കൊറോണ വൈറസിന്റെ വ്യാപനം മൂലം ലോകം മുഴുവനും ലോക്ഡൗണിലാണ്. പലരും അകലങ്ങൾ പാലിച്ച് അടുക്കുകയും ഒപ്പം മറ്റുള്ളവരെ സഹായിച്ച് മുന്നേറുകയുമാണ് ചെയ്യുന്നത് എന്നത് നാം പല വർത്തകളിലൂടെയും കാണുന്നതാണ്. ഇത്തരത്തിൽ കൊറോണ വൈറസ് വ്യാപനവും തുടര്‍ന്ന് കേന്ദ്ര സംസ്ഥാന സര്‍ക്കാരുടെ ലോക്ക് ഡൗണും നിയന്ത്രണവും രണ്ട് വയസുകാരിയായ സാഷിയുടെ മുന്‍പില്‍ തോറ്റ് മുട്ടുകുത്തേണ്ടി വന്ന കഥ ഏറെ അമ്പരപ്പോടെ തന്നെയാണ് നമ്മുടെ കേരളം കേട്ടത്. തന്റെ അമ്മയെ കാണണമെന്ന പിടിവാശിക്ക് മുന്‍പിലാണ് ലോക്ക് ഡൗണും എന്തിന് നമ്മുടെ പോലീസിന് വരെ അയഞ്ഞ് കൊടുക്കേണ്ടി വന്നത് തന്നെ.

തന്റെ അമ്മയെ കാണണമെന്ന ആ കുഞ്ഞ് പിടിവാശിയില്‍ നില്‍ക്കുന്ന അഷിയെ പോലീസുകാരുടെ സഹായത്തോടെ തലശ്ശേരിയില്‍ നിന്ന് ചാവക്കാട് പേരകത്തെ വീട്ടിലേക്ക് കുട്ടിയെ എത്തിക്കുകയും ചെയ്തു. ചാവക്കാട് പേരകം തയ്യില്‍ സുബീഷിന്റെയും നീതുവിന്റെയും മകളാണ് സാഷി എന്ന രണ്ടുവയസുകാരി. പാലക്കാട്ടെ തന്നെ ഒരു ഫാര്‍മ്മസ്യൂട്ടിക്കല്‍ കമ്ബനിയില്‍ ജീവനക്കാരിയാണ് നീതു. അതോടൊപ്പം തന്നെ ഇവരുടെ വീട് തലശ്ശേരി തിരുവങ്ങാട്ടാണ്. ലോക്ക് ഡൗണ്‍ പ്രഖ്യാപനത്തിന് രണ്ട് ദിവസം മുമ്പാണ് നീതുവിന്റെ അമ്മ പുഷ്പലത പേരകത്തെ വീട്ടില്‍ നിന്ന് കുട്ടിയെ കൂട്ടികൊണ്ട് പോയത് എന്നാണ് നീതു വ്യക്തമാക്കിയത്.

എന്നാൽ തന്നെയും പാലക്കാട് നിന്ന് നീതു തലശ്ശേരിയിലേക്ക് പോകാനായിരുന്നു ലക്ഷ്യമിട്ടിരുന്നത്. എന്നാല്‍ അപ്രതീക്ഷിതമായി എത്തിയ ലോക്ക് ഡൗണ്‍ എല്ലാ കാര്യങ്ങളും തകിടം മറിക്കുകയായിരുന്നു. ഇതേതുടർന്ന് ഒരാഴ്ച കുട്ടി അമ്മൂമ്മയോടൊപ്പം കഴിയുകയും ചെയ്തു. എന്നാല്‍ പിന്നീട് അങ്ങോട്ട് അമ്മയെ കാണണമെന്ന് പിടിവാശിയില്‍ തന്നെ നില്‍ക്കുകയായിരുന്നു സാഷി എന്ന കുഞ്ഞ്.

ലോക് ഡൗൺ പ്രഖ്യാപിച്ചതിൽ പിന്നെ ആര്‍ക്കും യാത്ര ചെയ്യാന്‍ കഴിയാത്ത സാഹചര്യത്തിലായതിനാല്‍ കരഞ്ഞ് തളർന്നിരുന്നു സാഷി.അവസാനം ഭക്ഷണവും കഴിക്കാതെയായി. തുടർന്ന് ലോക്ക്ഡൗണ്‍ പിന്നെയും ധീർഖിപ്പിച്ചതോടെ പ്രശ്‌നം രൂക്ഷമാവുകയായിരുന്നു. ഈ സാഹചര്യത്തിലാണ് കെവി അബ്ദുള്‍ ഖാദര്‍ എംഎല്‍എയെ ആവശ്യം ഉന്നയിച്ചുകൊണ്ട് സമീപിക്കുന്നത്. അദ്ദേഹം കുട്ടിയുടെ അച്ഛന്‍ സുബീഷിന് കത്തു നല്‍കുകയും ചെയ്തു...'രണ്ടു വയസ്സുകാരിയെ അമ്മയുടെ അടുത്ത് എത്തിക്കാന്‍ അച്ഛന് യാത്രാനുമതി നല്‍കണം എന്നായിരുന്നു ' കത്തിൽ എഴുതുയിരുന്നത്.

ഇതേതുടർന്ന് വെള്ളിയാഴ്ച സുബീഷ് കത്തുമായി കാറില്‍ യാത്ര തിരിക്കുകയുണ്ടായി. ചാവക്കാട് നിന്ന് കോഴിക്കോട് വടകര വഴിയുള്ള യാത്രയില്‍ നിരവധി തവണ പോലീസ് കാറ് തടയുകയും ചെയ്തു. തുടർന്ന് എല്ലായിടത്തും കത്ത് കാണിച്ചു. ശേഷം ഉദ്യോഗസ്ഥര്‍ തമ്മിൽ ചര്‍ച്ച ചെയ്ത് യാത്രാനുമതി നല്‍കുകയായിരുന്നു. ഇതേതുടർന്ന് വെള്ളിയാഴ്ച തന്നെ കുട്ടിയെ പേരകത്തെ വീട്ടിലെത്തിക്കുകയും ചെയ്തു.