ലോക്ക് ഡൗണ്‍ ഇളവുകള്‍ നടപ്പാക്കുന്ന ജില്ലകളില്‍ സ്വയം നിയന്ത്രണം പാലിച്ചില്ലെങ്കില്‍ വീണ്ടും ലോക്ക് ഡൗണിനിടയാക്കുമെന്ന് ആരോഗ്യമന്ത്രി കെകെ ശൈലജ. രോഗികളില്ലാത്ത ജില്ലകളില്‍ പോലും രോഗവ്യാപന സാധ്യത ഇപ്പോഴും നിലനില്‍ക്കുന്നുവെന്നത് കണക്കിലെടുത്താണിത്. ബ്രെയ്ക്ക് ദ ചെയിന്‍ പ്രതിരോധം ശക്തമാക്കാനാണ് ആരോഗ്യവകുപ്പ് തീരുമാനം.

ആഴ്ചകള്‍ നീണ്ട നിയന്ത്രണങ്ങള്‍ക്ക് ശേഷം ജനങ്ങള്‍ കൂട്ടത്തോടെ പുറത്തിറങ്ങുന്നതാണ് ഇനിയുള്ള വലിയ വെല്ലുവിളി ലോക്ഡൗണ്‍ കാലയളവില്‍ കൊണ്ടുവന്നിട്ടുള്ള നിയന്ത്രണങ്ങള്‍ നീക്കുന്നത് രോഗത്തിന്റെ തിരിച്ചു വരവിനു കാരണമാകുമെന്ന് ഇന്ത്യന്‍ മെഡിക്കല്‍ അസോസിയേഷന്‍ (ഐഎംഎ). പരിമിതമായ ടെസ്റ്റുകള്‍ നടത്താനുള്ള സാഹചര്യം മാത്രമാണു നിലവിലുള്ളത്. അതുകൊണ്ടു തന്നെ ചെയ്യുന്ന ടെസ്റ്റുകളുടെ എണ്ണം കുറയുകയും റിപ്പോര്‍ട്ട് ചെയ്യപ്പെടുന്ന രോഗികളുടെ എണ്ണം കുറയുകയും ചെയ്യുന്ന സ്ഥിതിവിശേഷമാണ് കേരളത്തിലുള്ളത്.
അതേ സമയം ലോക്ഡൗണ്‍ കാലയളവില്‍ കൊണ്ടുവന്നിട്ടുള്ള നിയന്ത്രണങ്ങള്‍ നീക്കുന്നത് രോഗത്തിന്റെ തിരിച്ചു വരവിനു കാരണമാകുമെന്ന് ഇന്ത്യന്‍ മെഡിക്കല്‍ അസോസിയേഷന്‍ (ഐഎംഎ). പരിമിതമായ ടെസ്റ്റുകള്‍ നടത്താനുള്ള സാഹചര്യം മാത്രമാണു നിലവിലുള്ളത്. അതുകൊണ്ടു തന്നെ ചെയ്യുന്ന ടെസ്റ്റുകളുടെ എണ്ണം കുറയുകയും റിപ്പോര്‍ട്ട് ചെയ്യപ്പെടുന്ന രോഗികളുടെ എണ്ണം കുറയുകയും ചെയ്യുന്ന സ്ഥിതിവിശേഷമാണ് കേരളത്തിലുള്ളത്.
സമൂഹവ്യാപനം കണ്ടെത്തുവാന്‍ വേണ്ടിയുള്ള പരിശോധനകള്‍ ഇതുവരെ ആരംഭിച്ചിട്ടില്ല. ഇത്തരം ഒരു സാഹചര്യത്തില്‍ നിയന്ത്രണങ്ങള്‍ നീക്കുന്നത് അതീവ ജാഗ്രതയോടുകൂടിയും ശാസ്ത്രീയമായ പഠനങ്ങളുടെ വെളിച്ചത്തിലുമായിരിക്കണമെന്ന് ഇന്ത്യന്‍ മെഡിക്കല്‍ അസോസിയേഷന്റെ സംസ്ഥാന ഘടകം മുന്നറിയിപ്പ് നല്‍കി.

ഹോട്ട്സ്പോട്ടായിരുന്ന മേഖലകളില്‍ ഒരു ലക്ഷത്തില്‍ 500 പേര്‍ക്കും അല്ലാത്ത മേഖലകളില്‍ ഒരു ലക്ഷത്തില്‍ 100 പേര്‍ക്കും പരിശോധന നടത്തി കോവിഡിന്റെ യഥാര്‍ഥ സ്വഭാവം മനസ്സിലാക്കിയതിനുശേഷം മാത്രമാകണം നിയന്ത്രണങ്ങള്‍ നീക്കേണ്ടത്. ഇതിനായി രോഗലക്ഷണങ്ങള്‍ ഉള്ള എല്ലാവര്‍ക്കും ഏതെങ്കിലും തരത്തിലുള്ള പിസിആര്‍ ടെസ്റ്റിങ്ങും അല്ലാത്ത മേഖലകളില്‍ ആന്റിബോഡി ടെസ്റ്റിങ്ങും ഉപയോഗിക്കാവുന്നതാണ്.

നിയന്ത്രണങ്ങളില്‍ അയവുവരുത്തുകയാണെങ്കില്‍ അന്തര്‍-ജില്ലായാത്രകളിലുള്ള നിരോധനവും പല തൊഴില്‍ മേഖലകളില്‍ സാമൂഹിക അകലം പാലിക്കുവാനുള്ള നിര്‍ദേശങ്ങളും നടപ്പിലാക്കുക പ്രായോഗികമല്ല. ഈ വസ്തുതകള്‍ പരിഗണിച്ച് ശാസ്ത്രീയമായ പഠനങ്ങള്‍ക്കു ശേഷം മാത്രമേ നിയന്ത്രണങ്ങളില്‍ അയവു വരുത്താവൂ എന്ന് ഇന്ത്യന്‍ മെഡിക്കല്‍ അസോസിയേഷന്‍ കേരള സംസ്ഥാന ശാഖ ആവശ്യപ്പെട്ടു

ആഴ്ച്ചകള്‍ നീണ്ട നിയന്ത്രണങ്ങള്‍ക്ക് ശേഷം ജനങ്ങള്‍ കൂട്ടത്തോടെ പുറത്തിറങ്ങുന്നതാണ് ഇനിയുള്ള വലിയ വെല്ലുവിളി. രോഗികളില്ലാത്തതിനാല്‍ ഗ്രീന്‍ സോണായി പ്രഖ്യാപിക്കപ്പെട്ട ജില്ലകളില്‍പ്പോലും ലക്ഷണങ്ങള്‍ കാണിക്കാത്ത രോഗവാഹകരുണ്ടാകാം. ഇതാണ് പ്രധാന അപകട സാധ്യത. ഹോട്ടലുകള്‍, വാഹനയാത്രകള്‍, കൂട്ടമായെത്തുന്ന കടകള്‍ എന്നിവിടങ്ങളില്‍ റിസ്‌ക് കൂടുതലാണ്.

മാര്‍ഗനിര്‍ദേങ്ങള്‍ നല്‍കിയിട്ടുണ്ടെങ്കിലും സ്വയം നിയന്ത്രണത്തിനപ്പുറം പൊലീസിനെ അടക്കം ഉപയോഗിച്ച് വ്യാപക പരിശോധനക്കും നിയന്ത്രണങ്ങള്‍ക്കും ഈ ഘട്ടത്തില്‍ പരിമിതിയുണ്ട്. നേരത്തെ, രോഗം നിയന്ത്രണത്തിലായതോടെ 26 ദിവസം നീണ്ട ലോക്ക് ഡൗണ്‍ മാര്‍ച്ച് 19ന് നീക്കിയ ജപ്പാനിലെ ഹൊക്കായ്ഡോ മേഖലയുടെ അനുഭവമാണ് സര്‍ക്കാരിന് മുന്നിലുള്ളത്. രോഗം വീണ്ടും വ്യാപിച്ചതോടെ ഇവിടെ രണ്ടാമതും ലോക്ക് ഡൗണ്‍ പ്രഖ്യാപിക്കേണ്ടി വന്നു.

ലോകാരോഗ്യ സംഘടനയുടെ കണക്ക് പ്രകാരം ഒരാളില്‍ നിന്ന് മൂന്നു പേരിലേക്ക് വരെ രോഗം പകരാമെന്നാണ്. കേരളം ഇത്.4 എന്ന നിലയില്‍ പിടിച്ചുകെട്ടിയിരിക്കുകയാണ്. 50 ശതമാനം പേരിലെങ്കിലും രോഗം വരാവുന്ന തരത്തില്‍ കൊവിഡിന്റെ മൂന്നാം വരവ് മുന്നില്‍ക്കണ്ട് തന്നെയാണ് സംസ്ഥാനത്ത് ജാഗ്രത തുടരുന്നത്.