പ്രവാസികളെ നെഞ്ചോട് ചേര്‍ത്ത് കേരളം; കേന്ദ്രം നടപടി എടുക്കുംവരെ സമ്മര്‍ദ്ദം തുടരും; നാട്ടിലെത്തിച്ചാല്‍ ഞങ്ങളേറ്റെടുത്തോള്ളാമെന്ന് പിണറായിവിജയന്‍
മറ്റ് രാജ്യങ്ങളില്‍ കഴിയുന്ന പ്രവാസികളുടെ പ്രശ്നം ഏറ്റവുമധികം അലട്ടുന്നു. അവരെ കേരളത്തിലെത്തിക്കാന്‍ നമുക്കും കുടുംബാംഗങ്ങള്‍ക്കും ആഗ്രഹമുണ്ട്. പ്രവാസികളും നാട്ടിലെത്താന്‍ ആഗ്രഹിക്കുന്നു. പ്രവാസികളുടെ പ്രശ്നം പ്രധാനമന്ത്രിയുടെ ശ്രദ്ധയില്‍ ആവര്‍ത്തിച്ച് പെടുത്തി. ഇന്നും വിശദമായ കത്തയച്ചു. യാത്രാ നിരോധനം മൂലം വിദേശത്ത് കുടുങ്ങിയവര്‍ പല തരക്കാരാണ്. ഇവര്‍ക്ക് മടങ്ങാനാവുന്നില്ല. വരുമാനം ഇല്ലാതെ അവിടെ ജീവിതം അസാധ്യമാകുന്നു. ഇവര്‍ക്കും മറ്റ് അടിയന്തിര ആവശ്യമുള്ളവര്‍ക്കും പ്രത്യേക വിമാനം ഏര്‍പ്പെടുത്തണമെന്നാണ് പ്രധാനമന്ത്രിയോട് ആവശ്യപ്പെട്ടത്.
തിരികെ വരുന്നവരുടെ ടെസ്റ്റ്, നിരീക്ഷണം തുടങ്ങിയവ സംസ്ഥാന സര്‍ക്കാര്‍ നിരീക്ഷിക്കും. ഇന്നത്തെ പ്രയാസകരമായ സാഹചര്യത്തില്‍ അനിവാര്യമായ ഇടപെടലാണിത് എന്ന് പ്രധാനമന്ത്രിയോട് പറഞ്ഞു. സുപ്രീം കോടതി ഇന്ന് പ്രഖ്യാപിച്ച നിലപാട് ശ്രദ്ധയിലുണ്ട്. പ്രവാസികള്‍ തിരിച്ചെത്തുമ്പോള്‍ അവര്‍ക്ക് വേണ്ട എല്ലാ സൗകര്യങ്ങളും ഒരുക്കും. കൊവിഡിന്റെ സാഹചര്യത്തില്‍ ജോലി നഷ്ടപ്പെട്ട് തിരിച്ചെത്തുന്ന പ്രവാസികളുണ്ടെങ്കില്‍ അവരെ സംരക്ഷിക്കാനുള്ള പദ്ധതികള്‍ വേണമെന്നും കേന്ദ്രത്തോട് ആവശ്യപ്പെട്ടു.
പ്രവാസികളുടെ പ്രശ്നം ആവര്‍ത്തിച്ച് പ്രധാനമന്ത്രിയുടെ ശ്രദ്ധയില്‍പ്പെടുത്തിയിട്ടുണ്ടെന്നും, ഇന്നും വിശദമായ കത്തയച്ചിട്ടുണ്ടെന്നും മുഖ്യമന്ത്രി പിണറായി വിജയന്. വിദേശങ്ങളില്‍ കുടുങ്ങിപ്പോയവരില്‍, ഹൃസ്വകാല പരിപാടികള്‍ക്ക് പോയവര്‍, സന്ദര്‍ശക വിസയില്‍ പോയവര്‍ എന്നിങ്ങനെ വിവിധ തരത്തിലുള്ള ആളുകളുണ്ട്. ഇവര്‍ക്ക് മടങ്ങാന്‍ സാധിക്കുന്നില്ല. വരുമാനമൊന്നും ഇല്ലാത്തതിനാല്‍ ഇവരുടെ ജീവിതം അസാധ്യമാകുകയാണ്. ഇവര്‍ക്കും, മറ്റ് അടിയന്തര ആവശ്യമുള്ളവരോ, പ്രയാസം നേരിടുന്നവരോ ആയ പ്രവാസികള്‍ക്ക് പ്രത്യേകവിമാനം ഏര്‍പ്പെടുത്തണമെന്നാണ് പ്രധാനമന്ത്രിയോടാവശ്യപ്പെട്ടത്.എല്ലാ അന്താരാഷ്ട്ര നിബന്ധനകളും പാലിച്ചുകൊണ്ട് ഇവരെ തിരികെ എത്തിക്കണം.
തിരികെ വരുന്നവരുടെ പരിശോധന, ക്വാറന്റൈന്‍ എന്നിവ സര്‍ക്കാര്‍ നിര്‍വ്വഹിക്കും. സുപ്രീംകോടതി പ്രവാസി വിഷയത്തില്‍ ഒരു നിലപാട് പ്രഖ്യാപിച്ചു. പ്രവാസികള്‍ മടങ്ങിയെത്തുമ്പോള്‍ അവര്‍ക്ക് സാധ്യമായ എല്ലാ സൗകര്യവും സര്‍ക്കാര്‍ ഒരുക്കും. എല്ലാ സുരക്ഷാ ക്രമീകരണവും തയ്യാറാക്കും.കോവിഡിന്റെ ഭാഗമായി ജോലി നഷ്ടപ്പെട്ട് തിരിച്ചെത്തേണ്ടി വരുന്നവരെ സംരക്ഷിക്കാനും പുനരധിവസിപ്പിക്കാനുമുള്ള പദ്ധതികളും കേന്ദ്രം തയ്യാറാക്കണമെന്ന് അഭ്യര്‍ഥിച്ചതായും മുഖ്യമന്ത്രി പറഞ്ഞു
https://www.facebook.com/Malayalivartha
