വീണ്ടും തെക്കു വടക്കു തന്നെ, രമേഷ് ചെന്നിത്തല ഹൈക്കമാന്ഡിന്റെ മുന്നിലേക്ക്, ഒന്നുകില് ആഭ്യന്തരം അല്ലെങ്കില് 8 വര്ഷത്തെ അനുഭവങ്ങള്
എസ്എന്ഡിപി ജനറല് സെക്രട്ടറി വെള്ളാപ്പള്ളി നടേശന് കെപിസിസി പ്രസിഡന്റ് രമേശ് ചെന്നിത്തലയെ കളിയാക്കിക്കൊണ്ടു പറഞ്ഞ വാക്കുകള് യാഥൃശ്ചികമായി ശരിയാവുകയാണ്. കേരള യാത്രക്കു ശേഷം മന്ത്രിയാവാനായി ചെന്നിത്തല തെക്കു വടക്കു നടക്കുകയാണെന്നാണ് വെള്ളാപ്പള്ളി നടേശന് പറഞ്ഞത്. ഇതു പറഞ്ഞതോടെ കോണ്ഗ്രസന്റെ മേലുള്ള വെള്ളാപ്പള്ളിയുടെ പ്രതാപവും പോയെന്നതാണ് രസം. തെക്കു വടക്കു പ്രയോഗം ആലപ്പുഴ കോണ്ഗ്രസുകാര് ഏറ്റെടുത്തതോടെ അരുമ മകന്റെ ദേവസ്വം ബോര്ഡ് സ്ഥാനം തെറിച്ചു. മറ്റു പല വെള്ളാപ്പള്ളി അടുപ്പക്കാര്ക്കും സ്ഥാനങ്ങള് രാജിവയ്ക്കേണ്ടിയും വന്നു.
കാര്യങ്ങള് ഇത്രയൊക്കെയായിട്ടും ചെന്നിത്തലയുടെ മന്ത്രിസഭാ പ്രവേശനം മാത്രം എങ്ങുമെത്തിയില്ല. തെക്കു വടക്ക് നടന്ന് പലരും ചര്ച്ച നടത്തി. പോരാത്തതിന് രായ്ക്ക് രാമാനം മുഖ്യമന്ത്രി ഉമ്മന് ചാണ്ടി തന്നെ ഡല്ഹിയില് പോയി സാക്ഷാല് സോണിയാ ഗാന്ധിയുമായി ചര്ച്ച നടത്തി. ചെന്നിത്തലയെ ഉപമുഖ്യമന്ത്രിയാക്കുമെന്ന് പറഞ്ഞത് പത്രക്കാരാണ് എന്നു പറഞ്ഞ് മുഖ്യമന്ത്രി നേരെ കേരളത്തിലേക്ക് തിരിച്ചു. അവിടന്ന് കിട്ടിയ അറിയിപ്പനുരിച്ച് ചര്ച്ച കേരളത്തിലാക്കാമെന്നു വച്ചു.
ആഭ്യന്തരം വിട്ടുകൊടുക്കാന് തയ്യാറല്ലെന്ന മുഖ്യമന്ത്രിയുടെ മുഖവുര ചെന്നിത്തലയെ നിരാശപ്പെടുത്തി. വേറെയേതു വകുപ്പും വിട്ടു കൊടുക്കാമെന്നും ചെന്നിത്തലയോടു മുഖ്യമന്ത്രി പറഞ്ഞു നോക്കി. ഉപ മുഖ്യമന്ത്രിയോ ഇല്ല, അപ്പോള് ആഭ്യന്തരം തന്നെ വേണം, ചെന്നിത്തല ഉറപ്പിച്ചു പറഞ്ഞു. ഉപ്പോളം വരുമോ ഉപ്പിലിട്ട മറ്റു വകുപ്പുകള്.
8 വര്ഷത്തെ അനുഭവങ്ങള് വീണ്ടും ചെന്നിത്തലയുടെ ചുണ്ടുകളില് തത്തിക്കളിക്കുകയാണ്. ഇത്രയും നാള് സംസ്ഥാന കോണ്ഗ്രസ് അധ്യക്ഷ സ്ഥാനത്തിരുന്നതിന്റെ പൊല്ലാപ്പ് നാലാളുകളോട് വിളിച്ചു പറയാന് വെമ്പുകയാണ്. എങ്കിലും അവസാന കൈയ്യെന്ന നിലയില് ചെന്നിത്തല വീണ്ടും ഹൈക്കമാന്ഡിന്റെ മുന്നില് ദയനീയമായി നില്ക്കുകയാണ്. ഇനിയും തെക്കു വടക്കു നടക്കാനുള്ള ക്ഷമയില്ലാത്തതു കൊണ്ടാണ്. ഒന്നുകില് ആഭ്യന്തരം അല്ലെങ്കില് 8 വര്ഷത്തെ അനുഭവങ്ങള്. എല്ലാം മുഖ്യമന്ത്രിക്കും ഹൈക്കമാന്ഡിനും തീരുമാനിക്കാം.
https://www.facebook.com/Malayalivartha