പീഢനത്തെ തുടര്‍ന്ന യുവതി ആത്മഹത്യ ചെയ്ത സംഭവത്തില്‍ യുവാവിന് ചാത്തന്നൂര്‍ പോലീസ് അറസ്റ്റ് ചെയ്തു. ചാത്തന്നൂര്‍ ഏറം വണ്ടിവിള വീട്ടില്‍ ബൈജു സുന്ദരാംഗന്‍(45) ആണ് അറസ്റ്റ് ചെയ്തത്. ഊറാംവിള സ്വദേശി അഞ്ജലി(26) ആത്മഹത്യ ചെയ്ത സംഭവവുമായി ബന്ധപ്പെട്ടാണ് അറസ്റ്റ്.

വിദേശത്തായിരുന്ന പ്രതിക്കേതിരെ പോലീസ് ലുക്ക് ഔട്ട് നോട്ടീസ് പുറപ്പെടുവിച്ചിരുന്നു. സംഭവത്തെ കുറിച്ച്‌ പോലിസ് പറയുന്നത് ഇങ്ങനെയാണ്; അടുത്ത ബന്ധുവായ പെണ്‍കുട്ടിയെ ജോലിയ്ക്ക് എന്ന വ്യാജേന വിദേശത്ത് കൊണ്ട് പോയി പ്രതിയുടെ സ്ഥാപനത്തില്‍ ജോലി നല്‍കുകയും സ്വന്തം വീട്ടില്‍ തന്നെ താമസിപ്പിക്കുകയും പ്രതിയുടെ ഭാര്യയും മക്കളും നാട്ടില്‍ പോയ സമയത്ത് ഭീഷണിപ്പെടുത്തി പീഡിപ്പിക്കുകയും ചെയ്തു. തുടര്‍ന്ന് പെണ്‍കുട്ടി ജോലി മതിയാക്കി നാട്ടില്‍ എത്തി വിവാഹിതയായി.

കല്യാണം കഴിഞ്ഞതിന് ശേഷം അബുദാബിയില്‍ എത്തിയ പെണ്‍കുട്ടിയെ വിദേശത്ത് ഭര്‍ത്താവുമായി എത്തിയപ്പോള്‍ താമസ സ്ഥലത്ത് ഭര്‍ത്താവ് ജോലിക്ക് പോകുന്ന സമയത്ത് എത്തി ഭീഷണിപ്പെടുത്തി വീണ്ടും പീഡിപ്പിക്കുകയും ചെയ്തു. നിരന്തരമായ ശല്യത്തെ തുടര്‍ന്ന്
നാട്ടിലേക്ക് മടങ്ങിയ പെണ്‍കുട്ടി പ്രതിയുടെ ഭീഷണിയുടെ തുടര്‍ന്ന് 2019 ഏപ്രിലില്‍ വീട്ടില്‍ തൂങ്ങി മരിക്കുകയായിരുന്നു.

ആത്മഹത്യ കുറുപ്പില്‍ ബൈജു സുന്ദരാംഗനാണ് തന്റെ മരണത്തിന് കാരണക്കാരന്‍ എന്ന് പറഞ്ഞിരുന്നു. പെണ്‍കുട്ടി വിദേശത്ത് നിന്ന് എത്തിയപ്പോള്‍ പ്രതിയായ ബൈജുവിന് എതിരെ കേസ് നല്‍കിയിരുന്നു ഈ കേസില്‍ അന്വേഷണം നടന്ന് കൊണ്ടിരുന്നപ്പോള്‍ ആണ് പെണ്‍കുട്ടി ആത്മഹത്യ ചെയ്തത്.

ഒളിവിലായിരുന്ന പ്രതി അബുദാബിയില്‍ നിന്നുള്ള അവസാന ഫ്‌ളൈറ്റിലാണ് നാട്ടില്‍ എത്തിയത് തുടര്‍ന്ന് പോലിസ് തിരുവനന്തപുരം മെഡിക്കല്‍ കോളേജില്‍ കോറന്റെയിനില്‍ ആക്കിയ പ്രതിയെ കോറന്റെയില്‍ സമയം കഴിഞ്ഞതിനെ തുടര്‍ന്ന് ചാത്തന്നൂര്‍ സി.ഐ ജസ്റ്റിന്‍ ജോണിന്റെ നേതൃത്വത്തില്‍ അറസ്റ്റ് ചെയ്തു.കോടതിയില്‍ ഹാജരാക്കി പ്രതിയെ റിമാന്റ് ചെയ്തു.