കൂറുമാറ്റ നിരോധന നിയമത്തില്‍ പെട്ട് എംഎല്‍എ സ്ഥാനം നഷ്ടമാകാതിരിക്കാന്‍ പിസി ജോര്‍ജ് ക്ലൈമാക്‌സ് കളികള്‍ തുടങ്ങി. ഇതിന്റെ ഭാഗമായി സരിതയുടെ സാമ്പിള്‍ കത്തുകള്‍ പുറത്തായി. ചില യുഡിഎഫ് മന്ത്രിമാരും നേതാക്കളും പീഡിപ്പിച്ചെന്ന 2 പേജുള്ള കത്താണ് പുറത്തായത്.

പിസി ജോര്‍ജിന്റെ ഇപ്പോഴത്തെ വലിയ ശത്രുവായ മാണിയുടെ മകന്‍ ജോസ് കെ മാണിയെ പറ്റി പരാമര്‍ശിക്കുന്ന ഭാഗങ്ങളാണ് ചാനലുകള്‍ക്ക് എത്തിച്ച് കൊടുത്തത്. സരിതയെ പീഡിപ്പിച്ചു എന്നാണ് പറയുന്നത്. എന്നാല്‍ ഈ കത്ത് തന്റേതല്ലെന്ന് സരിതയും വ്യക്തമാക്കി. ഇത് ചാടുന്നതിന് മുമ്പുള്ള സാമ്പിള്‍ പുരയ്ക്ക് തീകൊളുത്തലാണ്. കോണ്‍ഗ്രസിന്‍രെ പുര മൊത്തത്തില്‍ കൊളുത്താതിരിക്കാന്‍ ജോര്‍ജിന്റെ ഡിമാന്‍ഡ് അംഗീകരിക്കണമെന്നാണ് ആവശ്യം.

അതേസമയം കേരള കോണ്‍ഗ്രസ് പാര്‍ട്ടിയില്‍ നിന്നു പുറത്താക്കാതെ സര്‍ക്കാര്‍ ചീഫ് വിപ്പ് സ്ഥാനം രാജിവയ്ക്കില്ലെന്ന് പി.സി. ജോര്‍ജ് പറഞ്ഞു. യുഡിഎഫില്‍ പ്രശ്‌നങ്ങള്‍ ഉണ്ടാക്കരുത് എന്നാണ് തന്റെ ആഗ്രഹം. ഇപ്പോഴത്തെ സംഭവങ്ങളില്‍ മുഖ്യമന്ത്രിയ്ക്ക് വലിയ വിഷമമുണ്ട്. എന്നെയും എന്നോടൊപ്പം നില്‍ക്കുന്നവരെയും പാര്‍ട്ടിയില്‍ നിന്നും വിടുതല്‍ ചെയ്യുന്നുവെന്ന് മാണി ഒരു പറഞ്ഞാല്‍ മതി അതോടെ ഈ പ്രശ്‌നങ്ങള്‍ അവസാനിക്കും. അല്ലാതെ കൂറുമാറ്റ നിരോധന നിയമത്തില്‍ ഉള്‍പ്പെടുത്തി തന്നെപെടുത്താമെന്ന് മാണി കരുതേണ്ടെന്നും ജോര്‍ജ് വ്യക്തമാക്കി. എല്ലാവരോടും കളിക്കുന്ന തമാശ എന്നോട് വേണ്ട. അഴിമതിക്കെതിരായ പോരാട്ടം ഇനിയും തുടരും. എന്നാല്‍ തീരുമാനം നാളെ ഉണ്ടാകുമോ എന്നത് അറിയില്ല. ഞാന്‍ പറഞ്ഞത് ന്യാമമാണെന്ന് മുഖ്യമന്ത്രിക്കും രമേശ് ചെന്നിത്തലയ്ക്കും തോന്നിക്കാണും എന്നാണ് വിചാരിക്കുന്നത്. മുന്നണിയില്‍ തുടരണം എന്നുതന്നെയാണ് ആഗ്രഹം. കെ.എം.മാണി മര്യാദ കാണിച്ചാല്‍ നല്ലത്. എന്നെ പുറത്താക്കിയാല്‍ പ്രശ്‌നം നാളെ തീരും. ഉമ്മന്‍ചാണ്ടിയെ വേദനിപ്പിക്കുന്നത് ഒന്നും ഇപ്പോള്‍ പറയുന്നില്ല. സര്‍ക്കാര്‍ ചീഫ് വിപ്പ് സ്ഥാനം ഒഴിയണമെന്ന് യുഡിഎഫ് ഇതുവരെ ആവശ്യപ്പെട്ടിട്ടില്ല. എന്റെ കയ്യില്‍ ഒരുബോംബും ഇല്ല- പി.സി. ജോര്‍ജ് മാധ്യമങ്ങളോട് പറഞ്ഞു.

മുഖ്യമന്ത്രി ഉമ്മന്‍ ചാണ്ടിയുടെ ഓഫീസില്‍ ആഭ്യന്തര മന്ത്രി രമേശ് ചെന്നിത്തലയും വ്യവസായ മന്ത്രി പി.കെ. കുഞ്ഞാലിക്കുട്ടിയുടെയും നേതൃത്വത്തില്‍ നടന്ന ചര്‍ച്ചയിലാണ് ജോര്‍ജ് ഇക്കാര്യം വ്യക്തമാക്കിയത്. ജോര്‍ജിന്റെ വിഷയത്തില്‍ ചര്‍ച്ചകള്‍ പൂര്‍ത്തിയായെന്നും തീരുമാനം നാളെയുണ്ടാകുമെന്നും മാണിയുമായുള്ള കൂടിക്കാഴ്ചയ്ക്കു ശേഷം മുഖ്യമന്ത്രി ഉമ്മന്‍ ചാണ്ടി മാധ്യമങ്ങളോട് അറിയിച്ചു. എന്നാല്‍ ചര്‍ച്ച പൂര്‍ത്തിയായില്ലെന്നും തീരുമാനം നാളെ മുഖ്യമന്ത്രി അറിയിക്കുമെന്നും ആഭ്യന്തരമന്ത്രി രമേശ് ചെന്നിത്തല പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha