്ഷത വഹിക്കുകയും ചെയ്തു. ഷാഹീന് ബാഗിലെ സമര പോരാളികളായ ബില്ക്കീസ്, സര്വരി, കെ മുരളീധരന് എം.പി, സി.പി ജോണ്, എസ്.പി ഉദയകുമാര്, പി മുജീബ്റഹ്മാന്, മുരളി നാഗ, എം ഷാജര് ഖാന്, വിളയോടി ശിവന്കുട്ടി, സതീഷ് പാണ്ടനാട്, ഷാജി ചെമ്ബകശ്ശേരി, ഗണേഷ് വടേരി, പി.സി ഭാസ്കരന്, ബിനു വി.കെ തുടങ്ങിയവര് സംസാരിക്കുകയും ചെയ്തു.
https://www.facebook.com/Malayalivartha