കോണ്ഗ്രസും മുസ്ലീംലീഗും ചേര്ന്ന് ഒറ്റപ്പെടുത്തി ആക്രമിക്കുമ്പോഴും സുകുമാരന് നായര് പതറുന്നില്ല, ചന്ദ്രിക മാപ്പു പറഞ്ഞെങ്കിലും വിടില്ല, എന്തു പറയണമെന്നു തീരുമാനിക്കുന്നത് വയലാര് രവിയുമല്ല
കലങ്ങിമറിയുന്ന കേരള രാഷ്ട്രീയത്തില് എന്എസ്എസ് ജനറല് സെക്രട്ടറി ജി. സുകുമാരന് നായരെ ഒറ്റപ്പെടുത്തി ആക്രമിക്കാനുള്ള ശ്രമങ്ങള് തുടങ്ങിക്കഴിഞ്ഞു. അതിന്റെ തുടര്ച്ചയാണ് ഇതുവരെ മിണ്ടാതിരുന്ന കോണ്ഗ്രസിലെ മുതിര്ന്ന നേതാക്കളും മുസ്ലീംലീഗും ശ്രമിക്കുന്നത്. മുസ്ലീംലീഗിന്റെ മുഖപത്രമായ ചന്ദ്രികയില് പുതിയ പടനായര് എന്ന പേരില് സുകുമാരന് നായര്ക്കെതിരെ ഒരു ലേഖനം വന്നു. കോണ്ഗ്രസുമായി ഇടഞ്ഞു നില്ക്കുന്ന സമയത്ത് സുകുമാരന് നായരെ തികച്ചും കളിയാക്കിക്കൊണ്ടുള്ളതായിരുന്നു ലേഖനം. ലേഖനം വന്ന പാടെ കോണ്ഗ്രസ് നേതാക്കള് അതേറ്റു പിടിച്ചു. സുകുമാരന് നായര് പറയുന്നത് എന്എസ്എസിന്റെ അഭിപ്രായമല്ലെന്നും അത് സുകുമാരന് നായരുടെ മാത്രം അഭിപ്രായമാണെന്നും വയലാര് രവി തുറന്നടിച്ചു.
ഇതിനിടയ്ക്ക് ലേഖനത്തെപ്പറ്റി തലങ്ങും വിലങ്ങും അഭിപ്രായം വന്നു. ആകെ ഇരിക്കപ്പൊറുതി ഇല്ലാതായപ്പോള് സുകുമാരന് നായര് മാനനഷ്ടത്തിന് കേസുകൊടുക്കും എന്നായി. അപ്പോള് മുസ്ലീം ലീഗ് നേതാക്കന്മാര് രംഗത്തെത്തി. പത്രത്തില് വന്ന വാര്ത്ത മുസ്ലീം ലീഗിന്റെ അറിവോടെയല്ലെന്ന് കുഞ്ഞാലിക്കുട്ടി ഉള്പ്പെടെയുള്ള നേതാക്കന്മാര് പറഞ്ഞു.
അവസാനം ചന്ദ്രിക തന്നെ സുകുമാരന് നായരോട് മാപ്പു പറഞ്ഞു. ചന്ദ്രികയ്ക്കോ മുസ്ലീം ലീഗിനോ എന്എസ്എസിനോടോ സുകുമാരന് നായരോടോ വിദ്വേഷമോ വെറുപ്പോ ഇല്ല. എല്ലാ സമുദായ നേതാക്കളോടും സഹോദര്യത്തിലും സഹവര്ത്തിത്വത്തിലും കഴിയാനാണ് ആഗ്രഹം. ഈ ലേഖനം എഴുതിയത് ഇടതുപക്ഷ ചിന്തകനായ എപി കുഞ്ഞാമുവാണ്.
എന്നാല് ലീഗ് നേതാക്കളുടേയും ചന്ദ്രികയുടേയും മാപ്പുകൊണ്ടൊന്നും പ്രശ്നം തീരില്ലെന്നാണ് സുകുമാരന് നായര് പറയുന്നത്.
കേന്ദ്രമന്ത്രി വയലാര് അഭിപ്രായ പ്രകടനത്തെ സുകുമാരന് നായര് പശ്ചിച്ചു തള്ളി. മുഖ്യമന്ത്രിയുമായി കൂടിക്കാഴ്ച നടത്തിയ ശേഷമാണ് വയലാര് രവി ഇത്തരമൊരു അഭിപ്രായം പറഞ്ഞതെന്നും സുകുമാരന് നായര് പറഞ്ഞു. എന്എസിഎസിനെ അധിക്ഷേപിക്കാന് കിട്ടിയ ഒരവസരവും പാഴാക്കാത്ത ആളാണ് വയലാര് രവിയെന്നും സുകുമാരന് നായര് കുറ്റപ്പെടുത്തി.
https://www.facebook.com/Malayalivartha