മജീദിനെ വെട്ടി വ്യവസായിയായ പി.വി. അബ്ദുല് വഹാബ് മുസ്ലിം ലീഗിന്റെ രാജ്യസഭാ സ്ഥാനാര്ഥി, തീരുമാനം നടപടി ക്രമങ്ങളെല്ലാം പാലിച്ചെന്ന് കുഞ്ഞാലികുട്ടി
ജനറല് സെക്രട്ടറി കെപിഎ മജീദിനെ വെട്ടി വ്യവസായിയും മുന് എംപിയുമായി പി.വി. അബ്ദുല് വഹാബ് മുസ്ലിം ലീഗിന്റെ രാജ്യസഭാ സ്ഥാനാര്ഥിയാകും. പാണക്കാട് ഹൈദരലി ശിഹാബ് തങ്ങളാണ് സ്ഥാനാര്ഥിയെ പ്രഖ്യാപിച്ചത്. നേരത്തെ കെപിഎ മജീദിനെ സ്ഥാനാര്ഥിയാക്കാന് കുഞ്ഞാലിക്കുട്ടി രംഗത്തെത്തിയിരുന്നു, വഹാബിനെ പിന്തുണച്ച് അഖിലേന്ത്യാപ്രസിഡന്റ് ഇ അഹമ്മദും രംഗത്തെത്തി. ഇരുവരും തമ്മിലുള്ള തര്ക്കം ഇന്നലത്തെ പ്രവര്ത്തക സമിതി യോഗത്തില് ഉയര്ന്നിരുന്നു. അവസാനനിമിഷം വരെ കെപിഎ മജീദായിരിക്കും ലീഗ് സ്ഥാനാര്ഥിയെന്നാണ് നേതൃത്വം സുചന നല്കിയിരുന്നത്. എന്നാല് കുഞ്ഞാലിക്കുട്ടിയുടെ വാഗ്വാദങ്ങലെ വെല്ലുവിളിച്ച് കൊണ്ടാണ് പാണക്കാട് തങ്ങള് വഹാബിനെ സ്ഥാനാര്ഥിയാക്കി പ്രഖ്യാപിച്ചത്.
പാര്ട്ടിയില് സ്ഥാനാര്ഥിത്വം സംബന്ധിച്ച് അഭിപ്രായ വ്യത്യാസങ്ങളില്ലെന്ന് പി.കെ.കുഞ്ഞാലിക്കുട്ടി പറഞ്ഞു. തീരുമാനമെടുക്കും മുന്പ് പല പേരുകളും ഉയര്ന്നുവരും. സ്ഥാനാര്ഥിയെ തിരഞ്ഞെടുത്ത് നടപടി ക്രമങ്ങളെല്ലാം പാലിച്ചാണെന്നും കുഞ്ഞാലിക്കുട്ടി വിശദീകരിച്ചു. പി.കെ.കുഞ്ഞാലിക്കുട്ടി, ഇ. അഹമ്മദ്, കെ.പി.എ.മജീദ്, ഇ.കെ.മുഹമ്മദ് ബഷീര് തുടങ്ങിയ പ്രധാന നേതാക്കള് വാര്ത്താ സമ്മേളനത്തില് പങ്കെടുത്തു.
സ്ഥാനാര്ഥി ആലോചന വേളയില് ഏറ്റവുമധികം ഉയര്ന്നു കേട്ടിരുന്നത് വഹാബിന്റേയും മജീദിന്റെയും പേരുകളായിരുന്നു. അഭിപ്രായഭിന്നത രൂക്ഷമായതിനെ തുടര്ന്നാണ് സ്ഥാനാര്ഥി പ്രഖ്യാപനത്തിന് തങ്ങളെ ചുമതലപ്പെടുത്തിയത്. സംസ്ഥാന പ്രവര്ത്തകസമിതിയിലെ അഭിപ്രായ ഭിന്നതയെത്തുടര്ന്നാണ് മുസ്ലിം ലീഗ് രാജ്യസഭാ സ്ഥാനാര്ഥി പ്രഖ്യാപനം ഇന്നത്തേക്കു മാറ്റിയത്. ഇന്നലെ സംസ്ഥാന പ്രവര്ത്തകസമിതിയും ഉന്നതാധികാര സമിതി യോഗവും കഴിഞ്ഞ ശേഷം സ്ഥാനാര്ഥിയെ ഇന്നു ലീഗ് സംസ്ഥാന പ്രസിഡന്റ് ഹൈദരലി ശിഹാബ് തങ്ങള് പ്രഖ്യാപിക്കുമെന്ന് അറിയിക്കുകയായിരുന്നു.
മലപ്പുറം, പാലക്കാട് ജില്ലാ ഭാരവാഹികള് ഒഴികെ എല്ലാവരും കെ.പി.എ. മജീദിനൊപ്പമായിരുന്നു. എന്നാല്, ദേശീയ പ്രസിഡന്റ് ഇ. അഹമ്മദ്, അബ്ദുല് വഹാബിനായി വാദിച്ചു. തുടര്ന്ന് അടിയന്തരമായി ചേര്ന്ന ഉന്നതാധികാര സമിതി യോഗത്തിലും സ്ഥാനാര്ഥി വിഷയത്തില് അന്തിമ തീരുമാനം എടുക്കാനായിരുന്നില്ല
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
