സ്പ്രിങ്കഌ വിവാദവുമായി ബന്ധപ്പെട്ട വിവരങ്ങള്‍ ഐ.ടി വകുപ്പിനോട് ചോദിക്കണമെന്ന് മുഖ്യമന്ത്രി
സംസ്ഥാനത്തെ കോവിഡുമായി ബന്ധപ്പെട്ട വിവരങ്ങള്‍ സ്വകാര്യ വെബ്‌സൈറ്റായ സ്പ്രിങ്ക്‌ളറിന് നല്‍കുന്നതുമായി ബന്ധപ്പെട്ട് മാധ്യമ പ്രവര്‍ത്തകര്‍ ഉയര്‍ത്തിയ ചോദ്യത്തിന് മറുപടി നല്‍കി മുഖ്യമന്ത്രി പിണറായി വിജയന്. 'സ്പ്രിങ്കഌുമായി ബന്ധപ്പെട്ട സാങ്കേതിക വിവരങ്ങള്‍ ഐടി വകുപ്പിനോട് തന്നെ ചോദിക്കണം. ഞാന്‍ ഇപ്പോള്‍ പറയുന്നത് അല്ല ശരി. അതുമായി ബന്ധപ്പെട്ട വിവരങ്ങള്‍ അവര്‍ തരും. ഐടി വകുപ്പുമായി ബന്ധപ്പെട്ടാല്‍ മതി. എനിക്കിപ്പോള്‍ അതിന്റെ പിറകെ പോകാന്‍ സമയമില്ല. ആദ്യമെടുത്ത തീരുമാനപ്രകാരമാണ് എല്ലാം നടക്കുന്നത്. ഇതുമായി ബന്ധപ്പെട്ടുള്ള സംശയങ്ങള്‍ക്ക് അടിസ്ഥാനമില്ല. കൂടുതല്‍ സംശയങ്ങള്‍ക്ക് ഐടി വകുപ്പുമായി ബന്ധപ്പെടാം. ഞാന്‍ എന്തായാലും അതിന്റെ വിശദാംശങ്ങളിലേക്ക് കടക്കുന്നില്ല. എനിക്ക് പറയാനുള്ളതെല്ലാം പറഞ്ഞുകഴിഞ്ഞു.' പിണറായി മറുപടി നല്‍കി. കോവിഡുമായി ബന്ധപ്പെട്ട വിവരങ്ങള്‍ സ്വകാര്യ വെബ്‌സൈറ്റായ സ്പ്രിങ്ക്‌ളറിന് നല്‍കേണ്ടെന്ന് പഞ്ചായത്ത് ഡയറക്ടര്‍ നിര്‍ദേശം നല്‍കിയതായി വാര്‍ത്ത പുറത്തുവന്നിരുന്നു. എന്നാല്‍ നിര്‍ദേശത്തിനുശേഷവും വിവരങ്ങള്‍ പ്രസ്തുത വെബ്‌സൈറ്റിലേക്കാണ് കയറുന്നതെന്ന് ആരോപണമുണ്ട്. ഇടപാടിലെ സുപ്രധാന വിവരങ്ങള്‍ മുഖ്യമന്ത്രി മറച്ചുവെക്കുന്നതായും തെറ്റിദ്ധാരണ പരത്താന്‍ ശ്രമിക്കുന്നതായും നേരത്തെ പ്രതിപക്ഷനേതാവ് രമേശ് ചെന്നിത്തല ആരോപിച്ചിരുന്നു.
https://www.facebook.com/Malayalivartha
