കൊറോണ വൈറസ് വ്യാപനത്തെ തുടർന്ന് ഒരു പരിധിവരെയെങ്കിലും വ്യാപനം തടയാനും പ്രതിരോധത്തിനായും ഏവരും മാസ്‌ക് ധരിക്കണമെന്ന അഭിപ്രായത്തിന് ലോകത്ത് പിന്തുണയേറിവരികയാണ്. ഇതിന്റെ ഭാഗമായി കേരളത്തിലും ജനങ്ങളോട് മാസ്‌ക് ധരിക്കുന്നത് ശീലമാക്കാന്‍ മുഖ്യമന്ത്രി പിണറായി വിജയന്‍ ആവശ്യപ്പെടുകയും ചെയ്തിരുന്നു. ഈ ഒരു സാഹചര്യത്തിൽ റെഡ് സോണില്‍ ഉള്‍പ്പെട്ട കോഴിക്കോട്ട് മാസ്ക്ക് പരിശോധന ശക്തമാക്കിയിരിക്കുകയാണ് പൊലീസ്. മാസ്ക്ക് ധരിച്ചില്ലെങ്കില്‍ കാല്‍നട യാത്രക്കാരും പിടിയിലാകുമെന്നാണ് പോലീസ് വ്യക്തമാക്കുന്നത്. ഇത്തരത്തിൽ മാസ്ക്ക് ധരിക്കാതെ എത്തുന്നവര്‍ക്ക് പൊലീസിന്റെ വക മാസ്ക്കും ലഭ്യമാക്കുന്നുണ്ട്.

ആയതിനാൽ തന്നെ കര്‍ശന പരിശോധനയാണ് നടന്നുവരുന്നത്. ശ്രദ്ധിക്കുക വെറുതെ റോഡിലിറങ്ങിയവരെ മാത്രമല്ല പൊലീസ് പിടികൂടുന്നത്. മാസ്ക്ക് ധരിച്ചില്ലെങ്കിലും പിടിവീഴുമെന്നതും ഓർത്തുകൊള്ളുക. ആയതിനാൽ തന്നെ മാസ്ക്കില്ലാത്തവര്‍ക്ക് പൊലീസിന്‍റെ വക മാസ്ക്ക്. ഇത് ധരിപ്പിച്ച ശേഷമേ പോകാന്‍ അനുവാദം ലഭ്യമാകുകയുമുള്ളൂ. ഇന്നലെ സർക്കാർ വ്യക്തമാക്കിയത് പ്രകാരം കോഴിക്കോട്, കാസർകോട്, കണ്ണൂർ, മലപ്പുറം എന്നിവ റെഡ് സോണിലാണ് ഉൾപ്പെടുത്തിയിട്ടുള്ളത്.

ആയതിനാൽ തന്നെ കോഴിക്കോട് ജില്ല റെഡ് സോണില്‍ ആയതുകൊണ്ട് കൊറോണ വൈറസിനെതിരെയുള്ള ജാഗ്രത കൂടുതൽ ഊര്ജിതമാക്കാനാണ് ഇത്തരത്തിലുള്ള നടപടി വ്യക്തമാക്കിയിരിക്കുന്നത്. 65 വയസിന് മുകളിള്ളവര്‍ പുറത്തിറങ്ങരുതെന്നാണ് നിര്‍ദേശം ലഭ്യമാക്കുന്നത്. ഇത് പാലിക്കാത്തവര്‍ക്ക് കര്‍ശന താക്കീത് നൽകുകയും ചെയ്യുന്നതായിരിക്കും. അതോടൊപ്പം തന്നെ ജനങ്ങളുടെ സഹകരണമില്ലെങ്കില്‍ കോവിഡിനെ തുരത്താനാകില്ലെന്ന് തിരിച്ചറിയണമെന്നാണ് പോലീസ് വ്യക്തമാക്കുന്നത്.