സംസ്ഥാനത്തെ​ കോവിഡുമായി ബന്ധപ്പെട്ട​ വിവരങ്ങള്‍ സ്വകാര്യ വെബ്​സൈറ്റായ സ്​പ്രിങ്ക്​ളറിന്​ നല്‍കുന്നതുമായി ബന്ധപ്പെട്ട്​ മാധ്യമ പ്രവര്‍ത്തകര്‍ ഉയര്‍ത്തിയ ചോദ്യത്തില്‍ പ്രതികരിക്കാതെ മുഖ്യമന്ത്രി പിണറായി വിജയന്‍. സ്പ്രിംഗ്ളറുമായി ബന്ധപ്പെട്ട സാങ്കേതിക വിവരങ്ങള്‍ ഐടി വകുപ്പുമായി ബന്ധപ്പെട്ട് തന്നെ ചോദിക്കുന്നതാണ് ശരിയെന്ന് അദ്ദേഹം വ്യക്തമാക്കി. തിരുവനന്തപുരത്ത് വാര്‍ത്താ സമ്മേളനത്തില്‍ സംസാരിക്കുകയായിരുന്നു അദ്ദേഹം.

കോവിഡ് 19 രോഗികളുടേയും നിരീക്ഷണത്തിലുള്ളവരുടേയും വിവരങ്ങള്‍ അമേരിക്കന്‍ കമ്ബനിയായ സ്പ്രിംഗ്ളറിന്റെ വെബ്സൈറ്റില്‍ അപ്‍ലോഡ് ചെയ്യുന്നത് ഡേറ്റ പുറത്ത് പോകാന്‍ കാരണമാകുമെന്നും ഇതിന് പിന്നില്‍ അഴിമതിയുണ്ടെന്നുമായിരുന്നു പ്രതിപക്ഷത്തിന്റെ ആരോപണം. എന്നാൽ ആദ്യം ഇക്കാര്യം നിഷേധിച്ച സര്‍ക്കാര്‍ പിന്നീട് സ്പ്രിംഗ്ളര്‍ സൈറ്റില്‍ വിവരങ്ങള്‍ നല്‍കേണ്ടതില്ലെന്നും സര്‍ക്കാര്‍ സൈറ്റിലേക്ക് നല്‍കിയാല്‍ മതിയെന്നും നിര്‍ദേശം നല്‍കി. ഇക്കാര്യത്തേക്കുറിച്ച്‌ മാധ്യമ പ്രവര്‍ത്തകര്‍ ചോദിച്ചപ്പോഴായിരുന്നു മുഖ്യമന്ത്രിയുടെ പ്രതികരണം.

അതിനെക്കുറിച്ച്‌ ഇപ്പോള്‍ പറയുന്നത് ശരിയല്ലെന്ന് മുഖ്യമന്ത്രി പ്രതികരിച്ചു. വിശദാംശങ്ങളിലേക്ക് കടക്കുന്നില്ല. വിവരങ്ങള്‍ ഐടി വകുപ്പ് നല്‍കുമെന്നും അദ്ദേഹം വ്യക്തമാക്കി. മുഖ്യമന്ത്രി പലതും മറച്ചുവെക്കുന്നുവെന്ന പ്രതിപക്ഷത്തിന്റെ ആരോപണത്തെ കുറിച്ച്‌ ചോദിച്ചപ്പോള്‍. അവര്‍ അതു പറയുമല്ലോ. അവര്‍ക്ക് അതു പറയണ്ടേ. അവര്‍ക്കിപ്പോള്‍ അത്തരം കാര്യങ്ങളുടെ പിന്നാലെ പോകാമല്ലോ. എനിക്കിപ്പോള്‍ അത്തരം കാര്യങ്ങളുടെ പിന്നാലെ പോകാന്‍ സമയമില്ലെന്നും അദ്ദേഹം പ്രതികരിച്ചു.

കോവിഡുമായി ബന്ധപ്പെട്ട​ വിവരങ്ങള്‍ സ്വകാര്യ വെബ്​സൈറ്റായ സ്​പ്രിങ്ക്​ളറിന്​​ നല്‍കേണ്ടെന്ന് പഞ്ചായത്ത്​ ഡയറക്​ടര്‍ നിര്‍ദേശം നല്‍കിയതായി വാര്‍ത്ത പുറത്തുവന്നിരുന്നു. എന്നാല്‍ നിര്‍ദേശത്തിനുശേഷവും വിവരങ്ങള്‍ ​പ്രസ്​തുത വെബ്​സൈറ്റിലേക്കാണ്​ കയറു​ന്നതെന്ന്​ ആരോപണമുണ്ട്​. ഇടപാടിലെ സുപ്രധാന വിവരങ്ങള്‍ മുഖ്യമന്ത്രി മറച്ചു​െവക്കുന്നതായും തെറ്റിദ്ധാരണ പരത്താന്‍ ശ്രമിക്കുന്നതായും നേരത്തെ പ്രതിപക്ഷനേതാവ് രമേശ് ചെന്നിത്തല ആരോപിച്ചിരുന്നു.