കൊല്ലം ജില്ലയില്‍ ആദ്യ കോവിഡ് 19 സ്ഥിരീകരിച്ചതോടെ രോഗബാധിതര്‍ കേരളത്തിലെ എല്ലാ ജില്ലകളിലുമായി. കഴിഞ്ഞ മാസം 18നു ദുബായില്‍ നിന്നു നാട്ടിലെത്തിയ പ്രാക്കുളം സ്വദേശിയായ 49കാരനാണു ആദ്യമായി രോഗ പാത സ്ഥിരീകരിച്ചത് . പിന്നീട് സാദരം അത്‌പോലെ പലര്‍ക്കും രോഗം വരികയും മാറുകയും ഓക്കേ ചെയ്തു പക്ഷെ കൊല്ലം ജില്ലാ ഇപ്പോള്‍ കടുത്ത ഭീക്ഷണിയിലാണ് കേരള അതിര്‍ത്തിയായ കോട്ടവാസലില്‍ നിന്നു 35 കി.മി അകലെയുള്ള പുളിയങ്കുടി (ലെമണ്‍സിറ്റി) നഗരസഭ പരിധിയിലാണ് ഇപ്പോള്‍ കോവിഡ് പടര്‍ന്നു പിടിക്കുന്നത് തെങ്കാശി ജില്ലയില്‍ കോവിഡ് രോഗികളുടെ എണ്ണം വര്‍ധിക്കുന്നത് ആശങ്ക പരത്തുന്നു. ഇന്നലെ വരെ 14 പോസിറ്റീവ് കേസുകളാണ് ഇവിടെ റിപ്പോര്‍ട്ട് ചെയ്തത് നഗരസഭാ പരിധി പൂര്‍ണമായും അടച്ചു. പൊലീസ് പുളിയങ്കുടിയിലേക്കുള്ള പ്രവേശന കവാടങ്ങള്‍ മുദ്രവച്ചിട്ടുണ്ട്

നിലവില്‍ തമിഴ്‌നാട്ടില്‍ നിന്നു പാല്‍, പച്ചക്കറി, വയ്‌ക്കോല്‍ തുടങ്ങി അവശ്യ വസ്തുക്കളുമായി വരുന്ന വാഹനങ്ങള്‍ അണുനശീകരണം നടത്തി കടത്തിവിടുകയാണ്. വാഹനത്തിലെത്തുന്ന ഡ്രൈവറുടേയും ക്ലീനറുടേയും ശരീരോഷ്മാവ് മാത്രമാണ് ഇവിടെ പരിശോധിക്കുന്നത്. അതിര്‍ത്തി കടന്നെത്തുന്ന ആള്‍ക്കാരെ റാപിഡ് ടെസ്റ്റ് നടത്തി കടത്തിവിട്ടാല്‍ കോവിഡ് കേരളത്തിലേക്കെത്തുന്നത് ഒരു പരിധിവരെ തടയാന്‍ സാധിക്കും. അതോടൊപ്പം ഇവരെ സാനിറ്റൈസ് ചെയ്യാനുള്ള സൗകര്യവും ഒരുക്കണം.
തെങ്കാശി ജില്ലയില്‍ കോവിഡ് പടരുന്ന സാഹചര്യത്തില്‍ ആര്യങ്കാവ് ചെക്‌പോസ്റ്റില്‍ റാപിഡ് ടെസ്റ്റ് നടത്താനുള്ള സംവിധാനം ഒരുക്കണമെന്ന ആവശ്യം ഉയരുന്നു

തമിഴ്‌നാട്ടില്‍ കോവിഡ് സാന്നിധ്യം ഏറ്റവുമധികം കൂടുതലുള്ള ജില്ലയാണ് തെങ്കാശി. അതിര്‍ത്തി പ്രദേശത്തെ വീടുകളിലും കോവിഡ് സാന്നിധ്യം കണ്ടെത്തി. തമിഴ്‌നാടിന്റെ മറ്റു കേരള അതിര്‍ത്തികളില്‍ നിന്നു വ്യത്യസ്തമാണ് ആര്യങ്കാവ് അതിര്‍ത്തിയുടെ സ്ഥിതി. ലോക്ഡൗണിനു ശേഷം നിയന്ത്രങ്ങളില്ലാതെ വന്നാല്‍ കോവിഡ് സാന്നിധ്യമുള്ളവര്‍ ട്രെയിന്‍ വഴിയും ബസുകള്‍ വഴിയും ജില്ലയിലേക്ക് എത്താം.

തമിഴ്‌നാട്ടിലുള്ളവര്‍ ജില്ലയിലേക്ക് കൂട്ടത്തോടെ എത്തുന്ന സ്ഥിതി തല്‍ക്കാലം പാടില്ല. അവിടെ നിന്നു മലയാളികള്‍ക്കായി അതിര്‍ത്തിക്കു സമീപമുള്ള ഐസലേഷന്‍ കേന്ദ്രങ്ങളില്‍ നിര്‍ബന്ധമായും താമസിപ്പിക്കണം. വീടുകളില്‍ ക്വാറന്റീന്‍ അനുവദിക്കുന്നത് സ്ഥിതി വഷളാക്കും.

നിലവില്‍ തമിഴ്‌നാട്ടിലെ കോവിഡ് പരിശോധന ഫലപ്രദമല്ല. കോവിഡ് സ്ഥിരീകരിച്ചവരെയാണ് കൂടുതലും നിരീക്ഷിക്കുന്നത്. രോഗബാധിതരുടെ എണ്ണം ദിവസം തോറും വര്‍ധിക്കുകയാണ്. എന്നാല്‍ ചരക്കു വാഹനങ്ങള്‍ക്ക് നിലവിലെ പോലെ സര്‍വീസ് അനുവദിക്കാം. തെങ്കാശിയിലെ കോവിഡ് സ്ഥിതി നിയന്ത്രണത്തിലാകുന്നതോടെ ഗതാഗതം സാധാരണ നിലയിലേക്ക് മാറ്റാമെന്നാണു വിശദീകരണം.

തെങ്കാശി ജില്ലയില്‍ 70,000 വീടുകളില്‍ 2,40,000 ആള്‍ക്കാരെ കോവിഡ് ടെസ്റ്റിന് വിധേയമാക്കിയെങ്കിലും പോസ്റ്റീവ് 14 മാത്രമാണുള്ളത്. കോവിഡ് ബാധിതരെ തിരുനെല്‍വേലി മെഡിക്കല്‍ കോളജ് ആശുപത്രിയിലാണ് പ്രവേശിപ്പിക്കുന്നത്. തെങ്കാശി ജില്ലയിലെ സര്‍ക്കാര്‍ ആശുപത്രികളില്‍ 448 കിടക്കകള്‍ മാത്രമാണുള്ളത്. കോവിഡ് പടരുന്ന സാഹചര്യത്തില്‍ സ്‌കൂള്‍, കോളജ്, കമ്മ്യൂണിറ്റി ഹാള്‍ എന്നിവ ജില്ലാ ഭരണകൂടം ഏറ്റെടുത്ത് 4000 കിടക്കകള്‍ ഒരുക്കാനുള്ള ശ്രമം ആരംഭിച്ചതായി തെങ്കാശി, തൂത്തുക്കുടി, തിരുനെല്‍വേലി ജില്ലയുടെ കോവിഡ് സ്‌പെഷല്‍ ഓഫിസര്‍ കരുണാകരനും, തെങ്കാശി കലക്ടര്‍ ജി. കെ. അരുണ്‍ സുന്ദര്‍ ദയാലനും അറിയിച്ചു.

കൊവിഡ് 19 പ്രതിരോധത്തിന്റെ ഭാഗമായി കൊല്ലം ജില്ലയില്‍ 15,872 പേര്‍ നിരീക്ഷണ കാലാവധി വിജയകരമായി പൂര്‍ത്തിയാക്കി. ഇനിയുള്ളത് 3,266 പേരാണ് നിലവില്‍ നിരീക്ഷണത്തില്‍ തുടരുന്നത്. ആശുപത്രിയില്‍ പുതുതായി വന്ന ഒരാള്‍ ഉള്‍പ്പെടെ ഒന്‍പത് പേരാണ് നിരീക്ഷണത്തില്‍ തുടരുന്നത്.

ഇന്ന് മൂന്ന് പേരാണ് നിരീക്ഷണ കലാവാധി പൂര്‍ത്തിയാക്കി ആശുപത്രി നിന്ന് വീടുകളിലേക്ക് മടങ്ങിയത്. പരിശോധനയ്ക്ക് അയച്ച 1,213 സാമ്പിളുകളില്‍ 1208 എണ്ണത്തിന്റെ പരിശോധന ഫലം ലഭിച്ചു. അഞ്ചെണ്ണത്തിന്റെ ഫലം ലഭിക്കാനുണ്ട്. നിലവില്‍ ജില്ലയില്‍ പോസിറ്റീവായി അഞ്ച് കേസുകളാണുള്ളത്. നാലു പേര്‍ രോഗം ഭേദമായി വീട്ടിലേക്ക് മടങ്ങി.