ലോക്ഡൗണിനുശേഷം ബസുകള്‍ ഓടിത്തുടങ്ങുമ്പോള്‍ യാത്രക്കാര്‍ തമ്മില്‍ സുരക്ഷിത അകലം നിര്‍ബന്ധമാക്കിയാല്‍ ടിക്കറ്റ് നിരക്ക് ഉയര്‍ത്തേണ്ടിവരും.. പകുതി യാത്രക്കാരായി കുറയ്ക്കുക കൂടി ചെയ്യുമ്പോള്‍ വരുമാനം കുത്തനെ കുറയുമെന്ന് സ്വകാര്യബസ് ഉടമകള്‍
ലോക്ഡൗണിനുശേഷം ബസുകള്‍ ഓടിത്തുടങ്ങുമ്പോള്‍ യാത്രക്കാര്‍ തമ്മില്‍ സുരക്ഷിത അകലം നിര്‍ബന്ധമാക്കിയാല്‍ ടിക്കറ്റ് നിരക്ക് ഉയര്‍ത്തേണ്ടിവരും. ആരോഗ്യവകുപ്പ് നിഷ്‌കര്‍ഷിക്കുന്ന രീതിയില്‍ അകലം പാലിക്കണമെങ്കില്‍ യാത്രക്കാരുടെ എണ്ണം പകുതിയാക്കേണ്ടിവരും. നിന്നുള്ള യാത്രയും അനുവദനീയമല്ല. അനുവദിച്ചിട്ടുള്ള സീറ്റുകളുടെ 20 ശതമാനം അധികം യാത്രക്കാരെ നിര്‍ത്തിക്കൊണ്ടുപോകാനുള്ള അനുമതി ബസുകള്‍ക്കുണ്ട്. ഇത് പൂര്‍ണമായും ഒഴിവാക്കും. പകുതി യാത്രക്കാരായി കുറയ്ക്കുക കൂടി ചെയ്യുമ്പോള്‍ വരുമാനം കുത്തനെ കുറയുമെന്ന് സ്വകാര്യബസ് ഉടമകള്‍ പറയുന്നു.50 സീറ്റുള്ള ബസില്‍ പരമാവധി 25 യാത്രക്കാരെ മാത്രമാകും കയറ്റാനാകുക. ഇപ്പോഴത്തെ ടിക്കറ്റ് നിരക്കാണ് ഈടാക്കുന്നതെങ്കില്‍ ഇന്ധനച്ചെലവിനുള്ള തുകപോലും ലഭിക്കില്ല.
നഷ്ടം നികത്താനുള്ള മാര്‍ഗം സര്‍ക്കാര്‍ കണ്ടെത്തേണ്ടിവരും. നിശ്ചിത ശതമാനം നിരക്കുയര്‍ത്താന്‍ കഴിയുന്ന ഫ്‌ളെക്‌സി ചാര്‍ജ് സംവിധാനം സ്വീകരിക്കാമെന്ന് മോട്ടോര്‍വാഹനവകുപ്പിന്റെ ശുപാര്‍ശ. എന്നാല്‍ ഇത് ഫലപ്രദമല്ലെന്നും നിലവിലെ ടിക്കറ്റിന്റെ ഇരട്ടിയോളം ഈടാക്കേണ്ടിവരുമെന്നുമുള്ള സൂചനയാണ് കെ.എസ്.ആര്‍.ടി.സി. അധികൃതരും സ്വകാര്യബസ് ഉടമകളും പങ്കുവെക്കുന്നത്. റോഡ് നികുതി ഈടാക്കുന്നത് സീറ്റ് അടിസ്ഥാനമാക്കി ആയതിനാല്‍ സ്വകാര്യബസുകള്‍ പൊതുവേ സീറ്റ് കുറച്ചാണ് രജിസ്റ്റര്‍ ചെയ്തിരുന്നത്. അത്തരം ബസ്സുകളില്‍ ഒരു സീറ്റിന് ഒരാള്‍ എന്ന നിയന്ത്രണം കൊണ്ടുവന്നാല്‍ പരമാവധി യാത്രക്കാര്‍ 20-ല്‍ താഴെയായി കുറയും.
കെ.എസ്.ആര്‍.ടി.സി.യുടെ മാതൃകയില്‍ മൂന്നുപേര്‍ക്ക് ഇരിക്കാവുന്ന സീറ്റുകള്‍ സ്വകാര്യബസുകളിലില്ല. ഇവയില്‍ അകലം പാലിച്ച് രണ്ടുപേര്‍ക്ക് ഇരിക്കാനാകും. ലോക്ഡൗണിന് ശേഷമുള്ള പൊതുഗതാഗതത്തിന് നിയന്ത്രണങ്ങള്‍ വേണമെന്നാണ് ആരോഗ്യവകുപ്പ് സൂചിപ്പിക്കുന്നത്. രോഗവ്യാപനത്തിന്റെ തോതനുസരിച്ച് ഇതില്‍ മാറ്റങ്ങളുണ്ടായേക്കാം. ജില്ലകള്‍ തമ്മില്‍ അതിര്‍ത്തി തിരിക്കുന്നതും റൂട്ട് ബസുകളെ ബാധിക്കും. ജില്ലാ അതിര്‍ത്തികളെ പ്രധാന ടൗണുകളുമായി ബന്ധിപ്പിച്ച് ഓടുന്ന നിരവധി ബസുകളുണ്ട്.നഷ്ടം നികത്താന്‍ ബദല്‍ നിര്‍ദേശങ്ങളും ഉയര്‍ന്നിട്ടുണ്ട്.
"
https://www.facebook.com/Malayalivartha
