പ്രവാസി മലയാളികളില്‍ അറിയപ്പെടുന്ന വ്യവസായിയും കോടീശ്വരനും ലീഗിന്റെ രാജ്യസഭാസ്ഥാനാര്‍ഥിയുമായ പിവി അബ്ദുല്‍ വഹാബിന്റെ സ്വത്തുക്കളുടെ കാര്യത്തില്‍ തര്‍ക്കം. ശതകോടിയെങ്കിലും പുള്ളിയുടെ അക്കൗണ്ടില്‍ കാണുമെന്ന് വിചാരിച്ച മലയാളികള്‍ക്ക് തെറ്റി. വെറും 167.19 കോടി രൂപയുടെ ആസ്ഥിമാത്രം. വഹാബിന് സാമ്പത്തിക മാന്ദ്യമാണെന്നും അത് പരിഹരിക്കാനാണ് ലീഗ് വഹാബിനെ സ്ഥാനാര്‍ഥിയാക്കിയതെന്നതാണ് അണിയറയിലെ സംസാരം. എണ്ണയ്ക്ക് വില കുറഞ്ഞതാണ് വഹാബിന്

മാന്ദ്യം സംഭവിക്കാന്‍ കാരണമെന്ന് മറ്റൊരു കൂട്ടം. ബിജെപിക്കാര്‍ പറയുന്നത് പോലെ മോഡിയെ പേടിച്ചിട്ടാണോ? അറിയാതെയങ്ങാനും സ്വത്തുക്കളുടെ വിവരം വെളിപ്പെടുത്തിയാള്‍ നാളെ രാവിലെ വീട്ടിന്റെ മുന്നില്‍ നില്‍ക്കും എന്‍ഫോഴ്‌മെന്റ്. എന്തായാലും വഹാബ് നാമനിര്‍ദ്ദേശ പട്ടികയോടൊപ്പം സമര്‍പ്പിച്ച തന്റെ സ്വത്ത് വിവരത്തിലാണ് തന്റെ 167.19 കോടിയാണെന്ന് വെളിപ്പെടുത്തിയത്.

വഹാബിന് സ്വന്തം പേരില്‍ 135 കോടിയുടെ ജംഗമസ്വത്തുക്കളും 32 കോടി വിപണി വില വരുന്ന സ്ഥാവര സ്വത്തുക്കളുമുണ്ട്. സ്ഥാവര സ്വത്തുക്കളില്‍ 6. 68 കോടി ചെലവില്‍ പണിത കെട്ടിടങ്ങളുണ്ട്. വഹാബിന്റെ ഭാര്യയുടെ പേരില്‍ 26.93 കോടിയുടെ ജംഗമസ്വത്തുക്കളും 5.80 കോടി വിപണി വില വരുന്ന സ്ഥാവര സ്വത്തുക്കളുമുണ്ട്. എന്തായാലും വഹാബിന്റെ സ്വത്തുക്കളുടെ യഥാര്‍ത്ഥമൂല്യം ഇതാകില്ലെന്ന് തന്നെയാണ് ഏവരും ഒരേ സ്വരത്തില്‍ പറയുന്നത്.
എന്നാല്‍ പാവപ്പെട്ടവനായ മുതിര്‍ന്ന കോണ്‍ഗ്രസ് നേതാവ് വയലാര്‍ രവിക്ക് 1.26 കോടിയുടെ ആസ്തിയുണ്ട്. വയലാര്‍ രവിക്ക് 61,97,099 രൂപയുടെ ജംഗമസ്വത്തുക്കളും 65 ലക്ഷം വിപണി വില വരുന്ന സ്ഥാവര സ്വത്തുക്കളുമുണ്ട്. സ്ഥാവര സ്വത്തുക്കള്‍ വാങ്ങുന്നതിന് 1,21,216 രൂപ ചെലവഴിച്ചു.സിപിഐയിലെ അഡ്വ. കെ. രാജന് 86,531 രൂപയുടെ ജംഗമസ്വത്തുക്കളും 1.69 കോടി വില വരുന്ന കൂട്ടുസ്വത്തുമുണ്ട്. ബാദ്ധ്യത അഞ്ച് ലക്ഷം രൂപയുടെ ബാങ്ക് വായ്പ. ഭാര്യയുടെ പേരില്‍ 10.64 ലക്ഷം രൂപയുടെ ജംഗമസ്വത്തുക്കളുമുണ്ട്.
ഇതില്‍ വഹാബിന്റേയും രവിയുടേയും കണക്കുകള്‍ ശരിയാണോ എന്നതാണ് ചോദ്യം. ശരിയായ കണക്കെടുപ്പ് സര്‍ക്കാരിന്റെ അന്വേഷണ ഏജന്‍സികള്‍ നടത്തിയാല്‍ തട്ടിപ്പ് പുറത്തുവരുമെന്നാണ് വാദം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha