സൈബര്‍ ലോകത്തെ പോരാളികള്‍ ആയ മല്ലൂസ് ഒരുമിച്ച് മനസുവെച്ചാല്‍ നമ്മുടെ മലയാളഭാഷയെ യുണൈറ്റഡ് അറബ് എമിറേറ്റ്‌സി(യുഎഇ)യിലെ ഔദ്യോഗിക ഭാഷയാക്കാന്‍ സാധിക്കും. യു.എ.ഇയില്‍ എമിറേറ്റ്‌സ് ഐഡന്റിറ്റി വെബ്‌സൈറ്റില്‍ മൂന്നാമതൊരു ഭാഷയ്ക്ക് വേണ്ടിയുള്ള വോട്ടെടുപ്പില്‍ മലയാള ഭാഷ പൊരുതുന്നത് പാക്കിസ്ഥാനികള്‍ അകമഴിഞ്ഞ് പിന്തുണക്കുന്ന ഉറുദു ഭാഷയോടാണ്.
നിലവില്‍ അറബി, ഇംഗ്ലീഷ് ഭാഷകളിലാണ് യു.എ.ഇയില്‍ എമിറേറ്റ്്‌സ് ഐ.ഡി.യുടെ സൈറ്റില്‍ ഇടപാടുകള്‍ നടത്താന്‍ സാധിക്കുന്നത്. ഇതിലേക്ക് മൂന്നാമതായി ഭാഷയെ ഉള്‍പ്പെടുത്താന്‍ തീരുമാനിച്ചതോടെയാണ് ഇതിനായി ഓണ്‍ലൈന്‍ വോട്ടിംഗിന് ശ്രമം ആരംഭിച്ചത്. തുടക്കത്തില്‍ മലയാളികള്‍ ആവേശപൂര്‍വ്വം വോട്ട് ചെയ്തതോടെ മുന്നിലെത്തിയ മലയാള ഭാഷയെ പിന്നീട് പാക്കിസ്ഥാനികളുടെയും ഉത്തരേന്ത്യയിലെ ഇന്ത്യക്കാരുടെയും പിന്തുണയോടെ ഉറുദു ഭാഷ മുന്നിലെത്തി. ഇപ്പോള്‍ രണ്ടാം സ്ഥാനത്താണ് മലയാള ഭാഷ.
കഴിഞ്ഞ മാസം പത്തിനാണ് മൂന്നാമത്തെ ഭാഷയ്ക്ക് വേണ്ടിയുള്ള ഓണ്‍ലൈന്‍ വോട്ടെടുപ്പ് ആരംഭിച്ചത്. മലയാളവും ഉറുദുവും കൂടാതെ ചൈനീസ് ഭാഷയായ മാന്‍ഡറിന്‍, ഉറുദു, ഫിലിപ്പീന്‍സ് ഭാഷയായ തഗലോഗ് എന്നിവയെയാണ് എമിറേറ്റ്്‌സ് ഐ.ഡി.യുടെ സൈറ്റ് തിരഞ്ഞെടുത്തത്. പൊതുജനങ്ങള്‍ക്ക് ഇഷ്ട ഭാഷയ്ക്കു വോട്ട് നല്‍കാമെന്നതാണ് പ്രത്യേകതയാണ് മലയാളത്തിനും ഉറുദുവിനും ആരാധകരെ കൂട്ടിയത്. ഓണ്‍ലൈന്‍ പോളിങ് പുരോഗമിക്കുമ്പോള്‍ ഉറുദുവും മലയാളവും തമ്മില്‍ കടുത്ത മത്സരമാണ് നടക്കുന്നത്.
അതേസമയം ഓണ്‍ലൈന്‍ വോട്ടിങ് താല്‍ക്കാലികമായി നിര്‍ത്തിവച്ചിരിക്കയാണ് ഇപ്പോള്‍, പകരം മറ്റൊരു പോളിംഗാണ് ഇപ്പോള്‍ വെബ്‌സൈറ്റിലൂടെ നടക്കുന്നത്. ഇതേക്കുറിച്ചുള്ള കൂടുതല്‍ വിശദീകരണവും പുറത്തുവന്നിട്ടില്ല. മിച്ചല്‍ ജോണ്‍സനെയും മരിയ ഷറപ്പോവയെയും കണ്ണുപൊട്ടുന്ന ചീത്ത വിളിച്ച മലയാളികളുടെ ചെറിയ മനസ് മതി മറുനാട്ടില്‍ ഒന്നാമതെത്താന്‍.
ലക്ഷക്കണക്കിന് മലയാളികള്‍ ജോലി ചെയ്യുകയും കേരളക്കരയുമായി ഏറ്റവും അധികം ആത്മബന്ധവും പുലര്‍ത്തുന്ന യുഎഇയുടെ അംഗീകാരം നേടാനുള്ള ഒരു സുവര്‍ണ്ണ അവസരമാണ് മലയാളികള്‍ക്ക് മുന്നില്‍ കൈവന്നിരിക്കുന്നത്. ഈ നേട്ടം കൈവരിക്കാന്‍ മലയാളികളായ ഓരോരുത്തരും ചെയ്യേണ്ടത് വാട്ട്‌സാപ്പിലും ഫേസ്ബുക്കിലും ചാറ്റ് വഴി ലഭിക്കുന്ന ലിങ്കിലൂടെ എളുപ്പത്തില്‍ മലയാളികള്‍ വോട്ട് രേഖപ്പെടുത്തുക എന്നതാണ്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha