കെട്ടകാലത്ത് 'അല്‍ഭുത ശിശു'... കാസര്‍കോട്ടുകാരിയായ യുവതി കോവിഡ് മുക്തയായി രണ്ടാംദിനം പ്രസവിച്ചു, കുഞ്ഞിനെയും അമ്മയെയും പ്രത്യേക നിരീക്ഷണത്തിലാക്കി, അതീജീവനത്തിന്റെ പുതിയ മാതൃക ഈ ഈസ്റ്റര്‍ ദിനത്തില്‍ തേടിവന്നതിന്റെ സന്തോഷത്തില്‍ കേരളം
കെട്ടകാലത്ത് അല്‍ഭുത ശിശു. കേരളം വീണ്ടും ഞെട്ടിച്ചു. ഈസ്റ്റര്‍ ദിനത്തിലെ രക്ഷകന്‍. അവന് പിറന്നു; കോവിഡിനെ തോല്‍പ്പിച്ച പുഞ്ചിരി വിരിഞ്ഞു. ഈ കെട്ടകാലവും കടന്നുപോകുമെന്ന ശുഭപ്രതീക്ഷയോടെ അവന് ഭൂമിയിലേക്ക് കണ്ണുതുറന്നു. അവന്റെ അമ്മ കോവിഡ് രോഗിയായിരുന്നു. രോഗത്തെ തോല്‍പ്പിച്ചതിന്റെ രണ്ടാം ദിനം അവര്‍ അവന് ജന്മം നല്‍കി.
ഈ ദുരിതകാലത്തെ അതിജീവിക്കുമെന്ന പ്രതീക്ഷയുടെ ഒരു പാല്‍പ്പുഞ്ചിരി വിരിഞ്ഞു. കാസര്‍കോട്ടുകാരിയായ യുവതിയാണ് കോവിഡ് മുക്തയായി രണ്ടാംദിനം പ്രസവിച്ചത്. ഭാര്യയും ഭര്‍ത്താവും കോവിഡ് പോസിറ്റീവായിരുന്നു. ഇരുവരും രോഗമുക്തരായയത് ഒരേദിനം. അസുഖബാധിതരായതുമുതല്‍ നെഞ്ചിടിപ്പോടെയാണ് കുഞ്ഞിന്റെ വരവിനായി അവര്‍ കാത്തിരുന്നത്. ആശങ്കകളൊഴിഞ്ഞ് ശനിയാഴ്ച അവന് പരിയാരത്തെ കണ്ണൂര്‍ ഗവ. മെഡിക്കല്‍ കോളേജ് ആശുപത്രിയില്‍ പിറന്നുവീണു.
വിദേശത്തുനിന്ന് നാട്ടിലെത്തിയ ഭര്‍ത്താവില്‍നിന്നാണ് യുവതിക്ക് രോഗബാധയുണ്ടായത്. രോഗം മാറിയതിനാല്‍ ദമ്പതിമാരെ കൊറോണ വാര്‍ഡില്‍നിന്ന് വ്യാഴാഴ്ച ഡിസ്ചാര്‍ജ് ചെയ്തിരുന്നു. എന്നാല്‍, പ്രസവത്തിനായി യുവതിയെ വീണ്ടും അഡ്മിറ്റാക്കി. ഭര്‍ത്താവിനെയും കൂടെനിര്‍ത്തി.
മെഡിക്കല്‍ കോളേജിലെ ഗൈനക്കോളജി വിഭാഗം മേധാവിയുടെ നേതൃത്വത്തിലുള്ള മെഡിക്കല്‍സംഘത്തിലെ ഡോക്ടര്‍മാര്‍, അനസ്തേഷ്യ മേധാവി േപീഡിയാട്രിക് വിഭാഗം മേധാവി എന്നിവരുടെ നേതൃത്വത്തില്‍ യുവതിയെ സിസേറിയന് വിധേയമാക്കി. എല്ലാ സുരക്ഷാക്രമീകരണങ്ങളോടുംകൂടി പ്രത്യേകം സജ്ജീകരിച്ച ഓപ്പറേഷന്‍ തിയേറ്ററിലായിരുന്നു സിസേറിയന്. അമ്മയുടെയും കുട്ടിയുടെയും ആരോഗ്യം തൃപ്തികരമാണെന്നു ഡോക്ടര്‍മാര്‍ പറഞ്ഞു.
കുഞ്ഞിനെയും അമ്മയെയും പ്രത്യേക നിരീക്ഷണത്തിലാക്കി. കുട്ടിയുടെ സ്രവവും പരിശോധനയ്ക്ക് അയക്കും. മാര്‍ച്ച് 20-നാണ് യുവതിയെയും ഭര്‍ത്താവിനെയും കണ്ണൂര്‍ ഗവ. മെഡിക്കല്‍ കോളേജില്‍ പ്രവേശിപ്പിച്ചത്. കേരളത്തില്‍ ഗര്‍ഭിണികളായ കൂടുതല്‍പേരെ കോവിഡ് ബാധിതരായി ചികിത്സിച്ചത് കണ്ണൂര്‍ ഗവ. മെഡിക്കല്‍ കോളേജാണ്. അഞ്ചുപേരാണ് ഇവിടെയുണ്ടായിരുന്നത്. ഇതില്‍ മൂന്നുപേര്‍ കഴിഞ്ഞദിവസം ഡിസ്ചാര്‍ജായി.
അങ്ങനെ അതീജീവനത്തിന്റെ പുതിയ മാതൃക ഈ ഈസ്റ്റര്‍ ദിനത്തില്‍ തേടിവന്നതിന്റെ സന്തോഷത്തിലാണ് കേരളം.
https://www.facebook.com/Malayalivartha
