കോവിഡ് കാലത്ത് ലോക് ഡൗൺ പ്രഖ്യാപിച്ചതോടെ ദുരിതത്തിലായത് അന്നന്നത്തെ അന്നത്തിനു വക കണ്ടെത്തിയിരുന്ന ഒരുപാട് വയറുകളാണ്. ലോക് ഡൗൺ വന്നതോടെ പലർക്കും ജോലിക്കുപോകാൻ കഴിയാതെയായി. വലത് കൈ ചെയ്യുന്നത് ഇടതു കൈ അറിയരുതെന്നാണ് വചനമെങ്കിലും നന്മകൾ എന്നും വാഴ്ത്തപ്പെടുകതന്നെ ചെയ്യും. അത്തരത്തിൽ ഈ കോവിഡ് കാലത്ത് മാതൃകയായി മാറിയിരിക്കുകയാണ് ഒരുകൂട്ടം ചെറുപ്പക്കാർ ചേർന്ന് മത്സ്യതൊഴിലാളികൾ താമസിക്കുന്ന കരുംകുളം പഞ്ചായത്തിലെ പുതിയതുറ എന്ന ഗ്രാമത്തിൽ രൂപം നൽകിയ 'ടെംപെസ്റ്റ് സ്പോർട്സ് ആൻഡ് ആർട്സ് ക്ലബ് '.

കോവിഡ് ഭീഷണി മൂലം മത്സ്യബന്ധനത്തിനു പോകാത്തതിനാൽ തങ്ങളുടെ പ്രദേശത്തുള്ള പല മത്സ്യതൊഴിലാളി കുടുംബങ്ങളും പട്ടിണിയിലാണെന്നറിഞ്ഞ അവർ ഈസ്ററർ ദിനത്തിൽ തങ്ങളുടെ പ്രദേശവാസികൾ പട്ടിണി കിടക്കരുതെന്നു തീരുമാനമെടുത്തു. തങ്ങളുടെ അദ്ധ്വാനത്തിന്റെ ഒരു വലിയ പങ്ക് ഓരോരുത്തരും ഷെയർ ഇട്ടു. കരുംകുളം പഞ്ചായത്തിലെ തങ്ങൾ താമസിക്കുന്ന വാർഡിലെ എല്ലാ കുടുംബങ്ങളിലും തങ്ങളാൽ കഴിയുന്ന രീതിയിൽ അരിയും മറ്റു അത്യാവശ്യ സാധനങ്ങളും ഇന്ന് എത്തിച്ചു നൽകി. മറ്റാരിൽ നിന്നും സംഭാവന സ്വീകരിക്കാതെഅവരവരുടെ അദ്ധ്വാനത്തിന്റെ പങ്ക് അയൽക്കാർക്കും പങ്കു വച്ചു നൽകിയ യുവാക്കൾ ഇന്ന് നാടിനു മാതൃകയായി മാറിയിരിക്കുകയാണ്.

ജോണി ചെക്കിട്ട എന്ന യുവാവിന്റെ ഫേസ്ബുക് പോസ്റ്റ് ഇങ്ങനെ;

വലത് കൈ ചെയ്യുന്നത് ഇടതു കൈ അറിയരുതെന്നാണ് എങ്കിലും ഇത് 'പറയാതെ വയ്യ'
============================
'Tempest Sports and Arts Club'
മത്സ്യതൊഴിലാളികൾ താമസിക്കുന്ന കരുംകുളം പഞ്ചായത്തിലെ പുതിയതുറ എന്ന ഗ്രാമത്തിൽ ഏകദേശം ഇരുപത് വർഷങ്ങൾക്കു മുൻപ് ഞങ്ങൾ നാട്ടിലെ കൂട്ടുകാർ ക്രിക്കറ്റ്‌ കളിക്കാൻ ഒത്തു കൂടുമ്പോൾ ഞങ്ങളുടെ ടീമിന് ഇട്ട പേരാണ്. രജിസ്ട്രേഷൻ പോലും ഇല്ലാത്ത ഒരു ചെറിയ ക്ലബ്‌. ഈ ഫോട്ടോയിൽ കാണുന്നത് ആ ടീമിന്റെ സ്ഥാപക അംഗങ്ങളാണ്. പലരും മത്സ്യതൊഴിലാളികളും ഓട്ടോറിക്ഷ ഡ്രൈവർമാരും ആണ്. പലരും ഫേസ്ബുക് പോലും ഉപയോഗിക്കാറില്ല.ഒരു പക്ഷെ ഈ പോസ്റ്റ്‌ പോലും അവരിൽ പലരും കാണില്ല. ദുഃഖവെള്ളിയാഴ്ച രാത്രി ഈ കൂട്ടുകാർ ഒരു തീരുമാനമെടുത്തു. Covid ഭീഷണി മൂലം മത്സ്യബന്ധനത്തിനു പോകാത്തതിനാൽ തങ്ങളുടെ പ്രദേശത്തുള്ള പല മത്സ്യതൊഴിലാളി കുടുംബങ്ങളും പട്ടിണിയിലാണെന്നറിഞ്ഞ അവർ ഈസ്ററർ ദിനത്തിൽ തങ്ങളുടെ പ്രദേശവാസികൾ പട്ടിണി കിടക്കരുതെന്നു തീരുമാനമെടുത്തു. തങ്ങളുടെ അദ്ധ്വാനത്തിന്റെ ഒരു വലിയ പങ്ക് ഓരോരുത്തരും ഷെയർ ഇട്ടു. കരുംകുളം പഞ്ചായത്തിലെ തങ്ങൾ താമസിക്കുന്ന വാർഡിലെ എല്ലാ കുടുംബങ്ങളിലും തങ്ങളാൽ കഴിയുന്ന രീതിയിൽ അരിയും മറ്റു അത്യാവശ്യ സാധനങ്ങളും ഇന്ന് എത്തിച്ചു നൽകി. അഭിനന്ദനങ്ങൾ കൂട്ടുകാരെ..... ആരിൽ നിന്നും സംഭാവന സ്വീകരിക്കാതെ നിങ്ങളുടെ അദ്ധ്വാനത്തിന്റെ പങ്ക് അയൽക്കാർക്കും പങ്കു വച്ചു നൽകിയതിൽ..... ഈ കൊവിഡ് കാലത്തിൽ കേരളത്തിലെ ലക്ഷക്കണക്കിന് യുവാക്കളോടൊപ്പം ഈ യുവാക്കളും..... ഈ ദുരിത കാലവും നമ്മൾ അതിജീവിക്കും.....