ലോക്ക്ഡൗണില്‍ മദ്യം കിട്ടാതെ വലയുന്നവരെ ലക്ഷ്യമിട്ട് നീക്കം... ജവാന്‍ മുതല്‍ ജോണി വാക്കര്‍ വരെ. ബെവ്കോയുടെ പേരില്‍ വ്യാജ സൈറ്റ് തട്ടിപ്പ്, സംഘത്തെക്കുറിച്ച് എക്സൈസ് അന്വേഷണം തുടങ്ങി
മദ്യമില്ലാതെ എന്ത് ആഘോഷം. ഇതായിരുന്നു ഒരിടയ്ക്കെങ്കിലും മലയാളിയുടെ അവസ്ഥ. എന്തിനും ഏതിനും മദ്യപ്പുഴ തന്നെ ഒഴുകി കേരളത്തില്‍. ഓണക്കാലത്തും, ക്രിസ്മസിനും അങ്ങനെ ആഘോഷക്കാലത്തെല്ലാം ലക്ഷകണക്കിന് കുപ്പി പൊട്ടി. മലയാളികളുടെ കീശയിലെ കാശും പൊട്ടി. പക്ഷെ ആരൊക്കെ കുടിച്ചാലും എന്തൊക്കെ സംഭവിച്ചാലും സര്‍ക്കാരിനും എനിക്കും കിട്ടണം പണം. ലൈന്‍. എന്നാല്‍ കൊറോണ ആശാന്‍ വന്ന് എല്ലാ കഥയും കൊണ്ടുപോയി. ബാറും ബിവറജും പൂട്ടി. കുറിപ്പടി മദ്യവും ഇല്ല. അപ്പോള്‍ പിന്നെ വ്യാജനെങ്കില്‍ വ്യാജന്‍. തലതെറിച്ചവര്‍ എവിടെയും ഉണ്ടല്ലോ. എന്നാലും വേണ്ടില്ല നീ പൊന്നപ്പനല്ലടാ തങ്കപ്പന്‍ എന്നു പറയും കുപ്പിയെ നെഞ്ചോട് ചേര്‍ക്കുന്നവര്‍. വ്യാജന്‍മാരുടെ അസാധാരണ നടപടികള്‍ എല്ലാവരെയും ഞെട്ടിച്ചു. കണ്ണുതള്ളിപോകും ഇതൊക്കെ കേട്ടാല്‍ ജവാന്‍ മുതല്‍ ജോണി വാക്കര്‍ വരെ. ബെവ്കോയുടെ പേരില്‍ വ്യാജ സൈറ്റ് തട്ടിപ്പ്
കോര്‍പറേഷന്‍ ഓണ്‍ലൈന്‍ മദ്യവില്‍പന തുടങ്ങിയെന്ന വ്യാജേന തട്ടിപ്പ്. ലോക്ക്ഡൗണില്‍ മദ്യം കിട്ടാതെ വലയുന്നവരെ ലക്ഷ്യമിട്ടാണ് നീക്കം. തട്ടിപ്പ് സംഘത്തെക്കുറിച്ച് എക്സൈസ് അന്വേഷണം തുടങ്ങി. ബവറിജസ് കോര്‍പ്പറേഷന്‍ അഥവാ ബെവ്കോയുടെ പേര് ചേര്‍ത്തു തന്നെയാണ് ഈ വ്യാജ സൈറ്റ് ഉണ്ടാക്കിയിരിക്കുന്നത് കോര്‍പറേഷന്റെ പേരും ലോഗോയും ചേര്‍ത്തിട്ടുണ്ട്. ജവാന്‍ മുതല്‍ ജോണി വാക്കര്‍ വരെ ബെവ്കോയില്‍ ലഭിക്കുന്ന ഏതാണ്ടെല്ലാ ബ്രാന്‍ഡ് മദ്യത്തിന്റെയും വില സഹിതം സൈറ്റില്‍ ഡിസ്പ്ലേ ഉണ്ട്. വാങ്ങാന്‍ ഉദ്ദേശിക്കുന്ന കുപ്പിക്ക് നേര്‍ക്ക് ക്ലിക്ക് ചെയ്താല്‍ നേരെ വിലാസം നല്‍കാനുള്ള പേജിലേക്ക്. ശേഷം പണം ഒടുക്കാനുള്ള അവസരം.
കാഷ് ഓണ്‍ ഡെലിവറി സൗകര്യവും ഉണ്ട്. ആവേശക്കാര്‍ പക്ഷെ രൊക്കം തുക ഓടുക്കാന്‍ തയാറായാല്‍ പോയത് തന്നെ. ബുക്കിങ് പൂര്‍ത്തിയായാല്‍ വിശ്വാസ്യത ഉറപ്പിച്ച് ഇ മെയിലും എസ്എംഎസും വരും. പക്ഷേ മദ്യം മാത്രം വരില്ല. തട്ടിപ്പ് ശ്രദ്ധയില്‍ പെട്ടതോടെ വിഷയം പരിശോധിക്കാന്‍ ശ്രമിച്ച എക്സൈസ് വിജിലന്‍സ് എസ്.പി. കെമുഹമ്മദ് ഷാഫി ഓണ്‍ലൈനില്‍ ബുക്കു ചെയ്തു. പക്ഷേ പണം കൊടുത്തില്ല, ക്യാഷ് ഓണ്‍ ഡെലിവറി കൊടുത്തു. അതിന് മെസേജായി രസീത് വന്നു.
ലോക്ക്ഡൗണിന്റെ തുടക്കത്തില്‍ ഓണ്‍ലൈന്‍ മദ്യവില്‍പന തുടങ്ങാന്‍ സര്‍ക്കാര്‍ പദ്ധതിട്ടിട്ടെങ്കിലും നടപടിക്രമങ്ങള്‍ പൂര്‍ത്തിയക്കാനായില്ല. ഇതിന്റെ ചുവട് പിടിച്ചാണ് മദ്യപരെ പ്രലോഭിപ്പിച്ച് പോക്കറ്റ് ചോര്‍ത്താനുള്ള ഓണ്‍ലൈന്‍ തരികിട.
https://www.facebook.com/Malayalivartha
