സര്‍വകലാശാല പരീക്ഷകള്‍ മേയ് 11ന്; ക്രമീകരണങ്ങള്‍ നടത്താന്‍ സര്‍വകലാശാലകള്‍ക്ക് സര്‍ക്കാര്‍ നിര്‍ദേശം
സര്‍വകലാശാല പരീക്ഷകള്‍ മേയ് 11ന് പുനരാരംഭിക്കാന്‍ ക്രമീകരണങ്ങള്‍ നടത്താന്‍ സര്‍വകലാശാലകള്‍ക്ക് സര്‍ക്കാര്‍ നിര്‍ദേശം. പരീക്ഷകള്‍ ഒരാഴ്ചക്കകം പൂര്‍ത്തിയാക്കാവുന്ന വിധം ക്രമീകരിക്കണം. പൂര്‍ത്തിയായ പരീക്ഷകളുടെ മൂല്യനിര്‍ണയം ഏപ്രില്‍ 20ന് തുടങ്ങണം. അധ്യാപകര്‍ വീട്ടില്‍നിന്ന് മൂല്യനിര്‍ണയം നടത്തിയാല്‍ മതി എന്ന് ഉത്തരവില്‍ പറയുന്നു.
പരീക്ഷസമയക്രമം സംബന്ധിച്ച്‌ വിദ്യാര്‍ഥികള്‍ക്ക് നിശ്ചിത സമയം മുമ്ബുതന്നെ അറിയിക്കണം. കോവിഡ് പ്രതിരോധ ഭാഗമായി ആരോഗ്യവകുപ്പ് പുറത്തിറക്കിയ മാര്‍ഗനിര്‍ദേശവും സുരക്ഷയും പാലിച്ചാകണം പരീക്ഷ നടത്തിപ്പ്. ശേഷിക്കുന്ന കുറച്ചുപരീക്ഷകള്‍ക്കെങ്കിലും ഒാണ്‍ലൈന്‍ മൂല്യനിര്‍ണയ രീതിയായ ഒാണ്‍സ്ക്രീന്‍ മാര്‍ക്കിങ് സമ്ബ്രദായം നടപ്പാക്കാന്‍ സര്‍വകലാശാലകള്‍ ശ്രമിക്കണം.െഎ.എച്ച്‌.ആര്‍.ഡി വികസിപ്പിച്ച ഒാണ്‍സ്ക്രീന്‍ മാര്‍ക്കിങ് രീതി ഡയറക്ടര്‍ മുഴുവന്‍ സര്‍വകലാശാലകളെയും പരിചയപ്പെടുത്തണം.
അടുത്ത അധ്യയനവര്‍ഷം മുതല്‍ സര്‍വകലാശാലകള്‍ ഉത്തരക്കടലാസുകളില്‍ ഫാള്‍സ് നമ്ബര്‍ പതിച്ച മൂല്യനിര്‍ണയത്തിന് പകരം ബാര്‍കോഡ് പതിച്ച രീതി ആരംഭിക്കണം. വിദ്യാര്‍ഥികള്‍ക്ക് സര്‍വകലാശാല മുന്‍കൈ എടുത്ത് ഒാണ്‍ലൈന്‍ ക്ലാസുകളും അസൈന്‍മെന്‍റുകളും നല്‍കണം. അസാപ് സംഘടിപ്പിക്കുന്ന ഒാണ്‍ലൈന്‍ ക്ലാസുകളിലും വെബിനാറുകളിലും സര്‍വകലാശാലകള്‍ക്കും പങ്കാളികളാകാം. മാസീവ് ഒാണ്‍ലൈന്‍ ഒാപണ്‍ കോഴ്സുകളുടെ ഉള്ളടക്കം തയാറാക്കാന്‍ 'െഫ്ലയര്‍' പദ്ധതിയില്‍ നടക്കുന്ന പരിശീലന പരിപാടിയില്‍ അധ്യാപകര്‍ക്ക് പെങ്കടുക്കാം.
സുരക്ഷ മാനദണ്ഡങ്ങള്‍ പാലിച്ച്‌ സര്‍വകലാശാല ലൈബ്രറികള്‍ ഗവേഷക വിദ്യാര്‍ഥികള്‍ക്ക് തുറന്നുനല്‍കണം. വിദൂരവിദ്യാഭ്യാസ വിഭാഗം വിദ്യാര്‍ഥികള്‍ക്ക് ഒാണ്‍ലൈന്‍ ക്ലാസുകള്‍ സംഘടിപ്പിക്കാനും നിര്‍ദേശമുണ്ട്.
https://www.facebook.com/Malayalivartha
