സംസ്​ഥാനത്ത്​ മൂന്നുപേര്‍ക്ക്​ കൂടി കോവിഡ്​ ബാധ സ്​ഥിരീകരിച്ചു. കണ്ണൂരില്‍ രണ്ടുപേര്‍ക്കും പാലക്കാട്​ ഒരാള്‍ക്കുമാണ്​ കോവിഡ്​ സ്​ഥിരീകരിക്കരിച്ച്‌​. 19 പേര്‍ക്ക്​ പരിശോധന ഫലം നെഗറ്റീവായെന്നും മുഖ്യമന്ത്രി പിണറായി വിജയന്‍ വാര്‍ത്താസമ്മേളനത്തില്‍ അറിയിച്ചു.

പോസറ്റീവായവരില്‍ രണ്ടുപേര്‍ സമ്ബര്‍ക്കം മൂലവും ഒരാള്‍ വിദേശത്തുനിന്ന് വന്നയാളാണ്. 19 പേരുടെ ഫലം നെഗറ്റീവാണ്. ഇതുവരെ 378 പേര്‍ക്കാണ് രോഗം സ്ഥിരീകരിച്ചത്. 178 പേര്‍ ചികിത്സയിലാണ്.

വിഷു കൈനീട്ടം ഇത്തവണ നാടിന് വേണ്ടിയാവട്ടെയെന്ന് മുഖ്യന്ത്രി പറഞ്ഞു. മുഖ്യമന്ത്രിയുടെ ദുരിതാശ്വാസ നിധിയിലേക്ക് നല്‍കുന്ന സംഭാവനയാക്കി മാറ്റാന്‍ എല്ലാവരും പ്രത്യേകിച്ച്‌ നമ്മുടെ കുട്ടികള്‍ തയ്യാറാവുമെന്ന് പ്രതിക്ഷിക്കുന്നു. കുട്ടികള്‍ക്കാണ് മാതൃക സൃഷ്ടിക്കാന്‍ കഴിയുക. ഏപ്രില്‍ റമദാന്‍ മാസം ആരംഭിക്കുകയാണ്. സക്കാത്തുകള്‍ ഈ കടുത്ത പ്രതിസന്ധി മറികടക്കാനാവണമെന്ന് മുഖ്യമന്ത്രി പറഞ്ഞു.

അതേസമയം രാജ്യത്ത് 24 മണിക്കൂറിനിടെ 796 കൊവിഡ് കേസുകള്‍ റിപ്പോര്‍ട്ട് ചെയ്തതായി കേന്ദ്ര ആരോഗ്യമന്ത്രാലയം വ്യക്തമാക്കി. 897 പേര്‍ക്ക് രോഗം ഭേദമായി. 9152 പേര്‍ക്കാണ് ഇതുവരെ രോഗം സ്ഥിരീകരിച്ചത്. 24 മണിക്കൂറിനിടെ 35 കൊവിഡ് മരണവും രാജ്യത്ത് റിപ്പോര്‍ട്ട് ചെയ്തു.

രോഗം സ്ഥിരീകരിച്ചതില്‍ 15 ജില്ലകള്‍ കൊവിഡ് വിമുക്തമായി. ഇതില്‍ കേരളത്തില്‍ നിന്ന് വയനാടും കോട്ടയവും ഉള്‍പ്പെടുന്നതായും കേന്ദ്ര ആരോഗ്യമന്ത്രാലയം അറിയിച്ചു.ഇന്നുമാത്രം 141 പേരാണ്​ രോഗമുക്തിനേടിയത്​. ആരോഗ്യ പ്രവര്‍ത്തകരുടെയും മറ്റു ഭരണ സംവിധാനങ്ങളുടെയും കൂട്ടായ പ്രവര്‍ത്തന ഫലമാണ്​ ഇതെന്നും ലാവ്​ അഗര്‍വാള്‍ പറഞ്ഞു.