സ്പ്രിൻക്ലർ, കെ.എം.ഷാജി വിഷയങ്ങൾ ഉന്നയിച്ചു സർക്കാരിനെതിരെ പ്രതിപക്ഷത്തിന്റെ കൂട്ട ആക്രമണം. സംസ്ഥാനത്തിന്റെ പല ഭാഗങ്ങളിലായി കോൺഗ്രസ്, യുഡിഎഫ് നേതാക്കൾ പ്രതികരണങ്ങളുമായി കളം നിറഞ്ഞു. ഇപ്പോഴിതാ സ്പ്രിക്ളർ വിവാദം കത്തിപ്പടരുന്നതിനിടെ മുഖ്യമന്ത്രി പിണറായി വിജയനെതിരെ പുതിയ ആരോപണവുമായി പ്രതിപക്ഷം രംഗത്ത്. ലാവലിൻ കേസിൽ പിണറായി വിജയനെ കുറ്റവിമുക്തനാക്കിയ ജസ്റ്റിസ് പി ഉബൈദിനെ റിയൽ എസ്റ്റേറ്റ് റെഗുലേറ്ററി അതോറിറ്റി അപ്പലേറ്റ് ട്രൈബ്യൂണൽ ചെയർമാനായി നിയമിച്ചത് ഉദ്ദിഷ്ട കാര്യത്തിന് ഉപകാരസ്മരണ എന്ന നിലയിലാണെന്നാണ് ആരോപണം. ലാവ്‌ലിൻ കേസിൽ പിണറായി വിജയനെ കുറ്റവിമുക്തനാക്കിയ വിധി പ്രസ്ഥാവം നടത്തിയത് പി ഉബൈദാണ്. ഇതുമായി ബന്ധപ്പെട്ടാണ് പുതിയ ആരോപണം.

പിണറായി വിജയനെ കുറ്റവിമുക്തനാക്കിയതിലെ ഉപകാര സ്മരണയാണ് പുതിയ നിയമനമെന്ന് പി ടി തോമസ് എംഎൽഎ ആരോപിച്ചു. എന്നാൽ പ്രതിപക്ഷത്തിന്‍റെ രാഷ്ട്രീയ വൈരത്തിലേക്ക് തന്നെ അനാവശ്യമായി വലിച്ചിഴക്കരുതെന്നും പ്രതിപക്ഷം അനാവശ്യ വിവാദമുണ്ടാക്കുന്നുവെന്നായിരുന്നു ജസ്റ്റിസ് പി ഉബൈദിന്റെ പ്രതികരണം. തന്റേത് രാഷ്ട്രീയ നിയമനമല്ല. ഹൈക്കോടതി തയ്യാറാക്കിയ പാനലിൽ നിന്നാണ് നിയമനം. പട്ടികയിലെ ഒന്നാം പേരുകാരനാണ് താൻ. ലാവ്‌ലിൻ കേസ് മാത്രമല്ല രമേശ് ചെന്നിത്തലയ്‌ക്കെതിരായ കേസിലും ഉമ്മൻ ചാണ്ടിക്കെതിരായ കേസിലും വിധി പറഞ്ഞിട്ടുണ്ട്. നിയമന ഉത്തരവ് ലഭിച്ചാൽ പദവി ഏറ്റെടുക്കുമെന്നും പി ഉബൈദ് വ്യക്തമാക്കി.

കെഎം ഷാജഹാന്‍. ഗുരുതരമായ ആരോപണവുമായി രംഗത്തെത്തി ഷാജഹാന്‍ ഉന്നയിച്ചിട്ടുള്ളത്. പണ്ട് ചെയ്ത ഉപകാരത്തിന് ഇപ്പോള്‍, ഈ കൊവിഡ് കാലത്തായിട്ട് പോലും പിണറായി വിജയന്‍ പകരം വലിയ സഹായം ചെയ്തു കൊടുത്തിരിക്കുന്നു എന്നതാണ് ആരോപണത്തിലെ ധ്വനി. ഫേസ്ബുക്കിലൂടെയാണ് മുഖ്യമന്ത്രിക്കെതിരായ ഷാജഹാന്‍റെ ആരോപണം. ലാവ്ലിൻ കേസിൽ 2017 ഓഗസ്റ്റിലാണ് ഹൈക്കോടതി സിംഗിൾ ബെഞ്ച് പിണറായി വിജയനെ കുറ്റവിമുക്തനാക്കിയ നടപടി ശരിവെച്ചത്. സിബിഐ സമർപ്പിച്ച അപ്പീൽ തളളിയ ജസ്റ്റിസ് പി ഉബൈദ് പിണറായി വിജയനെ വിചാരണ ചെയ്യാനുളള തെളിവ് സിബിഐയുടെ പക്കൽ ഇല്ലെന്നും നിരീക്ഷിച്ചിരുന്നു. അടുത്തയിടെ ഹൈക്കോടതിയിൽ നിന്ന് വിരമിച്ച ജസ്റ്റിസ് പി ഉബൈദിനെ റിയൽ എസ്റ്റേറ്റ് റെഗുലേറ്ററി അതോറിറ്റി അപ്പലേറ്റ് ട്രൈബ്യൂണൽ ചെയർമാനായി സംസ്ഥാന സർക്കാർ നിയമിച്ചാണ് പ്രതിപക്ഷം ആയുധമാക്കുന്നത്. ആരോപണത്തിന്‍റെ പശ്ചാത്തലത്തിൽ ജസ്റ്റിസ് പി ഉബൈദ് ചുമതലയേറ്റെടുക്കരുതെന്നും പിടി തോമസ് എംഎൽഎ ആവശ്യപ്പെട്ടു.

എന്നാൽ തന്നെ തെരഞ്ഞെടുത്തത് സംസ്ഥാന സർക്കാരല്ലെന്നും ഹൈക്കോടതിയാണെന്നും പി ജസ്റ്റീസ് പി ഉബൈദ് പ്രതികരിച്ചു. ഹൈക്കോടതി തയാറാക്കിയ പാനലിൽ ഒന്നാമതെത്തിയ തന്നെ നിയമിക്കുക മാത്രമാണ് സർക്കാർ ചെയ്തത്. ലാവലിൻ ഉത്തരവുമായി തന്‍റെ നിയമനത്തിന് ബന്ധമില്ല. പിണറായി വിജയനനുകൂലമായി മാത്രമല്ല രമേശ് ചെന്നിത്തലും ഉമ്മൻചാണ്ടിയുമായി ബന്ധപ്പെട്ടും താൻ ഉത്തരവുകൾ പുറപ്പെടുവിച്ചിട്ടുണ്ട്. പ്രതിപക്ഷത്തിന്‍റെ രാഷ്ടീയ വൈരത്തിലേക്ക് തന്നെ വലിച്ചിഴക്കരുത്. ഉത്തരവ് കിട്ടിയശേഷം ചുമതല ഏറ്റെടുക്കുമെന്നും അദ്ദേഹം കൂട്ടിച്ചേര്‍ത്തു. സ്പ്രിക്ലര്‍ വിവാദം കത്തിനിൽക്കെ മുഖ്യമന്ത്രിക്കെതിരെ ആരോപണം കടുപ്പിക്കുകയെന്ന ലക്ഷ്യത്തോടെയാണ് പ്രതിപക്ഷത്തിന്‍റെ പുതിയ നീക്കം.

ലാവ്‌ലിനെക്കാൾ വലിയ അഴിമതിയായ സ്പ്രിൻക്ലർ ഇടപാടിൽ മുഖ്യമന്ത്രി പിണറായി വിജയൻ രാജിവച്ചു സിബിഐ അന്വേഷണം നേരിടണമെന്നു കെപിസിസി പ്രസിഡന്റ് മുല്ലപ്പള്ളി രാമചന്ദ്രൻ. ഡേറ്റാ സുരക്ഷിതത്വത്തെക്കുറിച്ച് ഉറച്ച നിലപാടെടുത്തിട്ടുള്ള സിപിഎമ്മിന്റെ കേന്ദ്ര നേതൃത്വം ആ നിർദേശം നൽകാൻ തയാറാകുമോ? ഐടി സെക്രട്ടറിയുടെ തലയിൽ എല്ലാം ചാരാൻ കഴിയില്ലെന്നും മുഖ്യമന്ത്രിയുടെ സമ്മതമില്ലാതെ അദ്ദേഹത്തിനു കരാറുമായി മുന്നോട്ടുപോകാൻ കഴിയില്ലെന്നും മുല്ലപ്പള്ളി പറഞ്ഞു.

ആരോപണമുന്നയിക്കുന്നവരെ ഭീഷണിപ്പെടുത്തുന്ന ഏർപ്പാടാണ് നടക്കുന്നത്. കെ.എം. ഷാജി നിരപരാധിയാണ്. കെപിസിസി പ്രസിഡന്റിന് ഇടുങ്ങിയ മനസ്സാണെന്ന മുഖ്യമന്ത്രിയുടെ പ്രസ്താവന അർഹിക്കുന്ന അവജ്ഞയോടെ തള്ളുന്നു.