യുഎസ് നീങ്ങുന്നത് തീച്ചുളയിലുടെ; ഭീകരാക്രമണങ്ങളെക്കാള് ഭീകരം; ഈ ആഴ്ച, അമേരിക്കക്കാര്ക്ക് 'ഏറ്റവും ദുഃഖകരവും കഠിനവും'മെന്ന് സര്ജന്റ് ജനറല് വൈസ് അഡ്മിറല് ജെറോം ആഡസ്;
യുഎസില് മരണം 10000 കടന്നു, പറയുമ്പോള് ഇത് വെറും കണക്ക് മാത്രമാണ് പക്ഷേ അമേരിക്കതന്നെ പറയുന്നുണ്ട്, 941ല് ജപ്പാന് നടത്തിയ പേള് ഹാര്ബര് ആക്രമണവും, 2001 സെപ്റ്റംബര് 11 ന് ന്യൂയോര്ക്കില് നടന്ന ഭീകരാക്രമണവും കൊവിഡിനുമുന്നില് ഒന്നുമല്ലന്ന്, അതിനെക്കൊള് മൂന്നിരട്ടി ആളുകളാണ് ഇപ്പോള് മരിച്ചു വീഴുന്നത്, രോഗികള് മൂന്നേകാല് ലക്ഷം കവിഞ്ഞു. ഈ ആഴ്ച, അമേരിക്കക്കാര്ക്ക് 'ഏറ്റവും ദുഃഖകരവും കഠിനവും' ആയിത്തീരുമെന്ന് സര്ജന്റ് ജനറല് വൈസ് അഡ്മിറല് ജെറോം ആഡംസും പറയുകയാണ്. അവര്ക്കുമുന്നില് പ്രതീക്ഷയുടെ എല്ലാ വാതിലുകളും കൊട്ടിയടക്കപ്പെട്ടു. എങ്കിലും ഏറ്റവും ഞെട്ടിക്കുന്ന വസ്തുത എന്ത് എന്നാല് ഇതുവരെയും ഇവിടങ്ങളില് ലോക്ക് ഡൗണ് പ്രഖ്യാപിച്ചിട്ടില്ല എന്നുള്ളതാണ്, അമേരിക്കയിലെ രോഗ ബാധിതരുടെ എണ്ണം റോക്കറ്റുപോലെ കുതിച്ചുയരുന്നതിനുള്ള കാരണവും അതുതന്നെയാണ്.
ഏറ്റവും കൂടുതല് രോഗികളുള്ള അമേരിക്കയില് 24 മണിക്കൂറിനിടെ 1,243 പേരാണ് മരിച്ചത്. ആകെ മരണസംഖ്യ 10,871 ആയി. രോഗികളുടെ എണ്ണം 3,67,004 ആണ്. ഇറ്റലിക്കും സ്പെയനിനും പിന്നാലെ അമേരിക്കയിലും കോവിഡ് മരണം പതിനായിരം കടന്നതോടെ അടുത്ത ഒരാഴ്ച രാജ്യത്ത് കോവിഡ് വ്യാപനവും മരണവും പാരമ്യത്തിലെത്തുമെന്നു ആരോഗ്യവിദഗ്ധര് മുന്നറിയിപ്പ് നല്കി. സാമൂഹ്യ അകലം പാലിക്കുന്നതിന് ഏര്പ്പടുത്തിയ നിയന്ത്രണങ്ങള് ഫലം കാണുന്നതായി ന്യൂയോര്ക്ക് മേയര് ആന്ഡ്ര്യൂ ക്യൂമോ പറഞ്ഞു. നിയന്ത്രണങ്ങള് ലംഘിച്ചാല് 1000 ഡോളര് പിഴ ഈടാക്കുമെന്നും മേയര് വ്യക്തമാക്കി.
ഇറ്റലിയില് 16,523 പേരും സ്പെയിനില് 13,341 പേരും മരിച്ചു. ഫ്രാന്സിലും മരണസംഖ്യ അതിവേഗം ഉയരുന്നുണ്ട്. 24 മണിക്കൂറിനിടെ 833 പേര് ഇവിടെ മരിച്ചു. ആകെ മരണം 8,911 ആയി. ബ്രിട്ടനില് 5,373 പേരും ഇറാനില് 3,739പേരും ചൈനയില് 3,331 പേരുമാണ് ഇതുവരെ മരിച്ചത്. വെന്റിലേറ്ററുകളും മാസ്കുകളും ആവശ്യത്തിന് ഇല്ലാത്തത് ആശുപത്രികളെ പ്രതിസന്ധിയിലാക്കുന്നുണ്ട്.
യുഎസ് നേരിടുന്ന സാഹചര്യത്തിനു രണ്ടാം ലോകയുദ്ധകാലത്ത് 1941ല് ജപ്പാന് നടത്തിയ പേള് ഹാര്ബര് ആക്രമണത്തോടും ന്യൂയോര്ക്കിലെ 2001 സെപ്റ്റംബര് 11 ഭീകരാക്രമണത്തോടും താരതമ്യം. 9/11 ഭീകരാക്രമണത്തില് മരിച്ചതിന്റെ (2996) മൂന്നിരട്ടി കോവിഡ് മരണം. പേള് ഹാര്ബറില് മരണം 2400ല് ഏറെയായിരുന്നു. മരണം ന്യൂയോര്ക്കില് മാത്രം നാലായിരം കവിഞ്ഞു. സാമൂഹിക അകലം അതീവ കര്ശനമാക്കാന് നിര്ദേശം. രാജ്യത്തെ 33 കോടി ജനങ്ങളില് 95 ശതമാനവും വീടിനുള്ളില്. ദേശീയ അടിയന്തരാവസ്ഥയ്ക്കു പുറമേ 50 സംസ്ഥാനങ്ങളില് 42 എണ്ണവും ദുരന്തബാധിതമായി പ്രഖ്യാപിച്ചു. യുഎസ് സായുധസേനകളിലെ അരലക്ഷം സൈനികരും ആയിരം ഡോക്ടര്മാരും നഴ്സുമാരും രംഗത്ത്. ന്യയോര്ക്കിലെയും ലൊസാഞ്ചലസിലെയും നാവികസേനയുടെ രണ്ടു ആശുപത്രിക്കപ്പലുകള് ചികിത്സയ്ക്കു വിട്ടുകൊടുത്തു. യുഎസില് ഇതുവരെ 16 ലക്ഷം പേര്ക്കു കോവിഡ് പരിശോധന നടത്തിയെന്ന് പ്രസിഡന്റ് ഡോണള്ഡ് ട്രംപ്.
https://www.facebook.com/Malayalivartha