തിരുവനന്തപുരം വെള്ളായണിയിലെ സുരേഷ് കുമാറിന്റെ വീട്ടിലെ പശുവാണ് ഇന്ന് ഉച്ചയ്ക്ക് 12: 50 ഓടെ കിണറ്റിൽ വീണത്. പന്ത്രണ്ട് അടി വ്യാസവും എഴുപതടി താഴ്ചയുമുള്ള കിണറ്റിൽ ഇരുപറത്തഞ്ചടി ഉയരത്തിൽ വെള്ളമുണ്ടായിരുന്നു.കിണറ്റിൽ വീണ പശു വെള്ളം കുടിച്ച് അവശ നിലയിലാകുകയും ചെയ്തു. കിണറിലിറങ്ങാൻ ഏണിയുടെ നീളം തികയാതെ വന്നതിനാൽ കയറും കൂടി ഉപയോഗിച്ചാണ് ഫയർ ഫോഴ്സ് ഉദ്യോഗസ്ഥർ കിണറിലേക്കിറങ്ങിയത്. നിലയില്ലാത്ത വെള്ളമുള്ള കിണറായതിനാൽ ലൈഫ് ജാക്കറ്റ് കൂടി ഉപയോഗിക്കേണ്ടി വന്നിരുന്നു. ഒരുമണിയോടെ ആരംഭിച്ച രക്ഷാപ്രവർത്തനം രണ്ടരയോടെയാണ് അവസാനിച്ചത്. 

സ്റ്റേഷൻ ഓഫിസർ രാമമൂർത്തി, അസി. സ്റ്റേഷൻ ഓഫിസർ ഷാജി , എഫ്ആർഒ മാരായ മോഹനൻ,മഹേഷ്,സജീഷ് ജോൺ ,രാജീവ് , ഡ്രൈവർ ടോണി ബർണാഡ് , ഹോംഗാർഡ് സുനിൽകുമാർ എന്നിവരുടെ നേതൃത്വത്തിലായിരുന്നു രക്ഷാ ദൗത്യം.